កិច្ចដំណើរការ
នីតិវិធីតុលាការ
សហចៅក្រមស៊ើបអង្កេត បានចេញសេចក្តីសម្រេចផ្ទុយគ្នា លើបញ្ហាថាតើ អោ អាន ស្ថិតនៅក្នុងយុត្តាធិការបុគ្គលរបស់ អ.វ.ត.ក. ដែរឬអត់ ។ សហចៅក្រមស៊ើបអង្កេតជាតិ សម្រេចលើកលែងការចោទប្រកាន់លើ អោ អាន ចំណែកឯ សហចៅក្រមស៊ើបអង្កេតអន្តរជាតិ បានសម្រេចចោទប្រកាន់និងបញ្ជូនគាត់ទៅជំនុំជម្រះក្តីចំពោះឧក្រិដ្ឋកម្មផ្សេងៗ។ អង្គជំនុំជម្រះតុលាការកំពូល បានសម្រេចបញ្ចប់សំណុំរឿងនេះ ដោយមូលហេតុមិនមានដីកាបញ្ជូនរឿងទៅជំនុំជម្រះដែលច្បាស់លាស់ និងអាចអនុវត្តបាន។
អូស
អ្នកដាក់ពាក្យសុំតាំងខ្លួនជាដើមបណ្តឹងរដ្ឋប្បវេណី
មានមនុស្សចំនួន ១ ៩២០ នាក់ បានដាក់ពាក្យសុំតាំងខ្លួនជាដើមបណ្តឹងរដ្ឋប្បវេណីនៅក្នុងសំណុំរឿង ០០៤/០២។ ទោះបីជាចុងបញ្ចប់សំណុំរឿងនេះត្រូវបានតុលាការលើកលែងការចោទប្រកាន់ ក៏ព័ត៌មាននានាដែលទទួលបានពីអ្នកដាក់ពាក្យសុំទាំងនោះគឺជាប្រភពព័ត៌មានយ៉ាងសំខាន់អំពីប្រវត្តិសាស្ត្រពាក់ព័ន្ធនឹងរបបកម្ពុជាប្រជាធិបតេយ្យ និងព្យសនកម្មផ្សេងៗដែលពួកគាត់បានទទួលរងក្នុងរបបខ្មែរក្រហម។