នៅថ្ងៃទី ២៧ ខែ វិច្ឆិកា ឆ្នាំ ២០១៩ អង្គបុរេជំនុំជម្រះនៃអង្គជំនុំជម្រះវិសាមញ្ញក្នុងតុលាការកម្ពុជា នឹងចាប់ ផ្តើមសវនាការរយៈពេលបីថ្ងៃ នៅក្នុងសំណុំរឿង ០០៣ ប្រឆាំង មាស មុត ។
ជាកិច្ចចាប់ផ្តើម ប្រធានអង្គជំនុំជម្រះនឹងប្រកាសបើកសវនាការជាសាធារណៈ បន្ទាប់មកនឹងមានការអានរបាយការណ៍នៃសំណុំរឿងនេះជាសាធារណៈ ដែលលើកឡើងនូវអង្គហេតុពាក់ព័ន្ធនានា និងប្រវត្តិនីតិវិធីនៃសំណុំរឿង ០០៣ ព្រមទាំងសេចក្តីលម្អិតនៃបណ្តឹងឧទ្ធរណ៍នានាដែលបានដាក់នៅចំពោះមុខអង្គជំនុំជម្រះ។ សំណៅកោសលុបនៃរបាយការណ៍នេះនឹងអាចរកមើលបាននៅលើគេហទំព័រសាធារណៈរបស់តុលាការ បន្ទាប់ពីចប់សវនាការនោះភ្លាមៗ។
សវនាការនឹងបន្តដំណើរការនៅថ្ងៃទី ២៨ និងថ្ងៃទី ២៩ ខែ វិច្ឆិកា ឆ្នាំ ២០១៩ តទៅទៀត អនុលោមទៅតាម ដីកាកំណត់កាលវិភាគសម្រាប់សវនាការ ដែលបានចេញនៅថ្ងៃទី ២៤ ខែ តុលា ឆ្នាំ២០១៩។ ប្រសិនបើចាំបាច់ ចៅក្រមនឹងតាំងសំណួរដល់ភាគីនានាជាសាធារណៈ នៅថ្ងៃទី ២៩ ខែ វិច្ឆិកា ឆ្នាំ ២០១៩ មុនពេលបញ្ចប់សវនាការ។