សហចៅក្រមស៊ើបអង្កេត

ការិយាល័យសហចៅក្រមស៊ើបអង្កេត គឺជាការិយាល័យតុលាការដែលទទួលខុសត្រូវលើការស៊ើបអង្កេតឧក្រិដ្ឋកម្មទាក់ទងនឹងមេដឹកនាំជាន់ខ្ពស់នៃរបបកម្ពុជាប្រជាធិបតេយ្យ និងអ្នកដែលទទួលខុសត្រូវធំបំផុតចំពោះឧក្រិដ្ឋកម្ម និងការរំលោភបំពានធ្ងន់ធ្ងរក្នុងអំឡុងពេលពីថ្ងៃទី ១៧ ខែមេសា ឆ្នាំ ១៩៧៥ ដល់ថ្ងៃទី ៦ ខែមករា ឆ្នាំ ១៩៧៩¹។

ការិយាល័យនេះមានចៅក្រមស៊ើបអង្កេតជនជាតិខ្មែរមួយរូប និងចៅក្រមស៊ើបអង្កេតបរទេសមួយរូប។ ការខ្វែងយោបល់រវាងសហចៅក្រមស៊ើបអង្កេតអំពីដំណើរការស៊ើបអង្កេតត្រូវដោះស្រាយ ដោយអង្គបុរេជំនុំជម្រះ។