ស៊ូ ម៉េត

សំណុំរឿងពាក់ព័ន្ធ : សំណុំរឿង ០០៣

ឈ្មោះក្រៅ : ស៊ូ សាម៉េត¹

ស៊ូ ម៉េត (ឆ្នាំ១៩៤៨-ឆ្នាំ២០១៣) គឺជាមេបញ្ជាការកងទ័ពជើងអាកាស (កងពលលេខ ៥០២) នៃកម្ពុជាប្រជាធិបតេយ្យ។ គាត់ជាប់ឈ្មោះជាជនសង្ស័យម្នាក់នៅក្នុងសំណុំរឿង ០០៣ ហើយទទួលមរភាពនៅក្នុងអំឡុងពេលស៊ើបសួររបស់តុលាការ។

ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។

អូស

១៩៤៨

៣០ មេសា

កើតនៅភូមិស្រែដូង ឃុំពាមរ៉ ស្រុកកំពង់ក្រឡាច ខេត្តកំពង់ឆ្នាំង²។

១៩៧៥

មុនឆ្នាំ១៩៧៥

បានបញ្ជាកងពលលេខ ១ នៃកងទ័ពបដិវត្តន៍កម្ពុជា³។

ពីខែមេសា ឆ្នាំ១៩៧៥ ដល់ខែមករា ឆ្នាំ១៩៧៩

ធ្វើជាមេបញ្ជាការនៃកងពលលេខ ៥០២ (កងទ័ពជើងអាកាស) ជាសមាជិកនៃ សេវាធិការ និងបានគ្រប់គ្រងព្រលានយន្តហោះកំពង់ឆ្នាំង⁴។

២០០៨

២០ វិច្ឆិកា

ជាប់ឈ្មោះនៅក្នុងដីកាបញ្ជូនរឿងឱ្យស៊ើបសួររបស់សហព្រះរាជអាជ្ញា⁵។

២០១៣

១៤ មិថុនា

ទទួលមរភាពនៅសង្កាត់រតនៈ ក្រុងបាត់ដំបង⁶។

ការចោទប្រកាន់

ការចោទប្រកាន់ទាំងអស់ត្រូវបានលើកលែងនៅថ្ងៃទី២ ខែមិថុនា ឆ្នាំ២០១៥ បន្ទាប់ពីទទួលមរណភាព ⁷ ។

ការរកឃើញសំខាន់ៗ

សហចៅក្រមស៊ើបអង្កេតជាតិ និងអន្តរជាតិ នៅក្នុងដីកាដំណោះស្រាយសំណុំរឿង ០០៣ បានរកឃើញថា ស៊ូ ម៉េត ៖

គឺជាជំនួយការគណៈកម្មាធិការមជ្ឈិម ⁸ ។
ជាមេបញ្ជាការកងទ័ពជើងអាកាស (កងពលលេខ ៥០២) របស់ ប.ក.ក ⁹ ។
ចូលរួមអង្គប្រជុំជាមួយ សុន សេន និង មាស មុត និងរាយការណ៍ទៅថ្នាក់លើ អំពីផលិតកម្មកសិកម្មនៅក្នុងតំបន់ទទួលខុសត្រូវរបស់ខ្លួន ¹⁰ ។
ជាប់ពាក់ព័ន្ធនឹងការបោសសម្អាតកងពលលេខ ៥០២ របស់ខ្លួនឯង ¹¹ ។
ជាប់ពាក់ព័ន្ធនឹងការបោសសម្អាតកងទ័ពភូមិភាគបូព៌ា ¹² ។

សហចៅក្រមស៊ើបអង្កេតអន្តរជាតិនៅក្នុងដីកាបញ្ជូនរឿងទៅជំនុំជម្រះ បានរកឃើញថា ស៊ូ ម៉េត ៖

បានចូលរួមអង្គប្រជុំមួយដើម្បីពិភាក្សាអំពីភាពចាំបាច់ត្រូវបោសសម្អាតផ្ទៃក្នុង តាមបីប្រភេទ៖ “ប្រភេទអន្តរាយ” ត្រូវសម្លាប់ដោយមិនលើកលែង ប្រភេទ“សេរីធម្មតា”ត្រូវអប់រំ និងប្រភេទអ្នកដែលទើបតែ “ខ្មាំងញុះញង់” ត្រូវអប់រំកសាង ¹³ ។
ចូលរួមការបោសសម្អាតកងពលលេខ ៥០២ របស់ខ្លួនឯង ព្រមទាំងកងពលផ្សេងទៀត រួមមាន កងពលលេខ ១១៧ កងពលលេខ ៣១០ និងកងពលេលខ៤៥០ ព្រមទាំងបានផ្តល់ការជួយជ្រោមជ្រែង មាស មុត នៅក្នុងការបោសសម្អាតកងពលលេខ ១១៧ ដូចជា យន្តហោះ និងបានទទួលកងទ័ពកងពលេលេខ ១៦៤ ដើម្បីយកទៅលត់ដុំនៅព្រលានយន្តហោះកំពង់ឆ្នាំង ¹⁴ ។

មេធាវី

មិនមាន