ដើមបណ្តឹងរដ្ឋប្បវេណីចំនួន ៧៤ នាក់ ត្រូវបានទទួលស្គាល់ ក្នុងសំណុំរឿង ០០១។ អង្គជំនុំជម្រះសាលាដំបូងបានបញ្ជាក់ទទួលស្គាល់ដើមបណ្តឹងរដ្ឋប្បវេណីចំនួន ៦៤ នាក់ ក្នុងចំណោមដើមបណ្តឹងរដ្ឋប្ប​វេណីចំនួន ៩៣ នាក់ ដែលដើមឡើយត្រូវបានទទួលស្គាល់ដោយ សហចៅក្រមស៊ើបអង្កេត និង ដើមបណ្តឹងរដ្ឋប្បវេណីចំនួន ៣ នាក់ បានដកពាក្យបណ្តឹងរបស់ខ្លួនវិញ។ អង្គជំនុំជម្រះតុលាការកំពូលបានទទួលស្គាល់ដើមបណ្តឹងរដ្ឋប្បវេណីចំនួន ១០ នាក់ បន្ថែមទៀតនៅដំណាក់កាលសាទុក្ខ។

ដើមបណ្តឹងរដ្ឋប្បវេណីចំនួន ២២ នាក់ បានផ្តល់សក្ខីកម្ម ក្នុងសវនាការ។ សាក្សីអ្នកជំនាញចំនួន ៩ នាក់ សាក្សីអង្គហេតុចំនួន ១៧ នាក់ និងសាក្សីអត្តចរិតចំនួន ៧ នាក់ ក៏បានផ្តល់សក្ខីកម្ម ឬបញ្ជាក់ចម្លើយនៅក្នុងសវនាការនៅអង្គជំនុំជម្រះផងដែរ។