ដើមបណ្តឹងរដ្ឋប្បវេណី

ជនរងគ្រោះក្លាយជាដើមបណ្តឹងរដ្ឋប្បវេណី ប្រសិនបើត្រូវបានទទួលស្គាល់ជាភាគីនៅក្នុងដំណើរការរឿងក្តីរបស់តុលាការ។

ដើមបណ្តឹងរដ្ឋប្បវេណីមានសិទ្ធិទទួលបាន៖

[object Object],[object Object],[object Object]

១. ការការពារដោយមេធាវី¹

២. ចូលរួមយ៉ាងសកម្មក្នុងកិច្ចដំណើរការនីតិវិធីព្រហ្មទណ្ឌ²

៣. ស្នើសុំសំណងសមូហភាព និងផ្លូវចិត្ត³

៤. រៀបចំសមាគមជនរងគ្រោះ⁴

៥. ស្នើសុំវិធានការការពារសុវត្ថិភាព សុខុមាលភាព សេចក្តីថ្លៃថ្នូរ និងឯកជនភាពរបស់ខ្លួន

ការទទួលស្គាល់ ជនរងគ្រោះ ជាភាគីនៅក្នុងសំណុំរឿង

ដើម្បីទទួលស្គាល់ជាភាគីនៅក្នុងដំណើរការរឿងក្តីព្រហ្មទណ្ឌ ឬហៅថា កិច្ចដំណើរការនីតិវិធីព្រហ្មទណ្ឌនៅចំពោះមុខ អ.វ.ត.ក. ជនរងគ្រោះ ត្រូវមានព័ត៌មានដូចខាងក្រោមនៅក្នុងពាក្យសុំធ្វើជាដើមបណ្តឹងរដ្ឋប្បវេណី⁵៖

១. ត្រូវមានព័ត៌មានច្បាស់លាស់អំពីអត្តសញ្ញាណរបស់ខ្លួន

២. ត្រូវបង្ហាញថា ខ្លួនទទួលរងទុក្ខ ឬការឈឺចាប់ផ្នែករាងកាយ ផ្លូវចិត្ត ឬខូចខាតទ្រព្យសម្បត្តិ ដោយសារមូលហេតុផ្ទាល់បណ្តាលមកពីឧក្រិដ្ឋកម្មដែលបានចោទលើ ជនជាប់ចោទ។

៦,៤២២

នៅក្នុងសំណុំរឿង ឬរឿងក្តីនៅចំពោះមុខ

អ.វ.ត.ក.៖

សំណុំរឿង ០០១

៩៤

សំណុំរឿង ០០២

៤,១២៨

សំណុំរឿង ០០៣

៦៤៦

សំណុំរឿង ០០៤

២,០១៤

សំណុំរឿង ០០៤/០១

១,៨៤២

សំណុំរឿង ០០៤/០២

១,៩២០

៧៦

នាក់ ត្រូវបានទទួលស្គាល់

នៅក្នុងសំណុំរឿង ០០១

៣,៨៦៩

នាក់នៅក្នុងសំណុំរឿង០០២។

សំឡេងរបស់ដើមបណ្តឹងរដ្ឋប្បវេណី

សក្ខីកម្មរបស់ដើមបណ្តឹងរដ្ឋប្បវេណី គឺជាប្រភពព័ត៌មានមួយដ៏សំខាន់ និងជាមូលដ្ឋាន ដើម្បីបង្កើតជាឯកសារប្រវត្តិសាស្ត្រ ជាពិសេស ដោយសារថា ព័ត៌មានទាំងនោះពាក់ព័ន្ធនឹងអំពើឃោរឃៅរបស់របបខ្មែរក្រហម។

ដើមបណ្តឹងរដ្ឋប្បវេណី ចូលរួមសវនាការរបស់ អ.វ.ត.ក. ដើម្បីផ្តល់សក្ខីកម្ម និងចម្លើយអំពីការរងទុក្ខ ឬការឈឺចាប់។

មានដើមបណ្តឹងរដ្ឋប្បវេណីចំនួន៖

២២

នាក់ត្រូវបានកោះហៅឱ្យមកផ្តល់សក្ខីកម្ម
នៅក្នុងសំណុំរឿង ០០១

៣១

នាក់នៅក្នុងសំណុំរឿង ០០២/០១

៦៤

នាក់នៅក្នុងសំណុំរឿង ០០២/០២

មេធាវីតំណាងដើមបណ្តឹងរដ្ឋប្បវេណី

ដើមបណ្តឹងរដ្ឋប្បវេណី មានមេធាវីតំណាងរបស់ខ្លួន ឬហៅថា មេធាវីតំណាងដើមបណ្តឹងរដ្ឋប្បវេណី នៅដំណាក់កាលបុរេជំនុំជម្រះក្តី។ ដើមបណ្តឹងរដ្ឋប្បវេណីអាចមានមេធាវីតំណាងរៀងខ្លួន ឬអាចបង្កើតជាក្រុមជាមួយនឹងដើមបណ្តឹងរដ្ឋប្បវេណីផ្សេងទៀតដើម្បីទទួលបានមេធាវីតំណាងរួមគ្នា⁶។

ដើមបណ្តឹងរដ្ឋប្បវេណី មានសិទ្ធិជ្រើសរើសមេធាវីក្នុងចំណោមមេធាវីកម្ពុជា និងមេធាវីបរទេស ដែលបានចុះបញ្ជីឈ្មោះជាមួយនឹងគណៈមេធាវីនៃព្រះរាជាណាចក្រកម្ពុជា⁷។ ផ្នែកគាំពារជនរងគ្រោះ រក្សាទុកបញ្ជីឈ្មោះមេធាវីដែលមានសិទ្ធិអាចតំណាងជនរងគ្រោះ និងដើមបណ្តឹងរដ្ឋប្បវេណី⁸។

មេធាវីតំណាងដើមបណ្តឹងរដ្ឋប្បវេណី ត្រូវបានផ្តល់ជូនដើមបណ្តឹងរដ្ឋប្បវេណីទាំងអស់នៅក្នុងសំណុំរឿង ០០១ សំណុំរឿង ០០២ សំណុំរឿង ០០៣ និងសំណុំរឿង ០០៤។ មេធាវីតំណាងដើមបណ្តឹងរដ្ឋប្បវេណី ធ្វើការសហការយ៉ាងជិតស្និទ្ធជាមួយនឹងគម្រោងសំណង និងគម្រោងក្រៅផ្លូវតុលាការ ដើម្បីជួយដោះស្រាយតាមបំណងរបស់ដើមបណ្តឹងរដ្ឋប្បវេណី ក្នុងការស្នើសុំសំណងចំពោះការឈឺចាប់ ឬការខូចខាតដែលពួកគាត់បានទទួលរង។

សរុបមក

៦៥

មានមេធាវីកម្ពុជានិងមេធាវីបរទេសត្រូវបានទទួលស្គាល់ដោយ អ.វ.ត.ក. ដើម្បីតំណាងដើមបណ្តឹងរដ្ឋប្បវេណី។

សហមេធាវីនាំមុខ

សហមេធាវីនាំមុខតំណាងដើមបណ្តឹងរដ្ឋប្បវេណី គឺជាអ្នកតំណាងផលប្រយោជន៍ផ្លូវច្បាប់របស់ដើមបណ្តឹងរដ្ឋប្បវេណីនៅក្នុងដំណាក់កាលជំនុំជម្រះក្តី និងដំណាក់កាលក្រោយការជំនុំជម្រះក្តី។ សហមេធាវីនាំមុខតំណាងដើមបណ្តឹងរដ្ឋប្បវេណីមានមេធាវីខ្មែរម្នាក់ និងបរទេសម្នាក់ ដែលត្រូវជ្រើសរើសដោយការិយាល័យរដ្ឋបាលរបស់ អ.វ.ត.ក. ចេញពីបញ្ជីឈ្មោះមេធាវីដែលមានសិទ្ធិ ហើយបញ្ជីឈ្មោះនេះរក្សាទុកនៅ ផ្នែកគាំពារជនរងគ្រោះ។

សហមេធាវីនាំមុខ តំណាងផលប្រយោជន៍របស់ជនរងគ្រោះជាក្រុមរួមគ្នាតែមួយនៅចំពោះមុខ អ.វ.ត.ក.។ សហមេធាវីនាំមុខ មានការទទួលខុសត្រូវសំខាន់ក្នុងការតស៊ូមតិ យុទ្ធសាស្ត្រ និងការបង្ហាញសិទ្ធិរបស់ដើមបណ្តឹងរដ្ឋប្បវេណី⁹។

សហមេធាវីនាំមុខ ទទួលការគាំទ្រពីមេធាវីតំណាងដើមបណ្តឹងរដ្ឋប្បវេណី។ មេធាវីតំណាងដើមបណ្តឹងរដ្ឋប្បវេណី នៅបន្តផ្តល់ប្រឹក្សាអំពីការសម្របសម្រួលក្នុងការតំណាងជនរងគ្រោះ និងផ្តល់ជំនួយដល់សហមេធាវីនាំមុខ¹⁰។

កន្លងមក សហមេធាវីនាំមុខចំនួន ៥ នាក់ ត្រូវបានតែងតាំងនៅក្នុងសំណុំរឿង ០២ គឺ៖

. លោក ពេជ្រ អង្គ (មេធាវីនាំមុខកម្ពុជា ពីឆ្នាំ២០១១ រហូតដល់ពេលបច្ចុប្បន្ន)
. លោកស្រី Elisabeth SIMONNEAU FORT (ជនជាតិបារាំង ពីឆ្នាំ២០១១ ដល់ឆ្នាំ២០១៤)
. លោកស្រី Marie GUIRAUD (ជនជាតិបារាំង ពីឆ្នាំ២០១៤ ដល់ឆ្នាំ២០១៩)
. លោកស្រី Megan HIRST (ជនជាតិអូស្ត្រាលី ពីឆ្នាំ២០១៩ ដល់ឆ្នាំ២០២២)
. លោកស្រី Falguni DEBNATH (ជនជាតិកាណាដា ពីឆ្នាំ២០២២ ដល់ពេលបច្ចុប្បន្ន)។