ផ្នែកគាំពារការការពារក្ដី

ផ្នែកគាំពារ
ការការពារក្ដី

ផ្នែកគាំពារការការពារក្ដី បានបង្កើតឡើងដើម្បីធានាឱ្យភាគីចុងចោទបង្ហាញខ្លួននៅចំពោះមុខអង្គជំនុំជម្រះវិសាមញ្ញ មានតំណាងស្របច្បាប់ និងសម្ភារៈបរិក្ខារគ្រប់គ្រាន់។

តួនាទីរបស់អង្គភាពគាំពារការការពារក្ដី គឺ¹៖

ផ្តល់ជំនួយផ្នែកច្បាប់ជាមូលដ្ឋានដល់មេធាវីការពារក្តីដែលបង្ហាញខ្លួននៅចំពោះមុខអង្គជំនុំជម្រះវិសាមញ្ញ
ទទួល និងពិនិត្យពាក្យសុំដោយមេធាវីជាជនជាតិខ្មែរ និងបរទេស ដែលសុំការពារបុគ្គល នៅចំពោះមុខ អ.វ.ត.ក. និងរក្សាបញ្ជីឈ្មោះបុគ្គលដែលមានសិទ្ធិការពារ
ចុះកិច្ចសន្យាជាមួយមេធាវីការពារក្តីសម្រាប់ជនសង្ស័យក្រីក្រ ជនត្រូវចោទ ជនជាប់ចោទ ឬបុគ្គលផ្សេងទៀតដែលមានសិទ្ធិទទួលបានមេធាវីការពារក្តី
អនុម័ត និងអនុវត្តបទប្បញ្ញត្តិរដ្ឋបាលទាក់ទងនឹងលក្ខណៈវិនិច្ឆ័យសម្រាប់ការទទួលស្គាល់ ការចាត់តាំង និងការផ្តល់ប្រាក់បៀរវត្សរបស់មេធាវីការពារក្តី
ផ្តល់ការបណ្តុះបណ្តាលដល់មេធាវីការពារក្តីតាមរយៈការពិគ្រោះយោបល់ និងកិច្ចសហប្រតិបត្តិការជាមួយ គណៈមេធាវីនៃព្រះរាជាណាចក្រកម្ពុជា

មេធាវីការពារក្តី

លក្ខណៈវិនិច្ឆ័យសិទ្ធិសម្រាប់ចូលជាមេធាវីការពារក្តី

ផ្នែកគាំពារការការពារក្តីតម្រូវឱ្យរក្សាបញ្ជីឈ្មោះមេធាវីជាតិដែលបានចុះឈ្មោះជាមួយគណៈមេធាវីនៃព្រះរាជាណាចក្រកម្ពុជា និងមេធាវីបរទេសដែលមានការទទួលស្គាល់ពីគណៈមេធាវីក្នុងរដ្ឋជាសមាជិកអង្គការសហប្រជាជាតិ ហើយពួកគេក៏បានចុះបញ្ជីដោយគណៈមេធាវីនៃព្រះរាជាណាចក្រកម្ពុជាក្នុងគោលបំណងការពារជននៅចំពោះមុខ អ.វ.ត.ក. ដែរ²។

មេធាវីជាតិ ត្រូវបំពេញលក្ខខណ្ឌដូចខាងក្រោម³៖

១. ចូលជាសមាជិកគណៈមេធាវីនៃព្រះរាជាណាចក្រកម្ពុជា

២. មានសមត្ថកិច្ចក្នុងច្បាប់ព្រហ្មទណ្ឌ និងនីតិវិធីនៅថ្នាក់ជាតិ ឬអន្តរជាតិ

មេធាវីបរទេស ត្រូវបំពេញលក្ខខណ្ឌដូចខាងក្រោម⁴៖

១. បច្ចុប្បន្ន ជាសមាជិកក្នុងជំហរល្អនៃសមាគមមេធាវីដែលទទួលស្គាល់នៅក្នុងរដ្ឋជាសមាជិកអង្គការសហប្រជាជាតិ

២. មានសញ្ញាបត្រផ្នែកច្បាប់ ឬសញ្ញាបត្រដែលមានតម្លៃស្មើផ្នែកច្បាប់ ឬវិជ្ជាជីវៈសមមូល

៣. មានបទពិសោធន៍ការងារយ៉ាងតិច១០ឆ្នាំ ដែលពាក់ព័ន្ធក្នុងដំណើរការនីតិវិធីព្រហ្មទណ្ឌ ក្នុងនាមជាមេធាវី ចៅក្រមឬរដ្ឋអាជ្ញា ឬក្នុងសមត្ថភាពផ្សេងទៀត។

៤. មានសមត្ថភាពក្នុងនីតិវិធីព្រហ្មទណ្ឌ និងនីតិវិធីនៅកម្រិតអន្តរជាតិ ឬថ្នាក់ជាតិ

៥. ត្រូវចេះភាសាខ្មែរ អង់គ្លេស ឬបារាំង ច្បាស់លាស់

៦. ត្រូវបានអនុញ្ញាតដោយក្រុមប្រឹក្សាគណៈមេធាវីនៃព្រះរាជាណាចក្រកម្ពុជា ដើម្បីអនុវត្តនៅចំពោះមុខអង្គជំនុំជម្រះវិសាមញ្ញ

សិទ្ធិទទួលការឧបត្ថម្ភ

មេធាវីការពារក្តីត្រូវចុះកិច្ចសន្យា និងទទួលប្រាក់កម្រៃពីអង្គការសហប្រជាជាតិក្រោមកិច្ចសន្យាសេវាកម្មផ្នែកច្បាប់។ ពួកគេទទួលកម្រៃក្រោមគោលការណ៍ “សមភាពនៃមធ្យោបាយក្នុងការតទល់ក្ដីគ្នា” ជាមួយអយ្យការ ហើយមានសិទ្ធិទទួលបានការដំឡើងកម្រៃចំណាយបន្ថែម ដើម្បីជួយរក្សាលើការអនុវត្តផ្លូវច្បាប់របស់ពួកគេ⁵។មេធាវីការពារក្តីជនជាតិបរទេសទទួលបានសំបុត្រយន្តហោះទៅ និងមកប្រទេសកម្ពុជា ដើម្បីចូលរួមសវនាការនៅតុលាការ និងកិច្ចប្រជុំផ្សេងទៀត ដែលតម្រូវឱ្យធានាថាមានតំណាងប្រកបដោយប្រសិទ្ធភាពនៃកូនក្តីរបស់ពួកគេ។ ពួកគេទទួលបានអភ័យឯកសិទ្ធិពីការឃាត់និងឃុំខ្លួន ហើយឯកសាររបស់ពួកគេគឺមិនអាចរំលោភបំពានបានឡើយ⁶។

បញ្ជីឈ្មោះមេធាវី

ក្នុងអំឡុងពេលប្រតិបត្តិការរបស់ខ្លួន,

មេធាវីជាតិចំនួន ៤៩ នាក់ និងមេធាវីបរទេសចំនួន ៥៥ នាក់

ត្រូវបានវាយតម្លៃថាមានសិទ្ធិការពារជនក្រីក្រនៅចំពោះមុខ
អ.វ.ត.ក.។

ផ្នែកគាំពារការការពារក្ដីបានចាត់តាំងមេធាវីសរុបចំនួន

២៩ រូប មេធាវីប្រចាំការចំនួន ៣ រូប មេធាវីបម្រុងចំនួន ៣ រូប និងមេធាវីបរទេសដែលមិនយកកម្រៃមួយរូប។

ការគាំពារផ្នែកច្បាប់

មេធាវីការពារក្តីអាចត្រូវបានគាំពារដោយអ្នកប្រឹក្សាការ និងអ្នកគ្រប់គ្រងសំណុំរឿង ដើម្បីការពារកូនក្តីរបស់ពួកគេនៅចំពោះមុខ អ.វ.ត.ក.។

ចាប់តាំងពីឆ្នាំ ២០០៦ ផ្នែកគាំពារការពារក្ដីបានវាយតម្លៃជនជាតិខ្មែរចំនួន

៦៤ នាក់ និងបរទេសចំនួន ១៧២ នាក់ថាមានសិទ្ធិធ្វើជាអ្នកប្រឹក្សាការ⁷។

ត្រូវបានគេវាយតម្លៃថាមានសិទ្ធិការពារជនក្រីក្រនៅចំពោះមុខ អ.វ.ត.ក.។

អ្នកប្រឹក្សាការ ត្រូវបំពេញតាមលក្ខណៈវិនិច្ឆ័យដូចខាងក្រោម ៖

មានសញ្ញាបត្រផ្នែកច្បាប់ ឬសញ្ញាបត្រដែលមានតម្លៃស្មើផ្នែកច្បាប់ ឬវិជ្ជាជីវៈសមមូល
មានបទពិសោធន៍ការងារពាក់ព័ន្ធយ៉ាងតិច៥ឆ្នាំក្នុងដំណើរការនីតិវិធីព្រហ្មទណ្ឌ ក្នុងនាមជាមេធាវី ចៅក្រម ឬព្រះរាជអាជ្ញា ឬសមត្ថភាពប្រហាក់ប្រហែលផ្សេងទៀត
បង្ហាញពីសមត្ថភាពជាក់លាក់ក្នុងច្បាប់ និងនីតិវិធីព្រហ្មទណ្ឌអន្តរជាតិ
ត្រូវចេះភាសាខ្មែរ អង់គ្លេស ឬបារាំង ច្បាស់លាស់។

អ្នកគ្រប់គ្រងសំណុំរឿង ត្រូវតែបំពេញតាមលក្ខណៈវិនិច្ឆ័យដូចខាងក្រោម ៖

មានសញ្ញាបត្រច្បាប់
មានបទពិសោធន៍ការងារពាក់ព័ន្ធយ៉ាងតិច២ឆ្នាំ រួមទាំងជំនាញកុំព្យូទ័រ
ត្រូវចេះភាសាខ្មែរ និងអង់គ្លេស ឬបារាំងក្នុងកម្រិតអាចធ្វើការបាន
ត្រូវបញ្ចប់វគ្គតម្រង់ទិស ក្នុងនាមជាអ្នកគ្រប់គ្រងសំណុំរឿងនៃផ្នែកគាំពារការការពារក្ដី។

ការកសាងសមត្ថភាព និងការផ្សព្វផ្សាយ

ក្នុងផ្នែកមួយនៃអាណត្តិបណ្តុះបណ្តាលរបស់ខ្លួន ផ្នែកគាំពារការការពារក្ដីបានដឹកនាំវគ្គបណ្តុះបណ្តាលជាច្រើនក្នុងបណ្តាឆ្នាំកន្លងមក។
គំនិតផ្តួចផ្តើមរួមមាន ៖

១

ការបណ្តុះបណ្តាលច្បាប់ព្រហ្មទណ្ឌអន្តរជាតិ

ដែលគ្របដណ្តប់លើឧក្រិដ្ឋកម្មនៅក្នុងដែនសមត្ថកិច្ចរបស់ អ.វ.ត.ក. រួមមាន អំពើប្រល័យពូជសាសន៍ ឧក្រិដ្ឋកម្មប្រឆាំងមនុស្សជាតិ ការបំពានយ៉ាងធ្ងន់ធ្ងរនៃអនុសញ្ញាទីក្រុងហ្សឺណែវ ទម្រង់នៃការទទួលខុសត្រូវ និងការការពារក្ដី

២

ការការពារឧក្រិដ្ឋកម្មដ៏ស្មុគ្រស្មាញ

រួមមាន មេរៀន និងសិក្ខាសាលាស្តីពីការបង្កើតអំណះអំណាងផ្លូវច្បាប់ដោយប្រើច្បាប់ព្រហ្មទណ្ឌអន្តរជាតិ និងច្បាប់សិទ្ធិមនុស្ស ការអភិវឌ្ឍទ្រឹស្តីសំណុំរឿង ការប្រើប្រាស់មេធាវីការពារក្ដីប្រកបដោយប្រសិទ្ធភាព នីតិវិធីនៅ អ.វ.ត.ក. និងការគ្រប់គ្រងភស្តុតាងអេឡិចត្រូនិក

៣

វគ្គសិក្សាសម្រាប់អ្នកគ្រប់គ្រងសំណុំរឿង

លើការស្រាវជ្រាវផ្នែកច្បាប់ ការប្រើប្រាស់និងធ្វើការជាមួយភស្តុតាងជាឯកសារ កម្មវិធីគ្រប់គ្រងសំណុំរឿង ការបញ្ចុះបញ្ចូល និងវោហារសាស្ត្រ

៤

សិក្ខាសាលាជាមួយអ្នកជំនាញច្បាប់

រួមមាន ៖

.ចៅក្រម Philip Rapoza — ប្រធានចៅក្រមនៃសាលាឧទ្ធរណ៍រដ្ឋ Massachusetts និងជាចៅក្រមនៅក្រុមពិសេសសម្រាប់ឧក្រិដ្ឋកម្មធ្ងន់ធ្ងរ ទីម័រខាងកើត ឆ្នាំ ២០០៣-២០០៥ ។
.Stuart Alford — មេធាវី និងព្រះរាជអាជ្ញានៅគណកម្មការពិសេសសម្រាប់ឧក្រិដ្ឋកម្មធ្ងន់ធ្ងរ នៅទីម័រខាងកើត ឆ្នាំ ២០០១ - ២០០៣
. Gillian Higgins — មេធាវី និងមេធាវីការពារក្តីសម្រាប់ Slobodan Milošević តុលាការព្រហ្មទណ្ឌអន្តរជាតិសម្រាប់អតីតប្រទេសយូហ្គោស្លាវី, Ferdinand Nahimana នៅការិយាល័យរដ្ឋអាជ្ញានៅតុលាការព្រហ្មទណ្ឌអន្តរជាតិសម្រាប់ប្រទេសរ្វាន់ដា, Alfred Musema នៅការិយាល័យរដ្ឋអាជ្ញានៅតុលាការព្រហ្មទណ្ឌអន្តរជាតិសម្រាប់ប្រទេសរ្វាន់ដា
.Rodney Dixon — មេធាវីការពារក្តី Ramush Haradinaj តុលាការព្រហ្មទណ្ឌអន្តរជាតិសម្រាប់អតីតប្រទេសយូហ្គោស្លាវី
. Alan Gutman — មេធាវីការពារក្តី ក្រុមពិគ្រោះយោបល់ពិសេសសម្រាប់ឧក្រិដ្ឋកម្មធ្ងន់ធ្ងរ ទីម័រខាងកើត ឆ្នាំ ២០០២ - ២០០៥
. Guénaël Mettraux — មេធាវីការពារក្តីសម្រាប់ Šefer Halilović តុលាការព្រហ្មទណ្ឌអន្តរជាតិសម្រាប់អតីតប្រទេសយូហ្គោស្លាវី Ljubje Boškoski តុលាការព្រហ្មទណ្ឌអន្តរជាតិសម្រាប់អតីតប្រទេសយូហ្គោស្លាវី
. Andreas O’Shea — សាស្ត្រាចារ្យរងផ្នែកនីតិអន្តរជាតិ សាកលវិទ្យាល័យ Kwa-Zulu Natal អាហ្វ្រិកខាងត្បូង; មេធាវីការពារក្តីសម្រាប់ Karamera និង Rwanmakuba ការិយាល័យរដ្ឋអាជ្ញានៅតុលាការព្រហ្មទណ្ឌអន្តរជាតិសម្រាប់ប្រទេសរ្វាន់ដា, Vojislav Šešelj តុលាការព្រហ្មទណ្ឌអន្តរជាតិសម្រាប់អតីតប្រទេសយូហ្គោស្លាវី និង Augustine Gbao តុលាការពិសេសសម្រាប់ប្រទេសសេរ៉ាឡេអូន
. Eugene O’Sullivan — មេធាវីការពារក្តីសម្រាប់ Zejnil Delalić តុលាការព្រហ្មទណ្ឌអន្តរជាតិសម្រាប់អតីតប្រទេសយូហ្គោស្លាវី , Biljana Plavšić តុលាការព្រហ្មទណ្ឌអន្តរជាតិសម្រាប់អតីតប្រទេសយូហ្គោស្លាវី , Milan Milutinović តុលាការព្រហ្មទណ្ឌអន្តរជាតិសម្រាប់អតីតប្រទេសយូហ្គោស្លាវី
. Michail Wladimiroff — មេធាវីការពារក្តីសម្រាប់ Duško Tadić តុលាការព្រហ្មទណ្ឌអន្តរជាតិសម្រាប់អតីតប្រទេសយូហ្គោស្លាវី, ជាអ្នកមិនមែនជាភាគីនៃរឿងក្តី សម្រាប់ Slobodan Milošević នៅតុលាការព្រហ្មទណ្ឌអន្តរជាតិសម្រាប់អតីតប្រទេសយូហ្គោស្លាវី
. Arthur Verken — មេធាវីការពារក្តីសម្រាប់ Jean Mpambara ការិយាល័យរដ្ឋអាជ្ញានៅតុលាការព្រហ្មទណ្ឌអន្តរជាតិសម្រាប់ប្រទេសរ្វាន់ដា, Callixte Kalimanzira ការិយាល័យរដ្ឋអាជ្ញានៅតុលាការព្រហ្មទណ្ឌអន្តរជាតិសម្រាប់ប្រទេសរ្វាន់ដា
. David Cohen — នាយកមជ្ឈមណ្ឌលសិក្សាអំពីឧក្រិដ្ឋកម្មសង្គ្រាម Berkeley និង សាស្រ្តាចារ្យកិត្តិយស Ancker នៃមនុស្សជាតិនៅសាកលវិទ្យាល័យ California, Berkeley
. Chris Engels — អតីតនាយកផ្នែកការពារឧក្រិដ្ឋកម្ម តុលាការ BiH, Sarajevo; អតីតទីប្រឹក្សារដ្ឋាភិបាលអាហ្វហ្គានីស្ថាន ស្តីពីបញ្ហាឧក្រិដ្ឋកម្មសង្រ្គាម។
. Gilbert Bitti — ទីប្រឹក្សាច្បាប់ជាន់ខ្ពស់នៃផ្នែកបុរេជំនុំ ជម្រះនៃតុលាការ ឧក្រិដ្ឋកម្ម អន្តរជាតិ
. Michelle Staggs — គំនិតផ្តួចផ្តើមយុត្តិធម៌អន្តរជាតិអាស៊ី និងពីមុនជាអ្នកត្រួត ពិនិត្យការ កាត់ក្តីនៅតុលាការពិសេសសម្រាប់ប្រទេសសៀរ៉ាឡេអូន
. Richard Rogers — អតីតប្រធាន អង្គភាពគាំពារការការពារក្ដី និងជាមន្ត្រីច្បាប់នៅ ការិយាល័យរដ្ឋអាជ្ញានៅតុលាការព្រហ្មទណ្ឌអន្តរជាតិសម្រាប់ប្រទេសរ្វាន់ដា និង តុលាការព្រហ្មទណ្ឌអន្តរជាតិសម្រាប់អតីតប្រទេសយូហ្គោស្លាវី ។
. Rupert Skilbeck — អតីតប្រធាន អង្គភាពគាំពារការការពារក្ដី; នាយក OKO, Court of BiH, Sarajevo; ទីប្រឹក្សាការពារជាតិនៃតុលាការពិសេសសម្រាប់ប្រទេសសេរ៉ាឡេអូន
. Pauline Baranes — មន្ត្រីផ្នែកច្បាប់រងនៃអង្គភាពគាំពារការការពារក្ដី និងជាអតីតជំនួយការផ្នែកច្បាប់ ការិយាល័យរដ្ឋអាជ្ញានៅតុលាការព្រហ្មទណ្ឌអន្តរជាតិសម្រាប់ប្រទេសរ្វាន់ដា ក្នុងការកាត់ក្តីប្រព័ន្ធផ្សព្វផ្សាយ

៥

ការចូលរួមជាមួយសហគមន៍ច្បាប់

នៅក្នុងប្រទេសកម្ពុជា (គណៈមេធាវីនៃព្រះរាជាណាចក្រកម្ពុជា) និងលើសពីនេះ (សមាគមមេធាវីនៃហុងកុង សិង្ហបុរី និងប្រទេសថៃ)

៦

ការចូលរួមជាមួយអ្នកសិក្សា

រួមទាំងការធ្វើបទបង្ហាញស្តីពីសិទ្ធិជំនុំជម្រះដោយយុត្តិធម៌ និងតួនាទីការពារក្តីដល់សាកលវិទ្យាល័យកម្ពុជាឯកទេស សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច សាកលវិទ្យាល័យប៉ានស្ត្រាកម្ពុជា សាកលវិទ្យាល័យបៀលប្រាយ និងសាកលវិទ្យាល័យន័រតុន។

៧

គំនិតផ្តួចផ្តើមផ្សព្វផ្សាយ

ជាមួយអង្គការក្រៅរដ្ឋាភិបាលនៅតាមខេត្ត និងនៅ អ.វ.ត.ក.។

៨

ការហាត់ការងារ

បានផ្តល់ឱ្យមេធាវីវ័យក្មេងនូវបទពិសោធន៍ផ្ទាល់នៅក្នុងច្បាប់ព្រហ្មទណ្ឌ។ អង្គភាពគាំពារការការពារក្ដីបានសម្របសម្រួលកម្មសិក្សាជាង ២៩០វគ្គ ជាមួយក្រុមមេធាវីនៅដំណាក់កាលផ្សេងៗគ្នានៃដំណើរការក្ដី។

ប្រភពឯកសារ

ចុចខាងក្រោមដើម្បីមើលឯកសារ និងធនធានទាក់ទងនឹងផ្នែកគាំពារការការពារក្ដី ៖

បណ្ណសារ

ឯកសារដោយផ្នែកគាំពារការការពារក្ដីបណ្ណសារ

សេចក្តីសម្រេចរបស់តុលាការទាក់ទងនឹងធនធានបណ្ណសារ

សេចក្តីសម្រេចលើវិវាទទាក់ទងនឹងការទាមទារបណ្ណសារ

សេចក្តីសម្រេចរបស់តុលាការទាក់ទងនឹងធនធាន

PTC decision on Yim Tith’s urgent request for dismissal of the defence support section’s action plan decisionD381/42, D382/41EnglishPTC decision on Ao An’s urgent request for continuation of Ao An’s defence team budgetD360/26EnglishSCC decision on response to request to reinstate Nuon Chea Defence TeamF46/5EnglishOCIJ combined decision on the impact of the budgetary situation on Case 003, 004 and 004/02 and related submissions by the Defence for Yim TithF46/5EnglishOCIJ further decision on the urgent request on remote workingD321/4EnglishOCIJ decision on the urgent request to remote working decision on Ao An’s urgent request for continued provision of necessary resourcesD321/1EnglishOCIJ decision on Ao An’s urgent request for continued provision of necessary resourcesD304/11EnglishOCIJ second decision on Yim Tith’s urgent request concerning defence’s resourcesD312/4EnglishOCIJ decision on Yim Tith’s urgent request concerning defence’s resourcesD312/1EnglishOCIJ decision on resources to be provided to the Ao An defenceD304/7EnglishOCIJ further decision on Ao An’s request to order DSS to provide additional resourcesD304/4EnglishOCIJ decision on Ao An’s request to order DSS to provide additional resourcesD304/1EnglishPTC decision on Ao An’s urgent request for continuation of Ao An’s defence team budgetD360/26EnglishOCIJ decision on Meas Muth’s request to obtain English translationsD191/16/1English