រស់ ញឹម

ឈ្មោះក្រៅ : មូល សំបាត់¹ រស់ ញឹម²

រស់ ញឹម (១៩២២-១៩៧៨) ជាលេខា ភូមិភាគពាយ័ព្យ អនុប្រធានទី២ នៃគណៈប្រធានរដ្ឋ និងសមាជិកគណៈមជ្ឈិម និង គណៈអចិន្រ្តៃយ៍។ គាត់ត្រូវបានឃុំនៅ ស-២១ និងក្រោយមកសម្លាប់ចោលនៅទីនោះ។

ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។

ការរកឃើញសំខាន់ៗ

អង្គជំនុំជម្រះសាលាដំបូងនៅក្នុងសំណុំរឿង ០០២/០១ និងសំណុំរឿង ០០២/០២ បានរកឃើញថា រស់ ញឹម:

ជាសមាជិកសហឧក្រិដ្ឋកម្មរួម ជាមួយមេដឹកនាំ ប.ក.ក ដោយមានគោលបំណងរួម “បង្កើតបដិវត្តន៍សង្គមនិយមយ៉ាងឆាប់រហ័សតាមរយៈមធ្យោបាយចាំបាច់តាម ‘សន្ទុះមហាលោតផ្លោះ’ និងដើម្បីការពារបក្សប្រឆាំងនឹងសត្រូវផ្ទៃក្នុង ក៏ដូចជាសត្រូវខាងក្រៅ” ¹⁰ ។
ជួបទៀងទាត់ជាមួយមេដឹកនាំបក្ស រួមទាំង នួន ជា ពិភាក្សាការអនុវត្តគោលនយោបាយ ប.ក.ក ¹¹ ។
ចូលរួមប្រជុំគណៈអចិន្រ្តៃយ៍ជាមួយមេដឹកនាំជាន់ខ្ពស់ ប.ក.ក ផ្សេងទៀត ដែលមានការពិភាក្សាបញ្ហាមាគ៌ានយោបាយ កិច្ចការបរទេស ពាណិជ្ជកម្ម និងជំនួញ ការពារជាតិ សង្គមកិច្ច កិច្ចការសេដ្ឋកិច្ច និងផែនការជម្លៀសក្រុង ¹² ។
កោះប្រជុំជូនដំណឹងកម្មាភិបាលជាន់ខ្ពស់ថា ពួកគេត្រូវបានចោទថាជាជនក្បត់ ហើយត្រូវប្រយ័ត្នជាមុនចំពោះការចាប់ខ្លួន ក្រោយមកមានការចាប់ខ្លួនកម្មាភិបាលភូមិភាគភាគពាយ័ព្យ និងសមាជិកគ្រួសាររបស់ពួកគេ ¹³ ។
រាយការណ៍ទៅថ្នាក់លើរបស់បក្ស អំពីកង្វះអាហារ និងលក្ខខណ្ឌរស់នៅមិនល្អ និងស្នើសុំការណែនាំចាត់ចែងលើទាហានអតីតរបបសាធារណខ្មែរ និងជានជាតិវៀតណាម ¹⁴ ។
បញ្ជាសម្លាប់ទាហាន និងអ្នករដ្ឋការរបបសាធារណរដ្ឋខ្មែរនៅទួលពោធិ៍ជ្រៃ ¹⁵ ។
ចុះពិនិត្យទំនប់ត្រពាំងថ្មច្រើនលើក និងផ្តល់របាយការណ៍លម្អិតអំពីលក្ខខណ្ឌរស់នៅ និងលក្ខខណ្ឌការងារ នៅភូមិភាគជូនទៅមន្ទីរ ៨៧០ ¹⁶ ។
សហការជាមួយថ្នាក់លើបក្សនៅក្នុងការចាប់ខ្លួនទាហានភូមិភាគពាយ័ព្យ តាមបញ្ជារបស់ សុន សេន ¹⁷ ។

កំណត់សម្គាល់

រស់ ញឹម មិនមែនជាជនសង្ស័យ ជនត្រូវចោទ ឬ ជនជាប់ចោទនៅក្នុងកិច្ចដំណើរការនីតិវិធីចំពោះមុខ អ.វ.ត.ក។ ដូច្នេះ សំអាងហេតុរបស់អង្គជំនុំជម្រះវិសាមញ្ញមិនអាចចាត់ទុកជាសំអាងហេតុនៃពិរុទ្ធភាពប្រឆាំងនឹងគាត់នោះឡើយ។

ព័ត៌មានខ្លះអាចយកចេញពីចម្លើយសារភាពដែលទទួលបានក្រោមទារុណកម្ម។ ដូច្នេះ ភាពអាចទុកចិត្តបាននៃព័ត៌មានបែបនេះគួរពិនិត្យដោយប្រុងប្រយ័ត្ន។ សូមមើលសេចក្តីសម្រេចស្តីពីភស្តុតាងទទួលបានតាមរយៈទារុណកម្ម។

អូស

១៩២២

ថ្ងៃខែឆ្នាំកំណើត³។

១៩៦០

ក្រោយថ្ងៃទី២ ខែតុលា ឆ្នាំ១៩៦០

បញ្ជូនទៅស្តារអតីតបណ្តាញឥស្សរៈនៅបាត់ដំបង ក្រោយសមាជបក្សលើកទី១ ក្នុងក្រុងភ្នំពេញ⁴។

១៩៧៤

មិថុនា

ជួបជាមួយមេដឹកនាំ ប.ក.ក នៅភូមិមាឃ ឃុំព្រែកកុក ពិភាក្សាផែនការវាយសម្រុកចុងក្រោយ និងជម្លៀសក្រុងភ្នំពេញ និងទីប្រជុំជនផ្សេងទៀត⁵។

១៩៧៧

១២ សីហា

ជូនដំណឹង អង្គការ ៨៧០ ថា សេរ៉ូមត្រៀមរួចរាល់ចាក់អ្នកជំងឺ បានបង្កប្រតិកម្ម ប៉ុន្តែមិនគ្រោះថ្នាក់⁶។

ធ្នូ

អមឧបនាយករដ្ឋមន្រ្តីចិន ជឹង យ៉ុងគួយ ចុះពិនិត្យការសាងសង់ការដ្ឋានទំនប់ត្រពាំងថ្ម⁷។

១៩៧៨

មុនថ្ងៃទី១៧ ខែឧសភា ដល់ថ្ងៃទី១៤ ខែមិថុនា ឆ្នាំ១៩៧៨

សហការជាមួយមជ្ឈិមបក្ស ក្នុងការងារបោសសម្អាតភូមិភាគរបស់ខ្លួន តាមបញ្ជារបស់ សុន សេន និងបន្តអនុវត្តពេញទំហឹងគោលនយោបាយមជ្ឈិមបក្ស⁸។

ថ្ងៃទី១៧ ខែឧសភា ដល់ថ្ងៃទី១៤ ខែមិថុនា

ចាប់ខ្លួនជាមួយអនុលេខាបញ្ជូនទៅ ស-២១ និងក្រោយមកសម្លាប់ចោល⁹។

ឯកសារពាក់ព័ន្ធ

ដីកាដំណោះស្រាយ

ដីកាដំណោះស្រាយក្នុងសំណុំរឿង ០០២/០២ ឯកសារ D427: ការដ្ឋានការងារ និងសហករណ៍ មន្ទីរសន្តិសុខ និងកន្លែងសម្លាប់មនុស្ស។
ដីកាសម្រេចលើកលែងចោទប្រកាន់ក្នុងសំណុំរឿង ០០៣ ឯកសារ D266: ៣. អង្គហេតុ។
ដីកាសម្រេចលើកលែងចោទប្រកាន់ក្នុងសំណុំរឿង ០០៤/១ ឯកសារ D308/3: ៤.៤ ការទទួលខុសត្រូវ និងសិទ្ធិអំណាចរបស់ អ៊ឹម ចែម នៅភូមិភាគពាយ័ព្យ។
ដីកាសម្រេចលើកលែងចោទប្រកាន់ក្នុងសំណុំរឿង ០០៤/០២ ឯកសារ D359: II. ការកត់សម្គាល់ឃើញអំពីអង្គហេតុ។
ដីកាសម្រេចលើកលែងចោទប្រកាន់ក្នុងសំណុំរឿង ០០៤ ឯកសារ D381: III. ការកត់សម្គាល់អំពីអង្គហេតុ IV. តួនាទី និងអំណាចរបស់ជនត្រូវចោទ។

សាលក្រម

សាលក្រមសំណុំរឿង ០០២/០១ ឯកសារ E313: ៣. បរិបទប្រវត្តិសាស្រ្ត ១៤. សហឧក្រិដ្ឋកម្មរួម។
សាលក្រមសំណុំរឿង ០០២/០២ ឯកសារ E465: ៣. បរិបទប្រវត្តិសាស្រ្ត ៥. រចនាសម្ព័ន្ធរដ្ឋបាល ១១. ការដ្ឋានការងារ ១២. មន្ទីរសន្តិសុខ ទីកន្លែងសម្លាប់មនុស្ស និងការបោសសម្អាតផ្ទៃក្នុង ១៣ ការប្រព្រឹត្តចំពោះក្រុមគោលដៅ។

ភស្តុតាង

ឯកសារស្តីពីសម័យប្រជុំអង្គនីតិបញ្ញាតិ ១១-១៣ មេសា ១៩៧៦ ឯកសារ E3/165 ទំព័រ ២១។
ជឹង យ៉ុងគួយ ប្រតិភូបន្តចុះពិនិត្យជនបទ (ក្នុងកម្រង FBIS) ៩ ធ្នូ ១៩៧៧ ឯកសារ E3/1339។
សេចក្តីរាយការណ៍អំពីទស្សនកិច្ចរបស់ ជឹង យ៉ុងគួយ នៅកម្ពុជា (ក្នុងកម្រង FBIS) ២៣ ធ្នូ ១៩៧៧ ឯកសារ E3/1783។
សារទូរលេខ កម្ពុជាប្រជាធិបតេយ្យ ២១ ធ្នូ ១៩៧៧ ឯកសារ E3/1208។
របាយការណ៍ ឯកសារកម្ពុជាប្រជាធិបតេយ្យ ១១ ឧសភា ១៩៧៨ ឯកសារ E3/950។
ចម្លើយសារភាព រស់ ញឹម ១៤ មិថុនា ១៩៧៨ ឯកសារ E3/3989។