សំណង “សមូហភាព” មានន័យថា ជាសំណងដែលផ្តល់អត្ថប្រយោជន៍ដល់ដើមបណ្តឹងរដ្ឋប្បវេណី ជាក្រុមជនរងគ្រោះរួមគ្នា ឬដើម្បីជាប្រយោជន៍ដល់សង្គមកម្ពុជាទាំងមូល ។ សំណង “ផ្លូវចិត្ត” មានន័យថា ជាសំណង“ជានិមិត្តរូប” ដែលមិនមែនជាសម្ភារៈ ឬថវិកានោះទេ។

ក្របខណ្ឌសំណងទាំងនេះ ទទួលស្គាល់ថា គម្រោងសំណងមួយចំនួន អាចចូលរួមចំណែកដល់ការស្តារនីតិសម្បទា ការចូលរួមសង្គមឡើងវិញ និងការស្តារឡើងវិញនូវសេចក្តីថ្លៃថ្នូររបស់ជនរងគ្រោះ។ តាមរយៈគម្រោងទាំងនេះ អាជ្ញាធរជាតិ ឬអន្តរជាតិ អង្គការមិនមែនរដ្ឋាភិបាល ឬម្ចាស់ជំនួយផ្សេងទៀត អាចផ្តល់ជំនួយជាថវិកា និងជំនួយក្នុងរូបភាពផ្សេងទៀតដើម្បីអនុវត្តគម្រោងសំណងនានា ដើម្បីបង្ហាញពីសាមគ្គីភាពជាមួយជនរងគ្រោះដោយសារឧក្រិដ្ឋកម្មរបស់របបខ្មែរក្រហម²។