នៅថ្ងៃពុធ ទី២២ ខែកក្កដា ឆ្នាំ២០០៩ អ.វ.ត.ក ស្វាគមន៍សាធារណជនទី ១២ ០០០ គឺលោកយាយ អ៊ុក មាច ដែលមកមើលសវនាការក្នុងសំណុំរឿង ០០១ ប្រឆាំងនឹង កាំង ហ្គេកអ៊ាវ ហៅ ឌុច។ លោក រាជ សម្បត្តិ ប្រធានផ្នែកកិច្ចការសាធារណៈ ទទួលស្វាគមន៍លោកយាយ និងជូនអាវយឺតនិងមួកដល់លោកយាយ។ លោកយាយ អ៊ុក មាច ធ្វើដំណើរជាមួយអ្នកភូមិរបស់គាត់មកពីស្រុកសន្ទុក ខេតត្តកំពង់ធំ តាំងពីម៉ោង ៣ ទៀបភ្លឺ ដើម្បីមកឲ្យទាន់ម៉ោងសវនាការចាប់ផ្តើម។