តាមរយៈការរៀបចំដោយជោគជ័យនូវកិច្ចពិគ្រោះយោបល់ជាមួយភាគីពាក់ព័ន្ធស្តីអំពីសំណងក្នុងសំណុំរឿង ០០២/០២ កាលពីខែមុន អង្គភាពគាំពារជនរងគ្រោះ និងអង្គភាពសហមេធាវីនាំមុខតំណាងដើមបណ្តឹងរដ្ឋប្បវេណី នឹងរៀបចំ កិច្ចពិគ្រោះយោបល់មួយផ្សេងទៀត ជាមួយដើមបណ្តឹងរដ្ឋប្បវេណី អំពីសំណងក្នុងសំណុំរឿង ០០២/០២ ដែលនឹងប្រព្រឹត្ត ទៅនៅថ្ងៃទី ២១ ខែកក្កដា ឆ្នាំ២០១៤ ចាប់ពីម៉ោង៨ ព្រឹក ដល់ ៥ល្ងាច នៅមជ្ឈមណ្ឌលសហប្រតិបត្តិការកម្ពុជា¬-កូរ៉េស្ថិតនៅក្នុងបរិវេណសាកលវិទ្យាល័យ
ភូមិន្ទភ្នំពេញ។
ព្រឹត្តិការណ៍នេះនឹងមានការចូលរួមពីមេធាវីដើមបណ្តឹងរដ្ឋប្បវេណី និងដើមបណ្តឹងរដ្ឋប្បវេណីប្រហែល ១០០ នាក់ ដែលមកពីបណ្តារាជធានី/ខេត្ត ក្នុងប្រទេសកម្ពុជា ដើម្បី
ពិភាក្សា និងបងើ្កតសំណើគម្រោងសំណង សម្រាប់ករណី បន្ទាប់។ សម្រាប់អ្នកសារព័ត៌មាន សូមកត់សំគាល់ថា វគ្គដំបូងនិងចុងក្រោយនៃកម្មវិធីត្រូវបានបើកសម្រាប់អ្នកសារ
ព័ត៌មាន ប៉ុន្តែវគ្គផ្សេងៗទៀតទុកសម្រាប់តែអ្នកចូលរួមធម្មតាតែប៉ុណ្ណោះ។
ឧក្រិដ្ឋកម្មជាច្រើនដែលនឹងត្រូវរួមបញ្ចូលនៅក្នុងសវនការ ០០២/០២ ដែលរួមមាន៖ ឧក្រិដ្ឋកម្មប្រល័យពូជសាសន៍ ឧក្រិដ្ឋកម្មប្រឆាំងនឹងមនុស្សជាតិ និងឧក្រិដ្ឋកម្មសង្រ្គាម។ អង្គភាពគាំពារជន រងគ្រោះ និងអង្គភាពសហមេធាវីនាំមុខតំណាងដើមបណ្តឹងរដ្ឋប្បវេណី នឹងស្វះស្វែងបង្កើតឲ្យមានសំណើផ្សេងៗ ពាក់ព័ន្ធទៅនឹងព្យសនកម្មដែលជាផល
វិបាកនៃឧក្រិដ្ឋកម្មដែលបានចោទប្រកាន់ និងបង្កើតឲ្យមានសំណងដល់ដើមបណ្តឹងរដ្ឋប្បវេណី។
កន្លងមក អង្គភាពគាំពារជនរងគ្រោះ និងអង្គភាពសហមេធាវីនាំមុខតំណាងដើមបណ្តឹងរដ្ឋប្បវេណី ក៍ធ្លាប់បាន រៀបចំកិច្ចពិភាក្សាជាមួយ មេធាវីដើមបណ្តឹងរដ្ឋប្បវេណី និងដើមបណ្តឹងរដ្ឋប្បវេណី ដើម្បីកំណត់ និងពិភាក្សា អំពីសំណើគម្រោងសំណងដែលមានសក្តានុពល សម្រាប់ជាប្រយោជន៍ដល់ជនរងគ្រោះក្នុងរបបខ្មែរក្រហម។
ដើមបណ្តឹងរដ្ឋប្បវេណី អាចទាមទារសំណងជាលក្ខណៈសមូហភាព និងផ្លូវចិត្តបាន។ គម្រោងសំណងគឺធ្វើ ឡើង ដោយសមស្របទៅតាមពិរុទ្ធភាពរបស់ជនជាប់ចោទ ដែលត្រូវបានគេសន្មតថាគ្មានទោសរហូតដល់ការប្រកាសសាលដីកាស្ថាពរនៃការជំនុំជម្រះក្តីចុងក្រោយ។
អង្គភាពគាំពារជនរងគ្រោះ ជាអង្គភាពផ្លូវការមួយរបស់ អ.វ.ត.ក ហើយមានភារកិច្ចសម្របសម្រួលឲ្យជនរងគ្រោះចូលរួមនៅក្នុងដំណើរការនីតិវិធី អ.វ.ត.ក។ លើសពីនេះ អង្គភាពគាំពារជនរងគ្រោះ ដោយសហការយ៉ាងជិតស្និទ្ធជាមួយ អង្គភាពសហមេធាវីនាំមុខ មានភារកិច្ចកំណត់ រៀបចំ និងអនុវត្តគម្រោងសំណង និង ស្វែងរកមូលនិធិ និងជំនួយជ្រោមជ្រែងដល់ការងារសំណង។
ការបន្តធ្វើផែនការសម្រាប់ការស្នើសុំគម្រោងសំណងក្នុងសំណុំរឿង ០០២/០២
Most read
- បុគ្គលិក អ.វ.ត.ក ចូលរួមបកប្រែសាលដីកាទាក់ទងសំណុំរឿងព្រះវិហារដល់ពលរដ្ឋខ្មែរ
នៅពេលដែលតុលាការយុត្តិធម៌អន្តរជាតិ (ICJ) ប្រកាសសេចក្តីសម្រេចរបស់ខ្លួនទាក់ទងនឹងសំណុំរឿងប្រាសាទព្រះវិហារនៅទីក្រុងឡាអេ កាលពីថ្ងៃច័ន្ទ ទី១២ ខែវិច្ឆិកា ឆ្នាំ ២០១៣ អ្នកបកប្រែភាសា ៤រូបមកពីអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ក៏បានបកប្រែ…
- វីដេអូឯកសារទាក់ទងនឹងសំណុំរឿង ០០២/០១
ឯកសារវីដេអូថ្មីរយៈពេល ២៥ នាទីបានផលិតឡើងដោយផ្នែកកិច្ចការសាធារណៈជាបណ្តុំនៃសម្រង់ផ្សេងៗចេញពីការជំនុំជម្រះក្តីលើសំណុំរឿង ០០២/០១ ប្រឆាំងនឹងជនជាប់ចោទ ខៀវ សំផន និងនួន ជា។
- សហព្រះរាជអាជ្ញាស្នើឲ្យផ្តន្ទាទោសដាក់ពន្ធនាគារមួយជីវិតចំពោះជនជាប់ចោទ ខៀវ សំផន និងនួន ជា
នៅពេលបញ្ចប់ការធ្វើសេចក្តីសន្និដ្ឋានបញ្ចប់របស់ខ្លួន ថ្ងៃទី២១ ខែតុលា ឆ្នាំ ២០១៣ សហព្រះរាជអជ្ញាជាតិ លោកជំទាវ ជា លាង បានស្នើសុំអង្គជំនុំជម្រះសាលាដំបូង ដាក់ទោសទណ្ឌចំពោះជនជាប់ចោទ ខៀវ សំផន និង នួន ជា ចំពោះការចោទប្រកាន់ពីឧក្រិដ្ឋកម្មប្រឆាំងនឹងមនុស្សជាតិ…
- សហព្រះរាជអាជ្ញាស្នើសុំឲ្យមានការដាក់ទណ្ឌកម្មលើក្រុមមេធាវីការពារក្តីជនជាប់ចោទ ខៀវ សំផន
នៅក្នុងអំឡុងពេលសវនាការនៅថ្ងៃទី១៨ ខែកក្កដា ឆ្នាំ ២០១៣ តំណាងសហព្រះរាជអាជ្ញាបានស្នើសុំអង្គជំនុំជម្រះសាលដំបូងដាក់ទណ្ឌកម្មលើក្រុមមេធាវីការពារក្តីឲ្យ ជនជាប់ចោទ ខៀវ សំផន ចំពោះការបង្ហាញដែលពួកគេបានធ្វើឡើងនៅក្នុងលិខិតជូនការីនិពន្ធចុះផ្សាយនៅក្នុងកាសែត ភ្នំពេញ…