គម្រោង​​ថ​វិកា​កែ​សម្រួ​ល​របស់​ អ.វ.ត.ក ​សម្រាប់​ឆ្នាំ​ ២០១៦​-២០១៧​

គម្រោងថវិកាកែសម្រួលរបស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)  សម្រាប់ឆ្នាំ ២០១៦-២០១៧ ត្រូវបានអនុម័តដោយក្រុមប្រទេសដែលមានចំណាប់អារម្មណ៍លើការងាររបស់ អ.វ.ត.ក នៅបុរីញ៉ូយក សហរដ្ឋអាមេរិក និងត្រូវបានផ្សព្វផ្សាយលើគេហទំព័រ អ.វ.ត.ក ហើយនាពេលនេះ។

គម្រោងថវិកាកែសម្រួលសម្រាប់ឆ្នាំ ២០១៧ នេះ មានទឹកប្រាក់សរុបចំនួន ៣០,១៣ លានដុល្លារអាមេរិក ដែលក្នុងនោះភាគីអន្តរជាតិ គ្រោងចំណាយចំនួន ២៣,៧៦ លានដុល្លារអាមេរិក និង ភាគីជាតិ គ្រោងចំណាយចំនួន ៦,៣៧ លានដុល្លារអាមេរិក។ គម្រោងថវិកាសម្រាប់ឆ្នាំ ២០១៦ ត្រូវបានកែសម្រួលដោយឈរមូលដ្ឋាននៃការចំណាយសរុបចំនួន ៣០,៦១ លានដុល្លារ ដែលក្នុងនោះភាគីអន្តរជាតិចំណាយថវិកាអស់ចំនួន ២៤,០៦ លានដុល្លារអាមេរិក និងភាគីជាតិចំណាយថវិកា ៦,៦៤ លានដុល្លារអាមេរិក។ 

គម្រោងថវិកាកែសម្រួលសម្រាប់ឆ្នាំ ២០១៦ និង២០១៧ បានកើនឡើងចំនួន ១,៩៤ លានដុល្លារអាមេរិក សម្រាប់ទាំងពីរភាគី គឺភាគីជាតិ និងអន្តរជាតិនៃ អ.វ.ត.ក ។ 

ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោកឃ្នុត រ៉ូហ្សិនហក អនុប្រធានការិយាល័យរដ្ឋបាលនៃអ.វ.ត.ក បានថ្លែងថា៖ “យើងខ្ញុំសូមស្វាគមន៍ចំពោះការអនុម័តលើគម្រោងថវិកាថ្មីនេះ និងសូមអំពាវនាវដ៏ទទួចដល់សហគមន៍ម្ចាស់ជំនួយ បន្តផ្តល់ជំនួយហិរញ្ញវត្ថុចាំបាច់ដល់ អ.វ.ត.ក ដើម្បីអនុវត្តដោយជោគជ័យលើអាណត្តិការងាររបស់ខ្លួន”។

Most read

នៅថ្ងៃនេះ សហចៅក្រមស៊ើបអង្កេតអន្តរជាតិ បានជូនដំណឹងទៅភាគីទាំងអស់នៃសំណុំរឿង ០០៣ ថាកិច្ចស៊ើបសួររបស់តុលាការនៅក្នុងសំណុំរឿង ០០៣ នេះ បានបិទបញ្ចប់ហើយ។ ភាគីពាក់ព័ន្ធនានាមានរយៈពេល ៣០ ថ្ងៃ ដើម្បីស្នើសុំការស៊ើបសួរបន្ថែមទៀត។... នៅថ្ងៃពុធ ទី ១១ ខែ មករា ឆ្នាំ ២០១៧ អង្គជំនុំជម្រះសាលាដំបូងបានបិទបញ្ចប់សវនាការលើភ័ស្តុតាង នៅក្នុងសំណុំរឿង ០០២/០២ ពាក់ព័ន្ធនឹងបទចោទប្រកាន់ស្តីពីឧក្រិដ្ឋកម្មប្រឆាំងមនុស្សជាតិ អំពើប្រល័យពូជសាសន៍ និង    ...
ស្ថិតនៅក្រោមគម្រោងនៃការចងចាំ សាលាក្តីខ្មែរក្រហមបានបន្តសកម្មភាពរបស់ខ្លួនក្នុងការផ្សព្វផ្សាយអំពីដំណើរការជំនុំជម្រះក្តីលើអតីតមេដឹកនាំមេដឹកនាំខ្មែរក្រហមជូនដល់សាធារណជន។ នៅថ្ងៃទី១៨ ខែមករា ឆ្នាំ ២០១៧ នេះ មន្ត្រីនាំពាក្យសាលាក្តីខ្មែរក្រហម លោក នេត្រ ភក្ត្រា... ក្រោមការរៀបចំរបស់ផ្នែកកិច្ចការសាធារណៈនៃអង្គជំនុំជម្រះវិសាមញ្ញក្នុងតុលាការកម្ពុជា សិស្សានុសិស្សជាង ៣០០នាក់មកពីវិទ្យាល័យព្រះអង្គឌួង និងវិទ្យាល័យចម្រើនវិជ្ជា...
បើទោះបីជាសាលាក្ដីខ្មែរក្រហមមិនបើកសវនាការ ប៉ុន្ដែផ្នែកកិច្ចការសាធារណៈនៃសាលាក្ដីខ្មែរក្រហមនៅតែមមាញឹករៀបចំឲ្យមានដំណើរ ទស្សនកិច្ចរបស់សាធារណៈជនទៅកាន់សាលាក្ដីខ្មែរក្រហមរៀងរាល់សប្ដាហ៍។ ជាក់ស្ដែងនៅរសៀលថ្ងៃសុក្រ ទី២០ ខែមករា ឆ្នាំ... «យុវជនត្រូវសិក្សាពីប្រវត្តិសាស្ត្ររបស់ខ្លួនឱ្យបានច្បាស់លាស់ ជាពិសេសរឿងរ៉ាវ ដែលកើតឡើងនៅក្នុងរបបកម្ពុជាប្រជាធិបតេយ្យ»។ នេះគឺជាការលើកឡើងរបស់លោក នេត្រ ភក្ត្រា មន្ត្រីនាំពាក្យនៃអង្គជំនុំជម្រះវិសាមញ្ញក្នុងតុលាការកម្ពុជានៅថ្ងៃទី២៥ ខែមករា ឆ្នាំ ២០១៧...

ស្វែង​យល់​ច្រើន​ទៀត​ពី៖

អ.វ.ត.ក​ លើ​ប្រព័ន្ធ​ព័ត៌មាន​សង្គម


Youtube
Twitter
Flickr

Instagram

Latest news