សំណួរដែលសួរញឹកញាប់

បណ្ណសារ គឺជាឃ្លាំងផ្ទុកកំណត់ត្រាតុលាការសាធារណៈទាំងអស់របស់ អ.វ.ត.ក.។

ទំព័រធនធានឌីជីថល មានគ្រប់ការចេញផ្សាយផ្លូវការផ្សេងទៀតពី អ.វ.ត.ក. ដូចជា ​សេចក្តីប្រកាសព័ត៌មាន សារព័ត៌មាន​និងសកម្មភាពផ្សព្វផ្សាយ ការបោះពុម្ពផ្សាយ និងវីដេអូសវនាការ។

បណ្ណាល័យនៅនឹងកន្លែងក៏មានសម្ភារដែលរៀបរាប់ខាងលើជាសំណៅរឹង ក៏ដូចជា​បណ្ណាល័យឯកសារយោង​អំពី​សៀវភៅ ការបោះពុម្ពផ្សាយ និងសម្ភារភាគីទីបីផ្សេងទៀត ដែលពាក់ព័ន្ធនឹង អ.វ.ត.ក.។

គេហៅ អ.វ.ត.ក. ដោយ​ឈ្មោះ​ផ្សេង​ៗ​គ្នា​ជា​ច្រើន (ដូចជា ​សាលាក្តី​ខ្មែរ​ក្រហម សាលាក្តី​កម្ពុជា សាលាក្តី​ឧក្រិដ្ឋកម្ម​សង្រ្គាម​កម្ពុជា តុលាការ​គាំទ្រ​ដោយ​អង្គការ​សហ​ប្រជាជាតិ។ ល។ )។ យ៉ាងណាមិញ គួរតែហៅដោយ​ឈ្មោះ​ផ្លូវការ​​ពេញលេញរបស់ អ.វ.ត.ក. គឺ (“អង្គជំនុំជម្រះវិសាមញ្ញក្នុងតុលាការកម្ពុជា”) ឬដោយអក្សរកាត់ (“អ.វ.ត.ក.”)។

អ.វ.ត.ក. បានបញ្ចប់ការងារតុលាការរបស់ខ្លួននៅចន្លោះឆ្នាំ២០០៦ និង ២០២២។ នៅឆ្នាំ២០២៣ តុលាការនេះ​បានចាប់​ផ្តើមដំណាក់កាលមុខងារសេសសល់ ក្នុងអំឡុងពេលដែលខ្លួននឹងបន្តផ្តល់ការការពារដល់ជនរងគ្រោះ និងសាក្សី គ្រប់គ្រងនិងរក្សាទុកបណ្ណសាររបស់ខ្លួន ឆ្លើយតបទៅនឹងសំណើសុំសិទ្ធិចូលប្រើប្រាស់ឯកសារ និង ផ្សព្វផ្សាយព័ត៌មានដល់សាធារណជន ក្នុងចំណោមមុខងារផ្សេងៗទៀត។ សម្រាប់ព័ត៌មានបន្ថែម សូមអាន កិច្ចព្រមព្រៀងបន្ថែមទៅនឹងកិច្ចព្រមព្រៀងរវាងអង្គការសហប្រជាជាតិ និងរាជរដ្ឋាភិបាលកម្ពុជា។

អ្នកក៏អាចតាមដានសកម្មភាពថ្មីៗរបស់ អ.វ.ត.ក. ដោយចូលទៅកាន់ សារព័ត៌មាន និងការផ្សព្វផ្សាយ។

សាធារណជន​ណា​ក៏​អាច​ចូល​ទស្សនា​បានដែរ។ ការចូលបណ្ណាល័យគឺមិនគិតថ្លៃទេ។

ប្រសិនបើអ្នកមានបំណងចង់រៀបចំការទស្សនាជាក្រុម សូមទាក់ទងមកយើងខ្ញុំជាមុនតាមរយៈ resource.centre@eccc.gov.kh ។

សេវាកម្មខាងក្រោមមាននៅនឹងកន្លែង។ សម្រាប់ព័ត៌មានបន្ថែម សូមកុំស្ទាក់ស្ទើរក្នុងការទាក់ទងមកយើងខ្ញុំតាមរយៈ resource.centre@eccc.gov.kh ។

1. ការប្រឹក្សាយោបល់ និងកន្លែងធ្វើការ៖ អ្នកទស្សនាអាចប្រើប្រាស់តុការងារជាង ២០ និងកន្លែងអង្គុយ​សម្រាប់​ស្រាវជ្រាវ ឬសិក្សា។ បណ្ណាល័យត្រូវបានបំពាក់ដោយ Wi-Fi ល្បឿនលឿនឥតគិតថ្លៃ កុំព្យូទ័រ កាសគ្មានខ្សែ និងអេក្រង់ទូរទស្សន៍សម្រាប់ការបញ្ចាំង និងការធ្វើបទបង្ហាញ។ អ្នកទស្សនាអាចយកកុំព្យូទ័រ​យួរដៃ ឬឧបករណ៍ចល័តរបស់ពួកគេមកជាមួយបាន។ សូមកត់សម្គាល់ថា​ ​មិនអនុញ្ញាតឲ្យយកអាហារ ​​ចូល​ក្នុងបណ្ណាល័យទេ។

1. ប្រព័ន្ធកក់តុ៖ តុអាចត្រូវបានកក់ទុកជាមុនដោយផ្ញើសំណើទៅកាន់អាសយដ្ឋានអ៊ីម៉ែលខាងលើ។ ដើម្បីធានាបាននូវការចូលប្រើប្រាស់ទូទៅក្នុងអំឡុងពេលម៉ោងមានអ្នកទស្សនាច្រើន សូមប្រាកដថាអ្នកមកដល់ទាន់ម៉ោង ឬមុនម៉ោងកក់របស់អ្នក។ ក្នុងករណីអ្នកកក់មិនបានមក ការកក់នឹងត្រូវបានលុប​ចោល​ដោយស្វ័យប្រវត្តិ និងរៀបចំឡើងវិញក្នុងរយៈពេលប្រាំ (៥) នាទី។

1. សេវាបោះពុម្ព៖ អ្នកទស្សនាអាចប្រើម៉ាស៊ីនព្រីន និងម៉ាស៊ីនស្កេនរបស់បណ្ណាល័យ ដោយគិតថ្លៃ​តិច​តួច។

1. ការបណ្តុះបណ្តាល និងព័ត៌មាន៖ ក្រុមបណ្ណាល័យរៀបចំវគ្គបណ្តុះបណ្តាល ស្តីពីការប្រើប្រាស់​ធនធាន​ឌីជីថល​របស់ អ.វ.ត.ក. រួមទាំងមូលដ្ឋានទិន្នន័យសំណុំរឿង ការបោះពុម្ពផ្សាយ និងមូលដ្ឋានទិន្នន័យ​សិក្សា។ ព័ត៌មានទូទៅអំពី អ.វ.ត.ក. ប្រតិបត្តិការ និងបណ្ណសាររបស់ខ្លួន ក៏មាននៅនឹងកន្លែងផងដែរ។

សួរបណ្ណសារនុរក្សរបស់អ្នក៖ បណ្ណារក្ស និងបណ្ណសារនុរក្សរបស់យើងមានវត្តមាននៅនឹងកន្លែង ដើម្បី​ឆ្លើយ​សំណួរទាំងឡាយដែលអ្នកអាចមានអំពី អ.វ.ត.ក. ឬការប្រមូលចងក្រងរបស់ខ្លួន។ សូម​ទាក់ទង​មក​យើងតាមអាសយដ្ឋានអ៊ីម៉ែលខាងលើ ប្រសិនបើអ្នកមានសំណួរ​ណាមួយអំពីសេវាកម្ម​របស់បណ្ណាល័យ។

ការចូលប្រើប្រាស់បណ្ណាល័យគឺមិនគិតថ្លៃទេ។ ថ្លៃសេវាតិចតួចអាចអនុវត្តសម្រាប់សេវាកម្មព្រីន និងស្កែនប៉ុណ្ណោះ។

សៀវភៅ និងការបោះពុម្ពផ្សាយរបស់ អ.វ.ត.ក. មានសម្រាប់ជាឯកសារយោងនៅក្នុងបរិវេណតែប៉ុណ្ណោះ ដែល​មាន​ន័យថា សៀវភៅទាំងនោះមិនអាចខ្ចី ឬយកចេញពីបណ្ណាល័យបានទេ។ យើងរីករាយផល់ការប្រឹក្សានៅហ្នឹងកន្លែង​ដល់អ្នកទស្សនា​អំពីសៀវភៅនានាដែលមាននៅក្នុងបណ្ណាល័យ។ សម្ភារមួយចំនួន​អាចមានជាទម្រង់​អេឡិច​ត្រូនិក។ សូមសួរបណ្ណសារនុរក្សរបស់អ្នកសម្រាប់ព័ត៌មានបន្ថែម។

ពិតជាបាន យើងស្វាគមន៍ដំណើរទស្សនកិច្ច និងក្រុមទស្សនកិច្ច។ សូមទាក់ទងក្រុមការងារបណ្ណាល័យតាមរយៈ resource.centre@eccc.gov.kh ជាមុនសម្រាប់ព័ត៌មានបន្ថែម។

ជាទូទៅ មិនតម្រូវឱ្យមានប័ណ្ណចូលយកព័ត៌មានទេ លើកលែងតែសម្រាប់កន្លែងអង្គុយក្នុងតុលាការ ឬព្រឹត្តិការណ៍​ផ្លូវការប៉ុណ្ណោះ។ សូមទាក់ទង pas@eccc.gov.kh សម្រាប់ទម្រង់បែបបទនៃប័ណ្ណចូលយកព័ត៌មាន​សម្រាប់​ព្រឹត្តិការណ៍ផ្លូវការ។

សម្ភារនៅលើគេហទំព័រដែលមកពី អ.វ.ត.ក. អាចត្រូវបានប្រើប្រាស់ដោយសេរីសម្រាប់ជាឯកសារយោង ជាព័ត៌មាន ជាការអប់រំ និងសម្រាប់គោលបំណងមិនធ្វើពាណិជ្ជកម្មផ្សេងទៀត ដោយមានការបញ្ជាក់ប្រភពសមស្រប (ឧទាហរណ៍៖ ប្រភព៖ អ.វ.ត.ក. )

សម្ភារភាគីទីបី ដូចជារូបភាព និងវីដេអូដែលមិនបានផលិតដោយ អ.វ.ត.ក. អាចជាកម្មវត្ថុនៃការរឹតបន្តឹង​ការរក្សា​សិទ្ធិ ហើយមិនគួរប្រើដោយគ្មានការយល់ព្រមពីម្ចាស់កម្មសិទ្ធិដើមឡើយ។

ក្នុងករណីមានចម្ងល់ សូមទាក់ទងមកយើងខ្ញុំតាមរយៈ resource.centre@eccc.gov.kh ។

ឯកសារដែលត្រូវបានដកចំណាត់ប្រភេទសម្ងាត់ដោយចៅក្រមនៃអង្គជំនុំជម្រះវិសាមញ្ញ គឺអាចចូលប្រើប្រាស់​បាន​តាមរយៈ បណ្ណសារ ។ ឯកសារមួយចំនួននៅតែត្រូវបានចាត់ថ្នាក់ជាឯកសារ “សម្ងាត់” ហើយបច្ចុប្បន្ន​មិនអាចចូល​ប្រើប្រាស់តាមអ៊ីនធឺណិតបានទេ។

សូមអានបន្ថែមអំពីការដាក់ចំណាត់ថ្នាក់សំណុំរឿង នៅទីនេះ។

សូមមើលការបង្រៀនក្នុងវីដេអូ នេះ សម្រាប់ការណែនាំជាជំហានៗ ក្នុងការស្វែងរកឯកសារនៅក្នុងបណ្ណសារ។

ពិតជាបាន។ អ្នក​ប្រើ​ប្រាស់មាន​ជម្រើស​ក្នុង​ការ​រក្សា​ទុកលទ្ធផលប្រើប្រាស់ចុងក្រោយ​របស់​ខ្លួនបាន ដែល​ពួក​គេ​អាចត្រឡប់​ទៅ​រក​លទ្ធផល​ស្វែងរក​របស់​ខ្លួន​វិញបាន។ សូមកត់សម្គាល់ថាលទ្ធផលប្រើប្រាស់ចុងក្រោយនេះមាន​សុពលភាព​ត្រឹម​តែមួយខែប៉ុណ្ណោះ។

ឯកសារដែលមាននៅក្នុងបណ្ណសារត្រូវបានចាត់ថ្នាក់ជា “សាធារណៈ” ហើយដូច្នេះអាចត្រូវបានប្រើសម្រាប់​ជា​ឯកសារ​យោង សម្រាប់គោលបំណងព័ត៌មាន ជាការអប់រំ និង គោលបំណងមិនធ្វើ​ពាណិជ្ជកម្ម​ផ្សេងទៀត​ ដោយមានការបញ្ជាក់ប្រភពសមស្រប (ឧទាហរណ៍៖ ប្រភព៖ បណ្ណសារ អ.វ.ត.ក./ឯកសារលេខ XXX )។

យើងស្វាគមន៍សាធារណជនក្នុងការមើលកម្រងឯកសារសំណុំរឿងដើម​នៅនឹងកន្លែង ​ដោយការមកកាន់បណ្ណាល័យ​ដោយផ្ទាល់។ ដើម្បីរៀបចំការមកមើលរបស់អ្នក សូមទាក់ទងបណ្ណសារនុរក្ស​របស់យើង​ជាមុន តាមរយៈ archive@eccc.gov.kh ។

សូមចំណាំថាមានតែឯកសារ “សាធារណៈ” ប៉ុណ្ណោះ ដែលអាចមើលបាន។ ស្វែងយល់បន្ថែម​អំពីការដាក់ចំណាត់​ថ្នាក់​សំណុំរឿង នៅទីនេះ។ រាល់ឯកសារដែលបានដកចំណាត់ថ្នាក់សម្ងាត់ត្រូវបានធ្វើឲ្យទៅជាឌីជីថល និងអាចរក​បាន​តាមអ៊ីនធឺណិតនៅក្នុងផ្នែក បណ្ណសារ។