សំណុំរឿង ០០៤/០១

សំណុំរឿង ០០៤/០១ ពាក់ព័ន្ធនឹងការចោទប្រកាន់នានាប្រឆាំងនឹង អ៉ឹម ចែម។ ការបំបែកសំណុំរឿង ០០៤/០១ ចេញពីសំណុំរឿង ០០៤ គឺមានគោលបំណងដើម្បីឱ្យការស៊ើបអង្កេតលើការចោទប្រកាន់ប្រឆាំងនឹង អ៉ឹម ចែម បានបញ្ចប់ដំណើរការបានមុន ខណៈដែលការស៊ើបអង្កេតផ្សេងទៀតនៅសំណុំរឿង ០០៤ នៅតែបន្តដំណើរការធម្មតា។

ផែនទីបង្ហាញទីតាំងឧក្រិដ្ឋកម្ម

សំណុំរឿងនេះ រួមមានការចោទប្រកាន់ ពាក់ព័ន្ធនឹង ៖

មន្ទីរសន្តិសុខភ្នំត្រយូង *
ការដ្ឋានប្រលាយស្ពានស្រែង *
ទីតាំងសម្លាប់មនុស្ស វត្តអង្គសិរីមុនី និងព្រៃសុខុន
វត្តព្រះនេត្រព្រះ និងទីតាំងពាក់ព័ន្ធ
មន្ទីរសន្តិសុខភ្នំចក្រី
ទីតាំងសម្លាប់មនុស្ស ព្រៃតារ៉ុត
វត្តចម្ការខ្នុរ
ការដ្ឋានទំនប់ត្រពាំងថ្ម
ការរំលោភសេពសន្ថវៈ និងការសម្លាប់នារីពីរនាក់ ដែលមានដើមកំណើតជាជនជាតិវៀតណាម នៅស្រុកព្រះនេត្រព្រះ

* សហចៅក្រមស៊ើបអង្កេតអន្តរជាតិ បានដាក់ អ៉ឹម ចែម ឱ្យស្ថិតក្រោមការពិនិត្យ ចំពោះឧក្រិដ្ឋកម្មផ្សេងៗដែលបានប្រព្រឹត្តនៅទីតាំងដូចបានលើកឡើងខាងលើនេះ។

កិច្ចដំណើរការ
នីតិវិធីតុលាការ

ចំពោះករណី អ៉ឹម ចែម សហចៅក្រមស៊ើបអង្កេត បានសម្រេចថា អ៉ឹម ចែម មិនស្ថិតនៅក្នុងយុត្តាធិការបុគ្គលរបស់ អ.វ.ត.ក.។ បន្ទាប់មក អង្គបុរេជំនុំជម្រះ បានបញ្ជាក់ឱ្យលើកលែងចោទប្រកាន់ អ៉ឹម ចែម នៅក្នុងសំណុំរឿង ០០៤/០១។

អូស

ដំណាក់កាលស៊ើបសួរ

២០១៥

ថ្ងៃទី២១ ខែមករា

សេចក្តីជូនដំណឹងអំពីការបិទកិច្ចស៊ើបសួរ (ឯកសារ D285)

២០១៦

ថ្ងៃទី៥ ខែកុម្ភៈ

សេចក្តីសម្រេចបំបែកសំណុំរឿង (ឯកសារ D286/7)

២០១៧

ថ្ងៃទី២២ ខែកុម្ភៈ

ដីកាដំណោះស្រាយ (លើកលែងចោទប្រកាន់) ផ្នែកសម្រេចសេចក្តី (ឯកសារ D308)

ថ្ងៃទី១០ ខែកក្កដា

ដីកាដំណោះស្រាយ (លើកលែងចោទប្រកាន់) សំអាងហេតុពេញលេញ (ឯកសារ D308/3)

ថ្ងៃទី១១-១២ ខែធ្នូ

សវនាការលើបណ្តឹងឧទ្ធរណ៍ប្រឆាំងនឹងដីកាដំណោះស្រាយ

២០១៨

ថ្ងៃទី២៨ ខែមិថុនា

អ.ប.ជ ចេញសេចក្តីពិចារណាលើបណ្តឹងឧទ្ធរណ៍ប្រឆាំងនឹងដីកាដំណោះស្រាយ (ឯកសារ D308/3/1/20)

អ្នកដាក់ពាក្យសុំតាំងខ្លួនជាដើមបណ្តឹងរដ្ឋប្បវេណី

មានមនុស្សចំនួន ១ ៨៤២ នាក់ បានដាក់ពាក្យសុំតាំងខ្លួនជាដើមបណ្តឹងរដ្ឋប្បវេណីនៅក្នុងសំណុំរឿង ០០៤/០១។ ទោះបីជាចុងបញ្ចប់ សំណុំរឿងនេះត្រូវបានតុលាការលើកលែងការចោទប្រកាន់ ក៏ព័ត៌មាននានាដែលទទួលបានពីអ្នកដាក់ពាក្យសុំទាំងនោះគឺជាប្រភពព័ត៌មានយ៉ាងសំខាន់អំពីប្រវត្តិសាស្ត្រពាក់ព័ន្ធនឹងរបបកម្ពុជាប្រជាធិបតេយ្យ និងការព្យសនកម្មផ្សេងៗដែលពួកគាត់ទទួលរង ក្នុងរបបខ្មែរក្រហម។

ប្រតិចារឹក និងរបាយការណ៍សំណុំរឿង

ថ្ងៃសវនាការ	កាលបរិច្ឆេទ	នីតិវិធី	ប្រតិចារឹក
សវនាការថ្ងៃទី ១	ថ្ងៃទី១១ ខែធ្នូ ឆ្នាំ២០១៧	សវនាការលើបណ្តឹងឧទ្ធរណ៍ប្រឆាំងនឹងដីកាដំណោះស្រាយ	សវនាការសាធារណៈ ឯកសារ D308/3/1/19/1.1 សវនាការសម្ងាត់ ឯកសារ D308/3/1/19/1.2
សវនាការថ្ងៃទី ២	ថ្ងៃទី១២ ខែធ្នូ ឆ្នាំ២០១៧	សវនាការលើបណ្តឹងឧទ្ធរណ៍ប្រឆាំងនឹងដីកាដំណោះស្រាយ	សវនាការសម្ងាត់ ឯកសារ D308/3/1/19/2.1

កិច្ចដំណើរការនីតិវិធីតុលាការ

អូស