គណៈគ្រប់គ្រងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) កាលពីថ្ងៃទី៥ ខែមីនា ឆ្នាំ២០២៤ បានទទួលស្វាគមន៍ចំពោះដំណើរទស្សនកិច្ចរបស់ ឯកឧត្តម Gaman Oleksandr ឯកអគ្គរដ្ឋទូតអ៊ុយក្រែនប្រចាំនៅវៀតណាម និង ឯកអគ្គរដ្ឋទូតអ៊ុយក្រែន ដែលមិនមាននិវាសនដ្ឋាននៅកម្ពុជា និង អមដំណើរដោយលោកជំទាវភរិយា គឺលោកស្រី Iryna Gaman។ ក្នុងអំឡុងកិច្ចប្រជុំ ឯកឧត្តម ក្រាញ់ តូនី ប្រធានរដ្ឋបាលស្តីទី អ.វ.ត.ក. លោក ឃ្នុត រ៉ូហ្សិនហ៊ក អនុប្រធានការិយាល័យរដ្ឋបាល ឯកឧត្តម ថោង សុជាតិ មន្ដ្រីគ្រប់គ្រងជាន់ខ្ពស់ នៃ អ.វ.ត.ក. បានជម្រាបជូន និង ធ្វើបទបង្ហាញដល់គណៈប្រតិភូអំពីសមិទ្ធិផល កេរដំណែល និង ការងាររបស់ អ.វ.ត.ក. ក្នុងដំណាក់កាលមុខងារសេសសល់ ដែលនេះ ក៏គឺជាគោលបំណងនៃដំណើរទស្សកិច្ចរបស់ឯកឧត្តមឯកអគ្គរដ្ឋទូតផងដែរ។ គណៈគ្រប់គ្រងបានអញ្ជើញឯកឧត្តមឯកអគ្គរដ្ឋទូតអ៊ុយក្រែន ដើម្បីទស្សនា បន្ទប់ពហុបំណង (បន្ទប់សវនាការត្រាប់) បណ្ណាល័យ និហិដ្ឋានបណ្ណាសា និង ទស្សនាកម្រងរូបភាពវិចិត្រសាលដែលរៀបរាប់អំពីប្រត្តិរបស់ អ.វ.ត.ក. ។ ឯកឧត្តមឯកអគ្គរដ្ឋទូតអ៊ុយក្រែន Gaman Oleksandr បានថ្លែងអំណរគុណចំពោះ អ.វ.ត.ក. សម្រាប់ការងារដ៏អស្ចារ្យដែលបានធ្វើរួចមកហើយនេះ។
គណៈគ្រប់គ្រង អ.វ.ត.ក. ទទួលស្វាគមណ៍ដំណើរទស្សនកិច្ចររបស់ឯកអគ្គរដ្ឋទូតអ៊ុយក្រែន
Most read
- បុគ្គលិក អ.វ.ត.ក ចូលរួមបកប្រែសាលដីកាទាក់ទងសំណុំរឿងព្រះវិហារដល់ពលរដ្ឋខ្មែរ
នៅពេលដែលតុលាការយុត្តិធម៌អន្តរជាតិ (ICJ) ប្រកាសសេចក្តីសម្រេចរបស់ខ្លួនទាក់ទងនឹងសំណុំរឿងប្រាសាទព្រះវិហារនៅទីក្រុងឡាអេ កាលពីថ្ងៃច័ន្ទ ទី១២ ខែវិច្ឆិកា ឆ្នាំ ២០១៣ អ្នកបកប្រែភាសា ៤រូបមកពីអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ក៏បានបកប្រែ…
- វីដេអូឯកសារទាក់ទងនឹងសំណុំរឿង ០០២/០១
ឯកសារវីដេអូថ្មីរយៈពេល ២៥ នាទីបានផលិតឡើងដោយផ្នែកកិច្ចការសាធារណៈជាបណ្តុំនៃសម្រង់ផ្សេងៗចេញពីការជំនុំជម្រះក្តីលើសំណុំរឿង ០០២/០១ ប្រឆាំងនឹងជនជាប់ចោទ ខៀវ សំផន និងនួន ជា។
- សហព្រះរាជអាជ្ញាស្នើឲ្យផ្តន្ទាទោសដាក់ពន្ធនាគារមួយជីវិតចំពោះជនជាប់ចោទ ខៀវ សំផន និងនួន ជា
នៅពេលបញ្ចប់ការធ្វើសេចក្តីសន្និដ្ឋានបញ្ចប់របស់ខ្លួន ថ្ងៃទី២១ ខែតុលា ឆ្នាំ ២០១៣ សហព្រះរាជអជ្ញាជាតិ លោកជំទាវ ជា លាង បានស្នើសុំអង្គជំនុំជម្រះសាលាដំបូង ដាក់ទោសទណ្ឌចំពោះជនជាប់ចោទ ខៀវ សំផន និង នួន ជា ចំពោះការចោទប្រកាន់ពីឧក្រិដ្ឋកម្មប្រឆាំងនឹងមនុស្សជាតិ…
- សហព្រះរាជអាជ្ញាស្នើសុំឲ្យមានការដាក់ទណ្ឌកម្មលើក្រុមមេធាវីការពារក្តីជនជាប់ចោទ ខៀវ សំផន
នៅក្នុងអំឡុងពេលសវនាការនៅថ្ងៃទី១៨ ខែកក្កដា ឆ្នាំ ២០១៣ តំណាងសហព្រះរាជអាជ្ញាបានស្នើសុំអង្គជំនុំជម្រះសាលដំបូងដាក់ទណ្ឌកម្មលើក្រុមមេធាវីការពារក្តីឲ្យ ជនជាប់ចោទ ខៀវ សំផន ចំពោះការបង្ហាញដែលពួកគេបានធ្វើឡើងនៅក្នុងលិខិតជូនការីនិពន្ធចុះផ្សាយនៅក្នុងកាសែត ភ្នំពេញ…