មាស មុត
សំណុំរឿងពាក់ព័ន្ធ : សំណុំរឿង ០០៣
ឈ្មោះក្រៅ : ខែមុត ឬ មុត1
មាស មុត(កើតឆ្នាំ ១៩៣៨) គឺជាមេបញ្ជាការនៃកងទ័ពជើងទឹក (កងពលលេខ ១៦៤) នៅកម្ពុជាប្រជាធិបតេយ្យ និងជាលេខាតំបន់ស្វយ័តកំពង់សោម។ គាត់ត្រូវបានសហចៅក្រមស៊ើបអង្កេតអន្តរជាតិ ដាក់ឱ្យស្ថិតនៅក្រោមការពិនិត្យ និងចោទប្រកាន់បញ្ជូនទៅជំនុំជម្រះនៅក្នុងសំណុំរឿង ០០៣ ចំណែកឯ សហចៅក្រមស៊ើបអង្កេតជាតិ បានលើកលែងការចោទប្រកាន់គាត់ ដោយសារមិនមានយុត្តាធិការបុគ្គល។ សំណុំរឿងដែលចោទប្រកាន់ មាស មុត ត្រូវបានបញ្ចប់នៅឆ្នាំ២០២១។
ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។
អូស
១៩៣៨
១០ សីហា
២០០៨
២០ វិច្ឆិកា
២០១៨
២៨ វិច្ឆិកា
ត្រូវបានសហចៅក្រមស៊ើបអង្កេតអន្តរជាតិ ចោទប្រកាន់បញ្ជូនទៅជំនុំជម្រះ ប៉ុន្តែ សហចៅក្រមស៊ើបអង្កេតជាតិ បានលើកលែងការចោទប្រកាន់គាត់11។
ការចោទប្រកាន់
សហចៅក្រមស៊ើបអង្កេតជាតិ បានលើកលែងការចោទប្រកាន់ មាស មុត ដោយសម្រេចថា អ.វ.ត.ក មិនមានយុត្តាធិការបុគ្គលលើគាត់ទេ ពីព្រោះថា គាត់មិនមែនជាមេដឹកនាំជាន់ខ្ពស់ ឬស្ថិតនៅក្នុងចំណោមជនដែលទទួលខុសត្រូវខ្ពស់បំផុតដែរ 14 ។
ប៉ុន្តែ សហចៅក្រមស៊ើបអង្កេតអន្តរជាតិ បានសម្រេចថា មាស មុត ស្ថិតនៅក្នុងចំណោមជនដែលទទួលខុសត្រូវខ្ពស់បំផុត ហើយបានចោទប្រកាន់គាត់បញ្ជូនទៅជំនុំជម្រះពីបទ
15
៖
- អំពើប្រល័យពូជសាសន៍
- ឧក្រិដ្ឋកម្មប្រឆាំងមនុស្សជាតិ
- ការបំពារបំពានយ៉ាងធ្ងន់ធ្ងរទៅលើអនុសញ្ញាទីក្រុងហ្សឺណែវ ឆ្នាំ១៩៤៩
- ការរំលោភបំពានលើក្រមព្រហ្មទណ្ឌកម្ពុជា ឆ្នាំ ១៩៥៦
- អង្គបុរេជំនុំជម្រះ បានសម្រេចថា សហចៅក្រមស៊ើបអង្កេតមានកំហុសឆ្គងក្នុងការចេញដីកាដំណោះស្រាយពីរដែលមានលក្ខណៈផ្ទុយគ្នា ប៉ុន្តែមិនមានសំឡេងភាគច្រើន ដើម្បីធ្វើសេចក្តីសម្រេចថាតើត្រូវបញ្ជូនសំណុំរឿងទៅជំនុំជម្រះ ឬលើកលែងការចោទប្រកាន់នោះទេ 16 ។
- សំណុំរឿងត្រូវបានបញ្ចប់ដោយរបស់អង្គជំនុំជម្រះតុលាការកំពូល ដោយសារពុំមានដីកាបញ្ជូនរឿងទៅជំនុំជម្រះជាក់លាក់ និងអាចអនុវត្តបាន 17 ។
ការរកឃើញសំខាន់ៗ
ដីកាដំណោះស្រាយរបស់សហចៅក្រមស៊ើបអង្កេត
នៅក្នុងដីកាដំណោះស្រាយសំណុំរឿង ០០៣ សហចៅក្រមស៊ើបអង្កេតអន្តរជាតិ និងជាតិ បានរកឃើញថា មាន ភស្តុតាងគ្រប់គ្រាន់បញ្ជាក់ថា មាស មុត ៖
ដីកាសម្រេចលើកលែងការចោទប្រកាន់
សហចៅក្រមស៊ើបអង្កេតជាតិ បានរកឃើញថា មាស មុត មិនមែនជាមេដឹកនាំជាន់ខ្ពស់ ឬស្ថិតនៅក្នុងចំណោមជនដែលទទួលខុសត្រូវខ្ពស់បំផុតចំពោះឧក្រិដ្ឋកម្មសម័យកម្ពុជាប្រជាធិបតេយ្យទេ ពីព្រោះថា គាត់៖
- មិនមែនជាសមាជិកនៃគណៈកម្មាធិការអចិន្ត្រៃយ៍របស់ ប.ក.ក 23 ។
- ក្នុងនាមជាជំនួយការគណៈកម្មាធិការមជ្ឈិមរបស់ ប.ក.ក គាត់មិនមានអំណាចចូលរួមការធ្វើសេចក្តីសម្រេចរបស់គណៈកម្មាធិការនេះទេ 24 ។
- គាត់ស្ថិតនៅក្នុងចំណោមកម្មាភិបាលប្រហែលជា ៥០ ដែលកាន់តំណែងដូចគ្នា រួមមាន លេខាភូមិភាគ និងលេខាកងពល ដែលសុទ្ធតែត្រូវគោរពតាមគោលនបាយរបស់បក្ស 25 ។
- គាត់មិនមានសិទ្ធិអំណាចធ្វើសេចក្តីសម្រេចដោយខ្លួនឯង ពាក់ព័ន្ធនឹងការចាប់ខ្លួន និងការសម្លាប់ជនដែលចាប់ខ្លួនបាន ទោះបីជាគាត់មានភារកិច្ចត្រួតពិនិត្យ និងរាយការណ៍អំពីទូកវៀតណាម និងថៃដែលចូលក្នុងដែនទឹកកម្ពុជាប្រជាធិបតេយ្យក៏ដោយ 26 ។
- មិនមានការទាក់ទង ឬពាក់ព័ន្ធនឹង ស-២១ និងមិនអាចធ្វើសេចក្តីសម្រេចដោយឯករាជ្យថាតើនរណាត្រូវចាប់ខ្លួនពីកងពលរបស់គាត់ និងត្រូវបញ្ជូនទៅ ស-២១ ទេ 27 ។
- មិនមានវត្តមាននៅក្នុងអំឡុងពេលមានការចាប់ខ្លួន ឬការចុះពិនិត្យនៅវត្តឥន្ទញៀនទេ 28 ។
- រាយការណ៍ទៅ និងទទួលបញ្ជាតែពី សុន សែន ហើយបញ្ជូនទៅកងវរៈសេនាតូចលេខ ៤៥០ ដើម្បីអនុវត្តនៅកន្លែងវាយថ្មស្ទឹងហាវ 29 ។
- មិនជាប់ពាក់ព័ន្ធនឹងការប្រព្រឹត្តិឧក្រិដ្ឋកម្មនៅគុក ៨០១ ទេ 30 ។
- មិនបានចូលរួមឧក្រិដ្ឋកម្មដែលបានប្រព្រឹត្តនៅមន្ទីរសន្តិសុខនានារបស់កងទ័ពបដិវត្តន៍កម្ពុជា និងទីកន្លែងសម្លាប់មុស្សផ្សេងទៀត 31 ។
ដីកាបញ្ជូនរឿងទៅជំនុំជម្រះ
សហចៅក្រមស៊ើបអង្កេតអន្តរជាតិ បានរកឃើញថា មាស មុត ស្ថិតនៅក្នុងចំណោមជនដែលទទួលខុសខ្ពស់បំផុតចំពោះឧក្រិដ្ឋកម្មសម័យកម្ពុជាប្រជាធិបតេយ្យពីព្រោះថា គាត់៖
- គឺជាសមាជិកនៃសហឧក្រិដ្ឋកម្មរួមជាមួយ សុន សេន, ស៊ូ ម៉េត, តា ម៉ុក និងកម្មាភិបាលជាន់ខ្ពស់ផ្សេងទៀតនៃកងទ័ពបដិវត្តន៍កម្ពុជា ដោយមានគោលបំណងរួមអនុវត្តគោលនយោបាយរបស់ ប.ក.ក ដើម្បីបង្កើតសហករណ៍ និងការដ្ឋានការងារដោយបង្ខំ អប់រំកែប្រែ “សមាសភាពមិនល្អ” និងសម្លាប់ “ខ្មាំង” ដាក់គោលដៅលើក្រុមជាក់លាក់ និងអនុវត្តការរៀបអាពាហ៍ពិពាហ៍ដោយបង្ខំលើជនស៊ីវិល និងយោធានៃកងទ័ពបដិវត្តន៍កម្ពុជា 32 ។
- មានសិទ្ធិអំណាចច្រើនខ្លាំងជាងមេបញ្ជាការកងពលភាគច្រើនផ្សេងទៀត ដោយគាត់រាយការណ៍ផ្ទាល់ទៅមជ្ឈិមបក្ស គ្រប់គ្រងសកម្មភាពជនស៊ីវិលនៅតំបន់ស្វយ័តកំពង់សោម រួមមាន សហករណ៍ និងបញ្ជាឱ្យចាប់ខ្លួន និងសម្លាប់កងទ័ព និងជនស៊ីវិល 33 ។
- ត្រូវបាន សុន សេន ចាត់តាំងឱ្យជួយ ឬបញ្ជាប្រតិបត្តិការយោធាពិសេសសម្រាប់សេនាធិការ ហើយ “មានការជាប់ពាក់ព័ន្ធយ៉ាងខ្លាំងទៅនឹងការដក និងការដាក់ជំនួសថ្នាក់ដឹកនាំនៃកងពលធំ ១១៧” 34 ។
- ដើរតួនាទីយ៉ាងសំខាន់នៅក្នុងការបោសសម្អាតកងពលលេខ ១៦៤, ៥០២, ៣១០ និង ១១៧ 35 ។
- មានសិទ្ធិចាប់ខ្លួន និងបញ្ជាឱ្យសម្លាប់ទាំងកងទ័ព ទាំងជនស៊ីវិល 36 ។
- បានដឹង និងជាប់ពាក់ព័ន្ធនៅក្នុងការចាប់ខ្លួន និងការផ្ទេរមនុស្សទៅ ស-២១ 37 ។
- បានចូលរួមអង្គប្រជុំ ទទួលរបាយការណ៍ និងរាយការណ៍ទៅថ្នាក់លើ ហើយសហការជាមួយនឹងកងពលលេខ ១ ក្នុងការចាប់ទូកនៅឆ្នេរកោះកុង 38 ។
- ទទួលខុសត្រូវចំពោះឧក្រិដ្ឋកម្មដែលបានប្រព្រឹត្តនៅវត្តឥន្ទញៀន ទោះបីជាខ្វះភស្តុតាងដែលអាចទុកចិត្តបានដើម្បីបញ្ជាក់ថា គាត់ធ្លាប់ទៅវត្តឥន្ទញៀន ឬជាប់ពាក់ព័ន្ធនឹងការសួរចម្លើយនៅទីនោះយ៉ាងណាក៏ដោយ 39 ។
- បានផ្តល់បញ្ជាផ្ទាល់ទៅមេបញ្ជាការដែលឈរជើងនៅស្ទឹងហាវ បានដឹងថា មនុស្សដែលបានផ្លាស់ទៅទីនោះ ត្រូវចាត់ទុកថាជា “សមាសភាពមិនល្អ” បានចុះទៅជួប និងនាំកម្មករជនជាតិចិនទៅទីនោះ 40 ។
- ទទួលខុសត្រូវចំពោះការសម្លាប់មនុស្សនៅការដ្ឋាន និងទីកន្លែងសម្លាប់មនុស្សនៅតំបន់រាម ដោយសារតំណែងរបស់គាត់ជាមេបញ្ជាការកងពលលេខ ១៦៤ និងជាលេខាតំបន់ស្វយ័តកំពង់សោម 41 ។
- ទទួលខុសត្រូវចំពោះឧក្រិដ្ឋកម្មដែលបានប្រព្រឹត្តនៅមន្ទីរសន្តិសុខទឹកសាប ទោះបីជាខ្វះភស្តុតាងដែលអាចទុកចិត្តបានដើម្បីបញ្ជាក់ថា គាត់ធ្លាប់ទៅទឹកសាប យ៉ាងណាក៏ដោយ 42 ។
- ទទួលខុសត្រូវចំពោះការរៀបអាពាហ៍ពិពាហ៍ដោយបង្ខំនៅកំពង់សោម ដោយជាប់ពាក់ព័ន្ធផ្ទាល់នៅក្នុងការផ្សព្វផ្សាយគោនយោបាយអាពាហ៍ពិពាហ៍របស់បក្ស ទោះបីជាខ្វះភស្តុតាងដែលអាចទុកចិត្តបានដើម្បីបញ្ជាក់ថា គាត់បានរៀបចំ ឬចូលរួមពិធីរៀបការយ៉ាងណាក៏ដោយ 43 ។
ចំពោះបណ្តឹងឧទ្ធរណ៍លើដីកាដំណោះស្រាយ
- ចៅក្រមជាតិនៃអង្គបុរេជំនុំជម្រះ បានរកឃើញថា ដីកាដំណោះស្រាយទាំងពីរ មានតម្លៃស្មើគ្នា ហើយច្បាប់មិនអនុញ្ញាតឱ្យ អង្គបុរេជំនុំជម្រះ សម្រេចថាតើ និតិវិធីរបស់សហចៅក្រមស៊ើបអង្កេតជាតិ ឬអន្តរជាតិ មានអានុភាពខ្លាំងជាងនោះទេ ហេតុនេះ សំណុំរឿងនេះគួរតម្កល់ទុកនៅបណ្ណសាររបស់ អ.វ.ត.ក 44 ។
- ចៅក្រមអន្តរជាតិនៃអង្គបុរេជំនុំជម្រះ បានសម្រេចគាំទ្រដីកាបញ្ជូនរឿងទៅជំនុំជម្រះចេញដោយសហចៅក្រមស៊ើបអង្កេតអន្តរជាតិ ដោយយល់ឃើញថា មាស មុត ស្ថិតនៅក្នុងចំណោមជនដែលទទួលខុសត្រូវខ្ពស់បំផុត ហើយសហចៅក្រមស៊ើបអង្កេតជាតិមិនមានមូលដ្ឋានគតិយុត្តិក្នុងការចេញដីកាសម្រេចលើកលែងការចោទប្រកាន់ 45 ។
សេចក្តីសម្រេចចុងក្រោយ
- អង្គជំនុំជម្រះតុលាការកំពូល បានសម្រេចថា ដោយហេតុថា សហចៅក្រមស៊ើបអង្កេត បានប្រព្រឹត្តខុសច្បាប់ដោយចេញដីកាដំណោះស្រាយពីរដែលផ្ទុយគ្នា ទើបគ្មានដីកាដំណោះស្រាយណាមួយដែលមានសុពលភាពទេ ហើយដោយសារពុំមានដីកាបញ្ជូនរឿងទៅជំនុំជម្រះជាក់លាក់ និងអាចអនុវត្តបាន ទើបសំណុំរឿងចោទប្រកាន់ មាស មុត ត្រូវបញ្ចប់ ចំពោះមុខ អ.វ.ត.ក 46 ។
មេធាវី
លោក អាង ឧត្តម, លោក Michael G. Karnavas លោកកែត ធី (មេធាវីបណ្តោះអាសន្ន) លោក Alan Yatvin (មេធាវីបណ្តោះអាសន្ន)លោក ប៊ុន រិទ្ធី (មេធាវីបណ្តោះអានស្ន)
ឯកសារពាក់ព័ន្ធ
ការស្តាប់ចម្លើយ/បទសម្ភាសន៍
- កំណត់ហេតុនៃការបង្ហាញខ្លួនលើកដំបូងរបស់ មាស មុត ថ្ងៃទី៨ ខែធ្នូ ឆ្នាំ២០១៤ ឯកសារ D122។
ទូរលេខ
- ទូរលេខកម្ពុជាប្រជាធិបតេយ្យ ជម្រាប បង ៨៩ គោរពជ្រាប ថ្ងៃទី១១ ខែមិថុនា ឆ្នាំ១៩៧៦ ឯកសារ E3/1190។
- ទូរលេខកម្ពុជាប្រជាធិបតេយ្យ ជម្រាប បង ៨៩ គោរពជ្រាប ថ្ងៃទី៣១ ខែសីហា ឆ្នាំ១៩៧៦ ឯកសារE3/813។
- ទូរលេខកម្ពុជាប្រជាធិបតេយ្យ ទូរលេខ១១ ជូនបង មុត ជ្រាប ថ្ងៃទី២៤ ខែកញ្ញា ឆ្នាំ១៩៧៦ ឯកសារ E3/173។
- ទូរលេខកម្ពុជាប្រជាធិបតេយ្យ ទូរលេខ១១ ជូនបង មុត ជ្រាប ថ្ងៃទី២៧ ខែកញ្ញា ឆ្នាំ១៩៧៦ ឯកសារ E3/1223។
- ទូរលេខកម្ពុជាប្រជាធិបតេយ្យ ទូរលេខ១៥ ជូនបង មុត ជ្រាប ថ្ងៃទី៦ ខែតុលា ឆ្នាំ១៩៧៦ ឯកសារ E3/1225។
- ទូរលេខកម្ពុជាប្រជាធិបតេយ្យ ទូរលេខ ១០ មតិណែនាំពី ១៦៤ ថ្ងៃទី៤ ខែវិច្ឆិកា ឆ្នាំ១៩៧៦ ឯកសារ E3/1151។
- ទូរលេខកម្ពុជាប្រជាធិបតេយ្យ ទូរលេខ ០៩ ជម្រាប បង ៨៩ ជាទីគោរពជ្រាប ថ្ងៃទី៣០ ខែឧសភា ឆ្នាំ១៩៧៧ ឯកសារ E3/1127។
- ទូរលេខកម្ពុជាប្រជាធិបតេយ្យ ទូរលេខ ០០ ថ្ងៃទី៣១ ខែធ្នូ ឆ្នាំ១៩៧៧ ឯកសារ E3/867។
កំណត់ហេតុប្រជុំ
- កំណត់ហេតុនៃអង្គប្រជុំ ការងារយោធា នៅកំពង់សោម ការរៀបចំកម្លាំងកងទ័ពជើងទឹកកម្ពុជា ប្រជាធិបតេយ្យ ថ្ងៃទី៣ ខែសីហា ឆ្នាំ១៩៧៦ ឯកសារ E3/824។
- កំណត់ហេតុនៃអង្គប្រជុំ សមមិត្ត ១៦៤ ថ្ងៃទី៨ ខែកញ្ញា ឆ្នាំ១៩៧៦ ឯកសារ E3/158។
- កំណត់ហេតុនៃការប្រជុំលេខា និងភស្តុភាររបស់កងពល និងកងវរៈសេវាធំ ថ្ងៃទី១៩ ខែកញ្ញា ឆ្នាំ១៩៧៦ ឯកសារ E3/151។
- កំណត់ហេតុនៃការប្រជុំលេខា និងអនុលេខាកងពល និងកងវរៈសេវាធំឯករាជ្យ ថ្ងៃទី៩ ខែតុលា ឆ្នាំ១៩៧៦ ឯកសារ E3/152 ទំព័រ. ១៥-១៦។