ជុំ ស៊ីរ៉ាត់
រហ្សនាម: D25/6
សំណុំរឿង: សំណុំរឿង ០០១
ប្រភេទ: ដើមបណ្តឹងរដ្ឋប្បវេណី
លោក ជុំ ស៊ីរ៉ាត់ បានផ្តល់សក្ខីកម្មក្នុងនាមជាដើមបណ្តឹងរដ្ឋប្បវេណី ដោយសារការបាត់បង់ប្អូនប្រុសពីរនាក់គឺ ជុំ ស៊ីណារ៉េត និង ជុំ ណារិត និងប្អូនថ្លៃស្រីឈ្មោះ គឹម សុវណ្ណារី នៅទួលស្លែង (ហៅ ស-២១)
1
។ អង្គជំនុំជម្រះសាលាដំបូង បានសម្រេចថា ជុំ ស៊ីរ៉ាត់ គឺជាដើមបណ្តឹងរដ្ឋប្បវេណី ដែលបានបញ្ជាក់ពីទំនាក់ទំនងរបស់គាត់ជាមួយនឹង ជុំ ស៊ីណារ៉េត, ជុំ ណារិត និង គឹម សុវណ្ណារី ដែលបានស្លាប់នៅ ស-២១
2
។
ការរៀបរាប់របស់ ជុំ ស៊ីរ៉ាត់
លោក ជុំ ស៊ីរ៉ាត់ បានទទួលអាហារូបករណ៍ទៅសិក្សានៅប្រទេសបារាំង ក្នុងឆ្នាំ១៩៦០ និងបានត្រឡប់មកប្រទេសកម្ពុជាវិញក្នុងឆ្នាំ១៩៦៨
3
។ ក្នុងអំឡុងពេលនេះ លោក ជុំ ស៊ីរ៉ាត់ គឺជាមេគ្រួសារនៅផ្ទះរបស់គាត់ និងបានសិក្សានៅវិទ្យាល័យយុគន្ធរ ជាកន្លែងដែលគាត់ទទួលបានអាហារូបករណ៍ទៅសាលា Lycee Descortes នៅប្រទេសបារាំង
4
។ លោក ជុំ ស៊ីរ៉ាត់ បានបោះបង់ចោលអាហារូបករណ៍របស់គាត់ ដោយសារតែស្ថានភាពជីវភាពក្រីក្ររបស់គ្រួសារគាត់ ហើយបានចូលរៀនវិទ្យាស្ថានជាតិគរុកោសល្យ និងក្រោយមកបានក្លាយជាគ្រូបឋមសិក្សា ក្នុងឆ្នាំ១៩៦៥
5
។ លោក ជុំ ណារិត បានផ្គត់ផ្គង់ឪពុកម្តាយរបស់គាត់ និងប្អូនៗ រួមមាន ជុំ ស៊ីណាវី និង ជុំ ស៊ីណារ៉េត
6
។ ជុំ ណារិត ផ្គត់ផ្គង់ ជុំ ស៊ីណារ៉េត រហូតគាត់រៀនចប់វិទ្យាល័យ និងបានចូលរៀនសាលាពេទ្យ។ លោក ជុំ ស៊ីរ៉ាត់ បានមកដល់ប្រទេសកម្ពុជាក្នុងឆ្នាំ១៩៦៨ ហើយមុនពេលគាត់មកដល់បីខែ ជុំ ណារិត ដែលធ្វើគ្រូបង្រៀននៅសាលាបល័្លង្ក ក្នុងខេត្តកំពង់ធំ ត្រូវចាប់ខ្លួន ដោយគេចោទថាជាខ្មែរក្រហម
7
។ ជុំ ណារិត ត្រូវបានប៉ូលីសនយោបាយ/ប៉ូលីសពិសេសចាប់ ដែលស្ថិតក្រោមការដឹកនាំរបស់រដ្ឋលេខាធិការពីររូបគឺ សូស្តែន ហ្វែណង់ដែស ទទួលបន្ទុកកងកម្លាំងនគរបាលជាតិ និង អ៊ុំ ម៉ាន់ណារិន ទទួលបន្ទុកកិច្ចការសន្តិសុខផ្ទៃក្នុង ហើយគាត់ត្រូវបានបញ្ជូនទៅគុក ប៉េ.អេស (PS)
8
។ លោក ជុំ ស៊ីរ៉ាត់ បានប្រាប់អង្គជំនុំជម្រះថា ជុំ ណារិត ដែលជាគ្រូបង្រៀន បានចូលរួមជាមួយក្រុមឆ្វេងនិយម ហើយនោះជាមូលហេតុដែលគេចាប់គាត់ក្នុងសម័យកាលនោះ
9
។ ជុំ ណារិត ក៏ចូលរួមជាមួយចលនាប្រឆាំងនឹងរបបនោះផងដែរ
10
។ លោក ជុំ ស៊ីរ៉ាត់ ស្វែងរកជំនួយដោះលែង ជុំ ណារិត ពីពន្ធនាគារ ពីអតីតរដ្ឋមន្ត្រីអប់រំគឺលោក វណ្ណ ម៉ូលីវណ្ណ តែមិនទទួលបានជោគជ័យ
11
។ ក្រោយមកគាត់បានជួបលោក សំ អន ដែលជាប៉ូលីស ដែលជួយរៀបចំការសួរចម្លើយអ្នកដែលជាប់នៅពន្ធនាគារ ប៉េ.អេស។ ការណ៍នេះបានជួយ ជុំ ណារិត រួចពីទារុណកម្ម
12
។ ជុំ ណារិត ក្រោយមកត្រូវបានបញ្ចូលទៅក្នុងក្រសួងសិក្សាធិការវិញ និងផ្ទេរពីបល័្លង្ក មកចោមចៅ
13
។ ក្នុងខែមីនា ឆ្នាំ១៩៧៣ គ្រូបង្រៀនបានធ្វើបាតុកម្មមួយទាមទារដំឡើងប្រាក់ខែ នៅវិទ្យាស្ថានគរុកោសល្យ ជិតវិមានប្រវត្តិសាស្ត្រ
14
។ ប៉ូលីសបានចោទ ជុំ ណារិត ថាជាមេខ្លោងបាតុកម្មនោះ គាត់បានរត់ទៅព្រៃម៉ាគី ជាមួយសាស្ត្រាចារ្យ នួន ខឿន
15
។ ក្នុងឆ្នាំ១៩៧៤ មានការទម្លាក់គ្រាប់បែកលើប្រទេសកម្ពុជា ប្រហែលជាក្នុងពេលជាមួយគ្នាដែលលោក ជុំ ស៊ីរ៉ាត់ ត្រូវបានតែងតាំងឲ្យធ្វើជាតំណាងប្រទេសកម្ពុជានៅទីក្រុងហ្ស៊ឺណែវ។ គាត់បានចាកចេញពីប្រទេសកម្ពុជាក្នុងខែវិច្ឆិកា ឆ្នាំ១៩៧៤
16
។ លោក ជុំ ស៊ីរ៉ាត់ បានធ្វើការស្រាវជ្រាវចង់ដឹងរឿងរ៉ាវដែលបានកើតឡើងចំពោះប្អូនប្រុសរបស់គាត់។ តាមរយៈ ពេជ លឹមឃួន ដែលជាអតីតអ្នកបើកយន្តហោះឲ្យរបបកម្ពុជាប្រជាធិបតេយ្យ គាត់បានដឹងថា ជុំ ណារិត បានត្រឡប់មកភ្នំពេញវិញនៅថ្ងៃទី១៧ ខែមេសា ឆ្នាំ១៩៧៥ ជាមួយក្រុម ហ៊ូ នឹម និងបានធ្វើការនៅក្រសួងឃោសនាការ
17
។ លោក ជុំ ស៊ីរ៉ាត់ បានដឹងថា នៅថ្ងៃទី២៩ ខែតុលា ឆ្នាំ១៩៧៦ ជុំ ណារិត, ជុំ ស៊ីណារ៉េត និងប្រពន្ធរបស់គាត់ គឹម សុវណ្ណារី ត្រូវបានចាប់ខ្លួន។ មូលហេតុនៃការចាប់ខ្លួនរបស់ពួកគេ មាននៅក្នុងចម្លើយសារភាពរបស់ ហ៊ូ នឹម
18
។ ហ៊ូ នឹម គឺជាសមាជិកក្រុមមួយដែលប្រឆាំងនឹងសមូហភាពនិយម
19
។ ហ៊ូ នឹម បានថ្លែងនៅក្នុងចម្លើយសារភាពរបស់គាត់ថា គេមិនអនុញ្ញាតឲ្យនិយាយអំពីបញ្ហានេះទេ ប៉ុន្តែក្រុមនេះអនុញ្ញាតឲ្យ ជុំ ណារិត និយាយអំពីវា។ ជុំ ណារិត អះអាងថា ដោយសារតែសមូហភាពនិយម បានជាមិនមានថ្នាំសង្កូវគ្រប់គ្រាន់ និងដោយសារតែគេហាមមិនឲ្យមានឯកជនភាព ហើយការធ្វើបែបនេះមិនត្រឹមត្រូវទេ។ ហ៊ូ នឹម ក៏បានលើកឡើងថា ជាលទ្ធផល គាត់ត្រូវស្នើសុំអង្គការឲ្យដក ជុំ ណារិត ចេញ ហើយនៅថ្ងៃទី២៩ ខែកញ្ញា ឆ្នាំ១៩៧៦ គាត់ត្រូវគេដកចេញ
20
។ ក្នុងខែតុលា ឆ្នាំ១៩៩៣ នៅពេលដែលលោក ជុំ ស៊ីរ៉ាត់ ទៅមើល ស-២១ គាត់បានឃើញឈ្មោះប្អូនប្រុស និងប្អួនស្រីថ្លៃរបស់គាត់នៅក្នុងបញ្ជីឈ្មោះអ្នកទោស។ ត្រង់លេខរៀងទី៣៩ ឈ្មោះ ជុំ ណារិត បានចូលនៅថ្ងៃទី២៩ ខែតុលា ឆ្នាំ១៩៧៦ និងសរសេរថា គាត់ស្លាប់នៅថ្ងៃទី១ ខែមករា ឆ្នាំ១៩៧៧។ ឈ្មោះ ជុំ ស៊ីណារ៉េត និង គឹម សុវណ្ណារី ក៏មាននៅទីនោះដែរ តែមិនមានចុះកាលបរិច្ឆេទចូល និងកាលបរិច្ឆេទស្លាប់នោះទេ
21
។
សក្ខីកម្មរបស់ ជុំ ស៊ីរ៉ាត់
លោក ជុំ ស៊ីរ៉ាត់ មើលរូបថតដាក់បង្ហាញ ដែលគាត់រៀបរាប់ និងបញ្ជាក់អត្តសញ្ញាណថាជាប្អូនប្រុស និងប្អូនស្រីថ្លៃរបស់គាត់ ហើយគាត់មិនច្បាស់ថាប្អូនស្រីថ្លៃគាត់មានរូបរាងយ៉ាងដូចម្តេចឡើយ ព្រោះគាត់មិនដែលបានឃើញនាងទេ
22
។ គាត់ថ្លែងបន្ថែមទៀតថា ការសុំទោសរបស់ជនជាប់ចោទ មិនមានភាពស្មោះត្រង់ទេ ដោយសារតែជនជាប់ចោទបានស្គាល់ប្អូនប្រុសរបស់គាត់ និងថែមទាំងបានឆ្លើយតបទៅនឹងលិខិតដែលគាត់សរសេរ និងបាននិយាយថាគាត់មិនបានឃើញពួកគេ ហើយថាប្រសិនបើគាត់បានឃើញនោះ ក៏គាត់មិនអាចជួយអ្វីបានដែរ ព្រោះវាជាបញ្ជារបស់អង្គការ
23
។ លោក ជុំ ស៊ីរ៉ាត់ បានប្រាប់អង្គជំនុំជម្រះថា គាត់មិនដឹងមូលហេតុនៃការចាប់ខ្លួន ជុំ ស៊ីណារ៉េត និង គឹម សុវណ្ណារី ទេ។ គាត់សន្និដ្ឋានថា ជុំ ស៊ីណារ៉េត ត្រូវបានចាប់ខ្លួន ដោយសារតែគាត់ជាប្អូនប្រុសរបស់ ជុំ ណារិត ហើយ គឹម សុវណ្ណារី ត្រូវបានចាប់ខ្លួន ដោយសារតែគាត់ជាប្រពន្ធរបស់ ជុំ ស៊ីណារ៉េត
24
។ លោក ជុំ ស៊ីរ៉ាត់ ចង់ឲ្យជនជាប់ចោទប្រាប់អំពីរឿងរ៉ាងនៃការស្លាប់របស់ប្អូនប្រុសរបស់គាត់ ហើយជនជាប់ចោទបាននិយាយថា មិត្តភក្តិរបស់គាត់ភាគច្រើនត្រូវបានចាប់ខ្លួន ហើយយកលេសគាត់មិនទៅមើលប្អូនប្រុសទាំងពីរនោះ ដោយសារតែគាត់មិនហានប្រឈមមុខនឹងពួកគេ
25
។ ជនជាប់ចោទបានធ្វើសេចក្តីសង្កេតមួយទាក់ទងនឹងអង្គហេតុប្រវត្តិសាស្ត្រ ពាក់ព័ន្ធនឹង ពេជ លឹមឃួន។ជនជាប់ចោទថាបានឮ ជុំ ស៊ីរ៉ាត់ និយាយថា ប្អូនប្រុសរបស់ជុំ ស៊ីរ៉ាត់បានទៅជនបទជាមួយ ពេជ លឹមឃួន។ នេះជាអង្គហេតុដែល ជុំ ស៊ីរ៉ាត់ ជំទាស់ថា គាត់មិនបាននិយាយដូច្នេះទេហើយប្រធានអង្គជំនុំជម្រះបានបញ្ឈប់ការសង្កេត
26
។ ជនជាប់ចោទមិនមានកំណត់ត្រាកាលបរិច្ឆេទនៃការបញ្ជូនខ្លួន គឹម សុវណ្ណារី និង ជុំ ស៊ីណារ៉េត ទេ ប៉ុន្តែគាត់ជឿថា ការស្រាវជ្រាវរបស់ ជុំ ស៊ីរ៉ាត់ អំពីមូលហេតុនៃការចាប់ខ្លួនពួកគេ មានភាពគួរឲ្យជឿជាក់បាន
27
។
វីដេអូ
