ហ៊ូ នឹម

ឈ្មោះក្រៅ : ភាស់¹

ហ៊ូ នឹម (១៩៣២-១៩៧៧) គឺជារដ្ឋមន្រ្តីក្រសួងព័ត៌មាន និងឃោសនាការ។ គាត់ត្រូវបានឃុំខ្លួននៅ ស-២១ និងក្រោយមក សម្លាប់ចោល។

ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។

ការរកឃើញសំខាន់ៗ

អង្គជំនុំជម្រះសាលាដំបូងនៅក្នុងសំណុំរឿង ០០២/០២ បានរកឃើញថា ហ៊ូ នឹម:

ធ្វើការងារជិតស្និទ្ធិជាមួយ ខៀវ សំផន នៅវគ្គអប់រំ និងទទួលភ្ញៀវទូតនៅព្រលានយន្តហោះជាមួយ ខៀវ សំផន ¹⁹
លើកឡើងអំពីវត្តមានខ្មាំងនៅក្នុងប្រទេសក្នុងពេលធ្វើសមាជមហាជន និងនៅក្នុងវគ្គអប់រំនយោបាយ រួមជាមួយមេដឹកនាំជាន់ខ្ពស់ ប.ក.ក ផ្សេងទៀត ²⁰ ។
អំពាវនាវជាសាធារណៈឲ្យកម្ទេចសមាជិកជាន់ខ្ពស់នៃរដ្ឋបាលសាធារណរដ្ឋ និងអ្នករដ្ឋការផ្សេងទៀតរួមជាមួយមន្រ្តីថ្នាក់ក្រោមៗ ²¹ ។

កំណត់សម្គាល់

ហ៊ូ នឹម មិនមែនជាជនសង្ស័យ ជនត្រូវចោទ ឬ ជនជាប់ចោទនៅក្នុងកិច្ចដំណើរការនីតិវិធីចំពោះមុខ អ.វ.ត.ក។ ដូច្នេះ សំអាងហេតុរបស់អង្គជំនុំជម្រះវិសាមញ្ញមិនអាចចាត់ទុកជាសំអាងហេតុនៃពិរុទ្ធភាពប្រឆាំងនឹងគាត់នោះឡើយ។

ព័ត៌មានខ្លះអាចយកចេញពីចម្លើយសារភាពដែលទទួលបានក្រោមទារុណកម្ម។ ដូច្នេះ ភាពអាចទុកចិត្តបាននៃព័ត៌មានបែបនេះគួរពិនិត្យដោយប្រុងប្រយ័ត្ន។ សូមមើលសេចក្តីសម្រេចស្តីពីភស្តុតាងទទួលបានតាមរយៈទារុណកម្ម។

អូស

១៩៣២

ថ្ងៃខែឆ្នាំកំណើត²។

១៩៥៨

ជ្រើសតាំងជាសមាជិកសភាតាមការបោះឆ្នោតដោយឯករាជ្យ³។

១៩៦០

តែងតាំងនៅក្នុងរដ្ឋាភិបាលសង្គមរាស្រ្តនិយមរួមជាមួយ ខៀវ សំផន និង ហ៊ូ យន់⁴។

១៩៦២

ជ្រើសតាំងជាសមាជិកសភា ក្នុងនាមសមាជិកសង្គមរាស្រ្តនិយម⁵។

១៩៦៣

ដើមខែមីនា ឆ្នាំ១៩៦៣

បាត់បង់តួនាទីជានិពន្ធនាយកកាសែតសង្គមរាស្រ្តនិយម នៅពេលសម្តេច សីហនុ រំលាយរដ្ឋាភិបាល និងកំណត់ឈ្មោះ គាត់ថាជាជនឆ្វេងនិយមមួយរូបក្នុងចំណោម ៣៤រូប⁶។

១៩៦៧

មេសា

ចោទប្រកាន់ជាសាធារណៈដោយសម្តេច នរោត្តម សីហនុ ថាបានបំផុសឲ្យកសិករបះបោរ នៅស្រុកសំឡូត ខេត្តបាត់ដំបង និងគម្រាមប្រើតុលាការសឹក⁷។

១៩៦៩

បញ្ចូល ប.ក.ក តាមរយៈ តាម៉ុក⁸។

១៩៧០

៥ ឧសភា

ក្លាយជារដ្ឋមន្រ្តីក្រសួងព័ត៌មាន និងឃោសនាការ នៃរាជរដ្ឋាភិបាលរួបរួមជាតិកម្ពុជា⁹។

១៩៧១

កញ្ញា

បានចូលរួម សមាជបក្សលើកទី៣ ដែល មេដឹកនាំ ប.ក.ក បានប្រកាសថា វៀតណាម គឺជា “សត្រូវស្រួចស្រាវ” របស់កម្ពុជាប្រជាធិបតេយ្យ¹⁰។

១៩៧៥

ពីឆ្នាំ១៩៧៥

ដឹកនាំក្រសួងឃោសនាការ និងព័ត៌មាន ដែលទទួលការងារមើលការខុសត្រូវការចេញផ្សាយទស្សនាវដ្តីទង់បដិវត្តន៍ និង យុវជនយុវនារីបដិវត្តន៍¹¹។

១៩៧៦

៣ កុម្ភៈ

ប្រកាសការជ្រើសតាំងសភាតំណាងប្រជាជន ដែលបានធ្វើឡើងនៅថ្ងៃទី ២០ មីនា ១៩៧៦¹²។

២០ មីនា

ប្រកាសនៅសន្និសីទសារព័ត៌មានរបស់សភាតំណាងប្រជាជន ជម្រាបលម្អិតអំពីសម័យប្រជុំសភាតំណាងប្រជាជន លើកទី១ និងចោទប្រកាន់ក្រុម លន់ នល់
ជាបរិវារចក្រព័ទ្ធអាមេរិក¹³។

មេសា

តែងតាំងជារដ្ឋមន្រ្តីទទួលបន្ទុកព័ត៌មាន និងឃោសនាការ ហើយត្រូវបានជ្រើសតាំងជារដ្ឋមន្រ្តីឃោសនាការនៅសភាតំណាងប្រជាជន¹⁴។

១៩៧៧

មីនា

ត្រូវបានគេឆ្លើយដាក់នៅក្នុងចម្លើយសារភាព ស-២១ មួយចំនួន¹⁵។

១០ មេសា

ចាប់ខ្លួនយកទៅ ស-២១ ក្រោយបង្ហាញយោបល់ប្រឆាំងនឹងគោលនយោបាយ ប.ក.ក¹⁶។

ក្រោយថ្ងៃទី១០ ខែមេសា ឆ្នាំ១៩៧៧

ទទួលរងទារុណកម្មនៅ ស-២១ និងបានសរសេរលិខិតជូន ប៉ុល ពត, នួន ជា, អៀង សារី, វន វ៉េត, សុន សេន និង ខៀវ សំផន បង្ហាញការគោរព និងស្មោះត្រង់ចំពោះ ប.ក.ក និងការភ័យខ្លាចដែលថា គាត់ត្រូវបានគេឆ្លើយដាក់ដោយមិនពិត¹⁷។

៦ កក្កដា

សម្លាប់ចោលក្រោយទទួលបានចម្លើយសារភាព ដែលគាត់ស្នើសុំ ប.ក.ក លើកលែងទោស¹⁸។