សិស្សា​នុ​សិ​ស្ស​ម​ក​ពី​វិ​ទ្យា​ល័​យ​ព្រះ​អង្គ​ឌួង​ខេ​ត្ត​ព្រៃ​វែង​ជិត ​៤​០​០​នា​ក់​ទ​ស្សន​កិច្ច​សិក្សា​នៅ​សា​លា​ក្តី​ខ្មែ​រក្រ​ហម​

«យុវជនត្រូវសិក្សាពីប្រវត្តិសាស្ត្ររបស់ខ្លួនឱ្យបានច្បាស់លាស់ ជាពិសេសរឿងរ៉ាវ ដែលកើតឡើងនៅក្នុងរបបកម្ពុជាប្រជាធិបតេយ្យ»។ នេះគឺជាការលើកឡើងរបស់លោក នេត្រ ភក្ត្រា មន្ត្រីនាំពាក្យនៃអង្គជំនុំជម្រះវិសាមញ្ញក្នុងតុលាការកម្ពុជានៅថ្ងៃទី២៥ ខែមករា ឆ្នាំ ២០១៧ នៅចំពោះមុខយុវសិស្សានុសិស្សមកពីវិទ្យាល័យព្រះអង្គឌួងជិត ៤០០ ដែលមកទស្សនកិច្ចសិក្សាស្វែងយល់ពីការជំនុំជម្រះក្តីលើអតីតមេដឹកនាំខ្មែរក្រហម។

លោក នេត្រ ភក្ត្រា បានគូសបញ្ជាក់ថា ការជំនុំជម្រះក្តីលើឧក្រិដ្ឋកម្មដែលបានកើតឡើងនៅក្នុង របបខ្មែរក្រហម ដើម្បីរកអ្នកទទូលខុសត្រូវលើឧក្រិដ្ឋកម្ម ផ្តល់យុត្តិធម៌ជូនជនរងគ្រោះដែលបានស្លាប់បាត់ បង់ជីវិត និងអ្នកដែលកំពុងរស់រានមានជីវិតពីរបបខ្មែរក្រហម ព្រមទាំងចូលរួមស្វែងរកការពិតជូនមនុស្សជាតិទាំងមូលថាតើមានអ្វីកើតឡើងពិតប្រាកដក្នុងរបបនេះ បានជាធ្វើឱ្យមនុស្សយ៉ាងហោចណាស់ចន្លោះពី ១,៧ លាន ទៅ ២,២ លាននាក់ស្លាប់បាត់បង់ជីវិត»។ លោកបន្តថាការចងចាំអំពីប្រវត្តិសាស្ត្រកម្ពុជាក៏ ជាផ្នែកមួយដែលជួយឱ្យសិស្សានុសិស្សបានយល់ដឹងកាន់តែស៊ីជម្រៅ បន្ថែមពីលើរឿងរ៉ាវដែលឪពុកម្តាយ និងជីដូនជីតារបស់ខ្លួនដែលហែលឆ្លងកាត់ និយាយប្រាប់។ ជាមួយគ្នានេះ លោក នេត្រ ភក្ត្រា ក៏បានលើក ទឹកចិត្តដល់ជនរងគ្រោះនៃរបបខ្មែរក្រហមជួយនិយាយបន្ត និងផ្សព្វផ្សាយពីរឿងរ៉ាវដែលគាត់បានជួបប្រទះនៅក្នុងរបបខ្មែរក្រហមជូនដល់ក្មេងៗជំនាន់ក្រោយដើម្បីការចងចាំ ទោះបីជាការរំលឹករឿងរ៉ាវនេះធ្វើ ឱ្យពលរដ្ឋមួយចំនួនមានការឈឺចាប់។  

បន្ទាប់ពីបានទស្សនាខ្សែវីដេអូឯកសារ អំពីដំណើរការជំនុំជម្រះក្តីលើសំណុំរឿង ០០២/០២ ប្រឆាំងនឹងជនជាប់ចោទ នួន ជា និង ខៀវ សំផន និងបទបង្ហាញដោយមន្ត្រីផ្នែកកិច្ចការសាធារណៈសិស្សានុសិស្សវិទ្យាល័យព្រះអង្គឌួងបានបន្តដំណើរទស្សនកិច្ចសិក្សារបស់ខ្លួនទៅកាន់សារៈមន្ទីរប្រល័យពូជសាសន៍ទួលស្លែង និងឃាលពិឃាតជើងឯក ដើម្បីស្វែងយល់ថាតើហេតុអ្វីបានជាខ្មែរក្រហមបង្កើតមន្ទីរសន្តិសុខ និងកន្លែងសម្លាប់មនុស្សនៅទូទាំងប្រទេស។  

ដំណើរទស្សនកិច្ចដែលសិស្ស ឡោ វឌ្ឍនា ក៏ដូចជាសិស្សានុសិស្សផ្សេងទៀត គូសបញ្ជាក់ថាពិតជាបានផ្តល់នូវផលប្រយោជន៍យ៉ាងច្រើនដល់ការសិក្សាផ្នែកមុខវិទ្យាប្រវត្តិសាស្ត្រ និងពង្រឹងការយល់ដឹងទូទៅនៃប្រវត្តិសាស្ត្រកម្ពុជាប្រជាធិបតេយ្យ ក៏ដូចជាបានពង្រឹងការចងចាំរបស់យុវជនផងដែរ។ រីឯសម្ភារព័ត៌មានផ្សេងៗដែលបានចែកជូនដល់សិស្សានុសិស្សគឺជាឯកសារពិគ្រោះដ៏មានសារៈសំខាន់ដើម្បីពង្រឹង ចំណេះដឹងជាពិសេសលើដំណើរការជំនុំជម្រះក្តីលើអតីតមេដឹកនាំជាន់ខ្ពស់ខ្មែរក្រហម និងអ្នកទទួលខុស ត្រូវខ្ពស់ក្នុងឧក្រិដ្ឋកម្មធ្ងន់ធ្ងរបំផុត ដែលបានប្រព្រឹត្តចន្លោះពីថ្ងៃទី១៧ ខែមេសា ឆ្នាំ១៩៧៥ ដល់ថ្ងៃទី៦ ខែមករា ឆ្នាំ១៩៧៩។   

Most read

នៅថ្ងៃនេះ សហចៅក្រមស៊ើបអង្កេតអន្តរជាតិ បានជូនដំណឹងទៅភាគីទាំងអស់នៃសំណុំរឿង ០០៣ ថាកិច្ចស៊ើបសួររបស់តុលាការនៅក្នុងសំណុំរឿង ០០៣ នេះ បានបិទបញ្ចប់ហើយ។ ភាគីពាក់ព័ន្ធនានាមានរយៈពេល ៣០ ថ្ងៃ ដើម្បីស្នើសុំការស៊ើបសួរបន្ថែមទៀត។... នៅថ្ងៃពុធ ទី ១១ ខែ មករា ឆ្នាំ ២០១៧ អង្គជំនុំជម្រះសាលាដំបូងបានបិទបញ្ចប់សវនាការលើភ័ស្តុតាង នៅក្នុងសំណុំរឿង ០០២/០២ ពាក់ព័ន្ធនឹងបទចោទប្រកាន់ស្តីពីឧក្រិដ្ឋកម្មប្រឆាំងមនុស្សជាតិ អំពើប្រល័យពូជសាសន៍ និង    ...
ស្ថិតនៅក្រោមគម្រោងនៃការចងចាំ សាលាក្តីខ្មែរក្រហមបានបន្តសកម្មភាពរបស់ខ្លួនក្នុងការផ្សព្វផ្សាយអំពីដំណើរការជំនុំជម្រះក្តីលើអតីតមេដឹកនាំមេដឹកនាំខ្មែរក្រហមជូនដល់សាធារណជន។ នៅថ្ងៃទី១៨ ខែមករា ឆ្នាំ ២០១៧ នេះ មន្ត្រីនាំពាក្យសាលាក្តីខ្មែរក្រហម លោក នេត្រ ភក្ត្រា... ក្រោមការរៀបចំរបស់ផ្នែកកិច្ចការសាធារណៈនៃអង្គជំនុំជម្រះវិសាមញ្ញក្នុងតុលាការកម្ពុជា សិស្សានុសិស្សជាង ៣០០នាក់មកពីវិទ្យាល័យព្រះអង្គឌួង និងវិទ្យាល័យចម្រើនវិជ្ជា...
បើទោះបីជាសាលាក្ដីខ្មែរក្រហមមិនបើកសវនាការ ប៉ុន្ដែផ្នែកកិច្ចការសាធារណៈនៃសាលាក្ដីខ្មែរក្រហមនៅតែមមាញឹករៀបចំឲ្យមានដំណើរ ទស្សនកិច្ចរបស់សាធារណៈជនទៅកាន់សាលាក្ដីខ្មែរក្រហមរៀងរាល់សប្ដាហ៍។ ជាក់ស្ដែងនៅរសៀលថ្ងៃសុក្រ ទី២០ ខែមករា ឆ្នាំ... «យុវជនត្រូវសិក្សាពីប្រវត្តិសាស្ត្ររបស់ខ្លួនឱ្យបានច្បាស់លាស់ ជាពិសេសរឿងរ៉ាវ ដែលកើតឡើងនៅក្នុងរបបកម្ពុជាប្រជាធិបតេយ្យ»។ នេះគឺជាការលើកឡើងរបស់លោក នេត្រ ភក្ត្រា មន្ត្រីនាំពាក្យនៃអង្គជំនុំជម្រះវិសាមញ្ញក្នុងតុលាការកម្ពុជានៅថ្ងៃទី២៥ ខែមករា ឆ្នាំ ២០១៧...

អ.វ.ត.ក​ លើ​ប្រព័ន្ធ​ព័ត៌មាន​សង្គម


Youtube
Twitter
Flickr

Instagram

Latest news