សំណុំរឿង
០០១
សហព្រះរាជអាជ្ញា បានចេញដីកាសន្និដ្ឋានបញ្ជូនរឿងឱ្យស៊ើបសួរលើកទី១ ដោយបានកំណត់ឈ្មោះបុគ្គលប្រាំនាក់សម្រាប់ការស៊ើបអង្កេត គឺ នួន ជា, ខៀវ សំផន, អៀង សារី, អៀង ធីរិទ្ធ និង កាំង ហ្កេកអ៊ាវ (ហៅ ឌុច)។
ការចោទប្រកាន់ប្រឆាំងនឹង កាំង ហ្កេកអ៊ាវ (ហៅ ឌុច) ទាក់ទងនឹង
មន្ទីរសន្តិសុខ ស-២១ ត្រូវបានបំបែកចេញទៅជា សំណុំរឿង ០០១។
ឌុច ត្រូវបានផ្តន្ទាទោសចំពោះ ឧក្រិដ្ឋកម្មប្រឆាំងមនុស្សជាតិ និងការបំពារបំពានយ៉ាងធ្ងន់ធ្ងរទៅលើអនុសញ្ញាទីក្រុងហ្សឺណែវ ហើយ អ.វ.ត.ក. បានកាត់ទោសគាត់ឱ្យជាប់ពន្ធនាគារអស់មួយជីវិត។
ឌុច
ជាប្រធានមន្ទីរសន្តិសុខ ស-២១ នៅភ្នំពេញនៅចន្លោះពេលពីឆ្នាំ១៩៧៦ ដល់ដើមឆ្នាំ១៩៧៩។
ផែនទីបង្ហាញទីតាំងឧក្រិដ្ឋកម្ម
កិច្ចដំណើរការជំនុំជម្រះ ផ្តោតលើទីតាំងឧក្រិដ្ឋកម្មដូចខាងក្រោម៖
- មន្ទីរសន្តិសុខ ស-២១
- ជើងឯក (“វាលពិឃាត”)
- ស-២៤ (គុកព្រៃស)
កិច្ចដំណើរការ
នីតិវិធីតុលាការ
សាក្សី អ្នកជំនាញ និងដើមបណ្តឹងរដ្ឋប្បវេណី
ដើមបណ្តឹងរដ្ឋប្បវេណីចំនួន ៧៤ នាក់ ត្រូវបានទទួលស្គាល់ ក្នុងសំណុំរឿង ០០១។ អង្គជំនុំជម្រះសាលាដំបូងបានបញ្ជាក់ទទួលស្គាល់ដើមបណ្តឹងរដ្ឋប្បវេណីចំនួន ៦៤ នាក់ ក្នុងចំណោមដើមបណ្តឹងរដ្ឋប្បវេណីចំនួន ៩៣ នាក់ ដែលដើមឡើយត្រូវបានទទួលស្គាល់ដោយ សហចៅក្រមស៊ើបអង្កេត និង ដើមបណ្តឹងរដ្ឋប្បវេណីចំនួន ៣ នាក់ បានដកពាក្យបណ្តឹងរបស់ខ្លួនវិញ។ អង្គជំនុំជម្រះតុលាការកំពូលបានទទួលស្គាល់ដើមបណ្តឹងរដ្ឋប្បវេណីចំនួន ១០ នាក់ បន្ថែមទៀតនៅដំណាក់កាលសាទុក្ខ។
ដើមបណ្តឹងរដ្ឋប្បវេណីចំនួន ២២ នាក់ បានផ្តល់សក្ខីកម្ម ក្នុងសវនាការ។ សាក្សីអ្នកជំនាញចំនួន ៩ នាក់ សាក្សីអង្គហេតុចំនួន ១៧ នាក់ និងសាក្សីអត្តចរិតចំនួន ៧ នាក់ ក៏បានផ្តល់សក្ខីកម្ម ឬបញ្ជាក់ចម្លើយនៅក្នុងសវនាការនៅអង្គជំនុំជម្រះផងដែរ។
លេខរៀង | រហស្សនាម | ឈ្មោះ | ឈ្មោះ |
|---|