ការិយាល័យរដ្ឋបាល

ការិយាល័យរដ្ឋបាល មានតួនាទីជួយគាំទ្រ សម្របសម្រួល
និងចាត់ចែងកិច្ចការរដ្ឋបាល នៅអង្គជំនុំជម្រះ និងការិយាល័យតុលាការ
តាមរយៈការអនុវត្តនូវមុខងារផ្សេងៗរបស់ខ្លួន។

ការិយាល័យរដ្ឋបាល ក៏ទទួលខុសត្រូវលើ៖

សុវត្ថិភាព ដែលយោងតាម កិច្ចព្រមព្រៀងបន្ថែមលើសន្តិសុខ និងសុវត្ថិភាព
ការផ្ដល់នូវឧបករណ៍ប្រើប្រាស់ សម្ភារៈបរិក្ខារ ការគ្រប់គ្រង បច្ចេកវិទ្យាព័ត៌មានវិទ្យា ការផ្គត់ផ្គង់ផ្សេងៗ(ភស្តុភារ) យានជំនិះ និងមធ្យោបាយដឹកជញ្ជូន ព្រមទាំងតម្រូវការរូបវន្ត និងរដ្ឋបាលផ្សេងៗទៀតរបស់ អ.វ.ត.ក. យោងទៅតាម កិច្ចព្រមព្រៀងបន្ថែមលើឧបករណ៍ប្រើប្រាស់ បរិក្ខារ និងសេវាកម្មផ្សេងៗ
បម្រើការងារក្នុងនាមជាការិយាល័យផ្លូវការផ្នែកទំនាក់ទំនងខាងក្នុង និងខាងក្រៅរបស់ អ.វ.ត.ក. ដោយមិនធ្វើឱ្យប៉ះពាល់ទៅលើអំណាចតួនាទីរបស់ការិយាល័យតុលាការផ្សេងទៀត និងអង្គជំនុំជម្រះ
រៀបចំរក្សាទុកនូវសំណុំរឿង និងផ្ដល់ជូននូវឯកសារចម្លងផ្សេងៗតាមហេតុផលសមស្រប
ថែរក្សា តម្កល់ទុក និងធានាសុវត្ថិភាពចំពោះភស្តុតាង
សម្របសម្រួលវគ្គបណ្ដុះបណ្ដាលផ្សេងៗ