អ៉ឹម ចែម
សំណុំរឿងពាក់ព័ន្ធ : សំណុំរឿង០០៤ និងសំណុំរឿង ០០៤/០១
ឈ្មោះក្រៅ : យាយ ចែម1
អ៉ឹម ចែម (កើតឆ្នាំ១៩៤៦) គឺជាលេខាស្រុកព្រះនេត្រព្រះ នៅតំបន់ ៥ (ភូមិភាគពាយ័ព្យ)។ គាត់ត្រូវបានសហចៅក្រមស៊ើបអង្កេតអន្តរជាតិ ដាក់ឱ្យស្ថិតនៅក្រោមការពិនិត្យនៅក្នុងសំណុំ០០៤ (ក្រោយមក សំណុំរឿង ០០៤/០១)។ សហចៅក្រមស៊ើបអង្កេត បានរួមគ្នាលើកលែងការចោទប្រកាន់ អ៉ឹម ចែម នៅឆ្នាំ២០១៧ ដោយសារមិនមានយុត្តាធិការបុគ្គល។
ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។
អូស
១៩៤៦
១៩៧៨
ដើម /ពាក់កណ្តាលឆ្នាំ១៩៧៨
១៩៧៩
មករា
រត់គេចចូលព្រៃបន្ទាប់ពីការដួលរំលំរបបកម្ពុជាប្រជាធិបតេយ្យ ហើយអាចនៅជិតព្រំដែនថៃ នៅក្នុងអំឡុងទស្សវត្សរ៍ឆ្នាំ១៩៨០10។
២០០៨
២០ វិច្ឆិកា
២០១៧
១០ កក្កដា
ការចោទប្រកាន់
បទចោទដំំបូងរបស់សហចៅក្រមស៊ើបអង្កេតអន្តរជាតិ៖
13
- ឧក្រិដ្ឋកម្មប្រឆាំងមនុស្សជាតិ៖ ការធ្វើមនុស្សឃាត ការធ្វើឱ្យទៅជាទាសករ ការដាក់ក្នុងមន្ទីរឃុំឃាំង អំពើអមនុស្សធម៌ផ្សេងៗទៀត (ការបាត់ខ្លួនដោយបង្ខំ និងការធ្វើឱ្យប៉ះពាល់ដល់សេចក្តីថ្លៃថ្នូររបស់មនុស្ស) ការសម្លាប់រង្គាល និងការធ្វើទុក្ខបុកម្នេញដោយមូលហេតុនយោបាយ។
- ការរំលោភបំពានលើក្រមព្រហ្មទន្ទកម្ពុជាឆ្នាំ១៩៥៦៖ អំពើមនុស្សឃាត
- ការចោទប្រកាន់ទាំងអស់ត្រូវបានលើកលែងដោយសហចៅក្រមស៊ើបអង្កេត ដោយសារមិនមានយុត្តាធិការបុគ្គល
14
។
- អង្គបុរេជំនុំជម្រះមិនទទួលបានសំឡេងភាគច្រើនដើម្បីសម្រេចលើបណ្តឹងសាទុក្ខរបស់សហព្រះរាជអាជ្ញាអន្តរជាតិដែលជំទាស់នឹងដីកាសម្រេចលើកលែងការចោទប្រកាន់ មានន័យថា ដីកាសម្រេចលើកលែងការចោទប្រកាន់ត្រូវបានតម្កល់ ហើយចុងក្រោយបង្អស់ បទចោទទាំងអស់ដែលចោទ អ៉ឹម ចែម ត្រូវបានលើកលែង 15 ។
ការរកឃើញសំខាន់ៗ
តួនាទី និងការទទួលខុសត្រូវ
សហចៅក្រមស៊ើបអង្កេតនៅក្នុង ដីកាដំណោះស្រាយ សំណុំរឿង ០០៤/១ បានរកឃើញថា មានភស្តុតាងគ្រប់គ្រាន់បញ្ជាក់ថាអ៉ឹមចែម៖
- គឺជាលេខាសមាគមន៍នារីតំបន់ ១៣ ទទួលខុសត្រូវចំពោះការអប់រំនយោបាយសម្រាប់នារីនៅក្នុងស្រុក ផ្សេងៗនៅក្នុងតំបន់នេះ 16 ។
- ត្រូវបានតែងតាំងជាលេខាស្រុកព្រះនេត្រព្រះ នៅភូមិភាគពាយ័ព្យ នៅខែមីនា ឆ្នាំ១៩៧៧ ទទួលបន្ទុកស្រុករួម (រួមមានឃុំ និងភូមិ) 17 ។
- មានទំនាក់ទំនងផ្ទាល់ជាមួយនឹង តា ម៉ុក ដែលជាអ្នករៀបចំដ៏សំខាន់ក្នុងការផ្លាស់កម្មាភិបាលភូមិភាគនិរតី ទៅភូមិភាគពាយ័ព្យ និងការបោសសម្អាត 18 ។
ការទទួលខុសត្រូវព្រហ្មទណ្ឌ
សហចៅក្រមស៊ើបអង្កេតនៅក្នុង ដីកាដំណោះស្រាយសំណុំរឿង ០០៤/១ បានរកឃើញថា មានភស្តុតាងគ្រប់គ្រាន់បញ្ជាក់ថាអ៉ឹមចែម៖
- បានចូលរួម និងនិយាយនៅក្នុងអង្គប្រជុំនានានៅស្រុកអង្គជ័យ តំបន់ ១៣ ដែលគាត់ទទួលបន្ទុកផ្នែកនារីនៅក្នុងស្រុក ព្រមទាំងស្រុកផ្សេងទៀតនៅក្នុងតំបន់នេះ 19 ។
- មានសិទ្ធិអំណាចលើមន្ទីរសន្តិសុខ និងការដ្ឋាននៅស្រុកព្រះនេត្រព្រះ និងមានអំណាចបញ្ជាឱ្យចាប់ខ្លួន 20 ។
- បានចុះទៅការដ្ឋានកសាងទំនប់ត្រពាំងថ្ម ទោះបីមិនមានភាពច្បាស់លាស់អំពីវិសាលភាពនៃការជាប់ពាក់ព័ន្ធរបស់គាត់នៅក្នុងគម្រោងនេះក៏ដោយ 21 ។
- ជាប់ពាក់ព័ន្ធនៅក្នុងយុទ្ធនាការជាប្រព័ន្ធក្នុងការចាប់ខ្លួនមុខសញ្ញាកម្មាភិបាលភូមិភាគពាយ័ព្យនៅថ្នាក់សហករណ៍ ឃុំស្រុក និងតំបន់នៅពាក់កណ្តាលឆ្នាំ១៩៧៧ 22 ។
- គ្រប់គ្រងមន្ទីរសន្តិសុខភ្នំត្រយូង មានអំណាចជាទូទៅលើមន្ទីរសន្តិសុខនេះ បានចេញបទបញ្ជាសម្រាប់មន្ទីរសន្តិសុខនេះ និងរៀបចំអង្គប្រជុំប្រចាំខែ ឬពីរខែម្តង ដើម្បីកំណត់ថាតើ នរណាត្រូវបញ្ជូនទៅមន្ទីរសន្តិសុខនេះ 23 ។
- មានសិទ្ធិអំណាចបញ្ជាឱ្យចាប់ខ្លួន និងសម្លាប់មនុស្សនៅក្នុងស្រុករបស់គាត់ និងមនុស្សជាងពីរពាន់នាក់មកពីស្រុកផ្សេងៗ នៅតំបន់ ៥ ដែលបានជាប់ឃុំនៅមន្ទីរសន្តិសុខភ្នំត្រយូង 24 ។
- ផ្តួចផ្តើម និងណែនាំឱ្យពង្រីកអាងទឹក និងព្រែកជីកដែលមានស្រាប់ នៅការដ្ឋានព្រែកជីកស្ពានស្រែង ដោយ កម្មកររាប់ពាន់នាក់ រួមមាន អតីតកម្មាភិបាលភូមិភាគពាយ័ព្យ ត្រូវបានបង្ខំឱ្យធ្វើការនៅទីនោះ 25 ។
- ទទួលរបាយការណ៍អំពីប្រវត្តិប្រជាជន និងសម្រេចលើវិធានការវិន័យ រួមមាន ការឃុំខ្លួន ជាដើម 26 ។
- បញ្ជាកម្មករឱ្យខិតខំធ្វើការ និងត្រូវប្រុងប្រយ័ត្នលើជនដែលអាចជាខ្មាំង និងព្រមានថា អ្នកដែលមិនខិតខំធ្វើការ នឹងត្រូវឃុំខ្លួន និងសម្លាប់ 27 ។
- អនុវត្តយុទ្ធនាការជាប្រព័ន្ធក្នុងការចាប់ខ្លួន និងសម្លាប់កម្មាភិបាលភូមិភាគពាយ័ព្យ កម្មករដែលមានកំហុស មនុស្សដែលជាប់ទំនងទំនងជាមួយវៀតណាម និងអតីតមន្ត្រីសាធារណរដ្ឋខ្មែរ 28 ។
មូលហេតុដែល អ៉ឹម ចែម មិនស្ថិតនៅក្នុងយុត្តាធិការបុគ្គលរបស់ អ.វ.ត.ក
សហចៅក្រមស៊ើបអង្កេត នៅក្នុងដីកាដំណោះស្រាយ សំណុំរឿង ០០៤/១ បានរកឃើញថា អ៉ឹម ចែម មិនស្ថិតនៅក្នុងយុត្តាធិការបុគ្គលរបស់ អ.វ.ត.ក ពីព្រោះថា គាត់មិនមែនជាមេដឹកនាំជាន់ខ្ពស់ ឬស្ថិតនៅក្នុងចំណោមជនដែលទទួលខុសត្រូវខ្ពស់បំផុតចំពោះឧក្រិដ្ឋកម្មសម័យកម្ពុជាប្រជាធិបតេយ្យទេ ហើយបានលើកលែងការចោទប្រកាន់ទាំងអស់ ដែលបានចោទគាត់ដោយសារសំអាងហេតុ ថាគាត់៖
29
- មិនមែនជាមេដឹកនាំជាន់ខ្ពស់ ទោះបីជាមានភស្តុតាងបញ្ជាក់ថា គាត់គឺជា “តារាកំពុងរះ”នៅក្នុងឋានានុក្រមរបស់កម្ពុជាប្រជាធិបតេយ្យនៅពេលនោះ ហើយនឹងក្លាយជាមេដឹកនាំជាន់ខ្ពស់ប្រសិនបើកម្ពុជា ប្រជាធិបតេយ្យនៅបន្តមានវត្តមាន និងមានលទ្ធភាពអាចជួបមេដឹកនាំជាន់ខ្ពស់ 30 ។
- ចូលរួមចំណែកឧក្រិដ្ឋកម្មជាចម្បងនៅស្រុកមួយទោះបីជាគាត់អាចក្លាយជាសមាជិកនៃសហឧក្រិដ្ឋកម្មរួមនៅទូទាំងភូមិភាគក៏ដោយ 31 ។
- ជាលេខាស្រុកម្នាក់ក្នុងចំណោមលេខាស្រុកជាងមួយរយនាក់ផ្សេងទៀត ហើយអង្គហេតុដែលថា គាត់អាចបានក្លាយជាមន្ត្រីនៅថ្នាក់តំបន់នៅភូមិភាគនិរតីមុនពេលគាត់មកដល់ភូមិភាគពាយ័ព្យ (និងជាថ្មីម្តងទៀត បានជាប់ពាក់ព័ន្ធនឹងថ្នាក់តំបន់ភូមិភាគពាយ័ព្យ) គឺអាចបញ្ជាក់អំពីតួនាទីរបស់គាត់នៅពេលដែលមានការបោសសម្អាតភូមិភាគពាយ័ព្យឡើយ 32 ។
ចំពោះបណ្តឹងឧទ្ធរណ៍លើដីកាដំណោះស្រាយ
អង្គបុរេជំនុំជម្រះ មិនមានសំឡេងភាគច្រើនដែលចាំបាច់ដើម្បីធ្វើសេចក្តីសម្រេចថាតើ អ៉ឹម ចែម ស្ថិតនៅក្នុង យុត្តាធិការបុគ្គលរបស់ អ.វ.ត.ក ដែរឬអត់
33
។
- ចៅក្រមជាតិនៃ អង្គបុរេជំនុំជម្រះ បានរកឃើញថា អ៉ឹម ចែម មិនស្ថិតនៅក្នុងយុត្តាធិការបុគ្គលរបស់ អ.វ.ត.ក ទេ ហើយបានតម្កល់សេចក្តីសម្រេចរបស់សហចៅក្រមស៊ើបអង្កេត ក្នុងការលើកលែងការចោទប្រកាន់គាត់ 34 ។
- ចៅក្រមអន្តរជាតិនៃ អង្គបុរេជំនុំជម្រះ បានរកឃើញថា អ៉ឹម ចែម ស្ថិតនៅក្នុងចំណោមជនដែលទទួលខុសត្រូវខ្ពស់បំផុត ហេតុនេះស្ថិតនៅក្នុងយុត្តាធិការបុគ្គលរបស់ អ.វ.ត.ក ហើយ សហចៅក្រមស៊ើបអង្កេត មិនបានពិចារណាលើវិសាលភាពទាំងស្រុងនៃឧក្រិដ្ឋកម្មដែលបានចោទ អ៉ឹម ចែម ឬដាក់ឱ្យគាត់ស្ថិតក្រោមការពិនិត្យ ព្រមទាំងតួនាទីពេញលេញ និងការទទួលខុសត្រូវរបស់គាត់នៅក្នុងរបបកម្ពុជាប្រជាធិបតេយ្យ 35 ។
មេធាវី
លោក ប៊ិត ស៊ាងលឹម លោក John Jones និងលោក Wayne Jordash