គក ស្រស់
រហ្សនាម: KW-11
សំណុំរឿង: សំណុំរឿង ០០១
ប្រភេទ: សាក្សី
សាវតារ និង តួនាទី
លោក គក ស្រស់ បានចូលបដិវត្តន៍ខ្មែរក្រហមក្នុងឆ្នាំ១៩៧៣
1
។ គាត់ធ្វើការនៅក្នុងអនុសេនាតូចលេខ ១៣៨ នៃកងពលលេខ ១២ របស់កងកម្លាំងខ្មែរក្រហម ក្នុងពេលប្រយុទ្ធប្រឆាំងនឹងរបប លន់ នល់
2
។ បន្ទាប់ពីខ្មែរក្រហមឡើងកាន់អំណាច លោកបានធ្វើការជាអ្នកយាមគុក ដំបូងឡើយនៅគុកតាខ្មៅ និងក្រោយមកនៅមន្ទីរសន្តិសុខ ស-២១
3
។ មុនពេលចូលបម្រើការនៅគុកតាខ្មៅ គាត់បានធ្វើការមួយយប់មួយថ្ងៃជាអ្នកយាមនៅ “គុកធំ” ដែលស្ថិតនៅខាងត្បូងផ្សារថ្មី
4
។ គេចាត់គាត់ឲ្យទៅធ្វើស្រែពីរដងក្នុងពេលគាត់នៅ ស-២១
5
។ លោក គក ស្រស់ បានផ្តល់សក្ខីកម្មជាចម្បងអំពីលក្ខខណ្ឌនៅ ស-២១។
ការពិបាកចងចាំព្រឹត្តិការណ៍នៅ ស-២១
លោក គក ស្រស់ អះអាងថា លោកមិនអាចចាំព្រឹត្តិការណ៍ទាំងអស់ ដែលលោកបានផ្តល់សក្ខីកម្មបានច្បាស់លាស់ទេ ព្រោះពេលវេលាកន្លងទៅយូរណាស់ហើយ
6
។ ទោះបីជាបានរំលឹកឡើងវិញអំពីចម្លើយពីមុនរបស់គាត់ក៏ដោយ ក៏គាត់នៅតែមិនចាំព័ត៌មានលម្អិត ដែលគាត់ផ្តល់ពីមុនអំពីអាយុរបស់មិត្តអ្នកយាមរបស់គាត់
7
អំពីការប្រព្រឹត្តលើអ្នកទោសសំខាន់ៗ
8
អំពីការឮអ្នកទោសស្រែកពេលពួកគេមិនធ្វើតាមអ្នកយាម
9
អំពីអ្នកទោសត្រូវគេសម្លាប់ពេលយប់
10
អំពីពេលមួយអ្នកទោសដែលគេចងបិទភ្នែកត្រូវវាយសម្លាប់នឹងដំបង
11
អំពីការចាប់ខ្លួនអ្នកសួរចម្លើយដែលមិនចង់ប្រើការធ្វើទារុណកម្មទៅលើអ្នកទោស
12
អំពីកូនៗរបស់បុគ្គលសំខាន់ៗដែលត្រូវគេឃុំនៅ ស-២១
13
អំពីពេលខ្លះដែលមន្ត្រីយោធាជាន់ខ្ពស់ត្រូវចាប់ខ្លួន ហើយអង្គភាពរបស់ពួកគេទាំងមូលត្រូវឃុំខ្លួនជាមួយពួកគេ
14
ឬកងកម្លាំងវៀតណាមយកទៅណា នៅពេលគាត់ចាកចេញពី ស-២១
15
។ ទោះជាយ៉ាងណា ក្នុងឱកាសជាច្រើនទៀត លោក គក ស្រស់ ពិតជាចងចាំបាន បន្ទាប់ពីត្រូវបានតទល់នឹងចម្លើយពីមុនរបស់គាត់។ ជនជាប់ចោទបានជំទាស់ទៅនឹងចំណុចជាច្រើននៅក្នុងសក្ខីកម្មរបស់លោក គក ស្រស់ និងបានចោទថាលោក គក ស្រស់ មិនបានធ្វើការនៅ ស-២១ ទេ
16
។ សក្ខីកម្មរបស់លោក គក ស្រស់ មិនត្រូវបានយោងនៅក្នុងសាលក្រម ឬសាលដីកានៃសំណុំរឿង ០០១ ឡើយ។
គុកតាខ្មៅ
នៅពេលលោក គក ស្រស់ ធ្វើជាអ្នកយាមនៅគុកតាខ្មៅ មានអ្នកយាមសរុបប្រហែល ១០០ នាក់។ ពួកគេត្រូវបានជ្រើសរើសមកពីទាហាន មានពាក់ឯកសណ្ឋាន និងប្រដាប់ដោយអាវុធ
17
។ មានមេបញ្ជាការម្នាក់ឈ្មោះ បង ហ៊
18
។
មានអ្នកជាប់ឃុំប្រហែល ២០០ នាក់ នៅគុកតាខ្មៅនាពេលនោះ អ្នកទាំងនោះជាទាហាន ឬកម្មាភិបាលបដិវត្តន៍
19
។ លោក គក ស្រស់ អះអាងថា មិនដឹងថាតើអ្នកជាប់ឃុំត្រូវបញ្ជូនចេញពីគុកតាខ្មៅ ឬយ៉ាងណាទេ នៅពេលគាត់ធ្វើជាអ្នកយាមនៅទីនោះ ឬថាតើមានអ្នកជាប់ឃុំណាបន្តនៅទីនោះទេ នៅពេលដែលគាត់ផ្លាស់មកធ្វើការនៅ ស-២១
20
។ គេប្រាប់គាត់ថា អ្នកទោសនៅតាខ្មៅ ត្រូវបញ្ជូនទៅសួរចម្លើយនៅគុកមជ្ឈិម
21
។
មន្ទីរ ស-២១
នៅពេលដែលលោក គក ស្រស់ ផ្លាស់ទៅមន្ទីរ ស-២១ ឌុច និង ហ៊ (ប្រធានគុកតាខ្មៅ) គឺជាប្រធា ស-២១
22
។ ឌុច រស់នៅខាងមុខច្រកទ្វាចូល ភាគខាងត្បូងឈាងខាងកើត និងរក្សាទុកឯកសារ រួមមានឯកសារពាក់ព័ន្ធនឹងចម្លើយសារភាព និងការសម្លាប់
23
។
លោក គក ស្រស់ ត្រូវចាត់ឲ្យធ្វើជាអ្នកយាមនៅ ស-២១
24
។ ប្រធានអង្គភាពការពារគឺ ប៉េង
25
។ ប៉េង គ្រប់គ្រងប្រធានក្រុម (មេផ្ទាល់របស់ គក ស្រស់)
26
។ តួនាទីរបស់ ប៉េង ត្រូវត្រួតពិនិត្យអ្នកទោសចូល និងការយកអ្នកទោសទៅសួរចម្លើយ
27
។ អ្នកយាមខ្លះមានអាយុ ១៥ ឆ្នាំ
28
។
ប៉េង ណែនាំអ្នកយាមនៅពេលប្រជុំថា មិនត្រូវឲ្យអ្នកណាម្នាក់រត់គេចឡើយ បើមិនដូច្នេះទេពួកគេនឹងត្រូវទណ្ឌកម្ម
29
។ មានអ្នកយាមពីរនាក់ត្រូវបានចាប់ខ្លួន ដោយសារដេកលក់ក្នុងវេនយាម តែលោក គក ស្រស់ មិនបានដឹងថាមានអ្វីកើតឡើងចំពោះពួកគេទេ
30
។ ទោះជាយ៉ាងណា លោក គក ស្រស់ ទទួលស្គាល់ថា មានអ្នកយាមមួយចំនួនបានបាត់ខ្លួន
31
។
អ្នកជាប់ឃុំនៅ ស-២១ “ភាគច្រើនជាយុទ្ធជន និងមានកម្មាភិបាលពីរបីនាក់ និងប្រជាជនធម្មតា”
32
។ លោក គក ស្រស់ បានកត់សម្គាល់ថា អ្នកជាប់ឃុំរួមមាន ឥណ្ឌា ថៃ និងជាពិសេស វៀតណាម
33
។ អ្នកជាប់ឃុំជាជនជាតិវៀតណាម គឺជាជនស៊ីវិល មិនមែនទាហានទេ
34
។ អ្នកជាប់ឃុំនៅផ្នែករបស់គាត់សុទ្ធតែបុរស
35
។ គាត់មិនដឹងពីមូលហេតុនៃការឃុំខ្លួនមនុស្សនៅ ស-២១ ទេ
36
។
អ្នកទោសនៅ ស-២១ ត្រូវឃុំនៅក្នុងបន្ទប់តូចដាច់ដោយឡែកពីគ្នា ដោយជាប់ខ្នោះជើងទៅនឹងរបាដែកវែងភ្ជាប់ទៅនឹងទម្ពក់លើកម្រាល
37
។ អ្នកជាប់ឃុំត្រូវដាក់ខ្នោះជើងទាំងយប់ទាំងថ្ងៃ ដោយមានធុង ឬប្រអប់សម្រាប់បន្ទោបង់ ហើយងូតទឹកទុយោបាញ់ពីខាងក្រៅបន្ទប់ឃុំ
38
។ ពួកគេទទួលបានអាហារមិនគ្រប់គ្រាន់ បានតែបបរមួយកូនពែងតូច និងសម្លរាវៗប៉ុណ្ណោះ
39
។ លោក គក ស្រស់ ក៏បានឃើញអ្នកទោសខ្លះមានរបួសនៅលើខ្នង និងបានកត់សម្គាល់ថា ពួកគេទទួលរងការវាយដំ
40
។ អ្នកជាប់ឃុំ បានសុំឲ្យគាត់ជួយ តែគាត់ប្រាប់ពួកគេថា គាត់មិនអាចជួយពួកគេបានទេ ហើយវាមិនមែនជាការងាររបស់គាត់ទេ
41
។ ទោះជាយ៉ាងណា មានពេទ្យម្នាក់ព្យាបាលរបួសអ្នកជាប់ឃុំនៅខាងក្នុងបន្ទប់ឃុំឃាំងរបស់ពួកគេ
42
។
គេយកអ្នកជាប់ឃុំទៅសួរចម្លើយ នៅខាងកើតបរិវេណ
43
។ ដៃរបស់គេជាប់ចំណង ហើយគេចងក្រណាត់បិទភ្នែក
44
។ លោក គក ស្រស់ ចាំបានថា ឌុច ចូលមកក្នុងបន្ទប់សួរចម្លើយម្តង ក្នុងពេលសួរចម្លើយអ្នកទោស ហើយក្រៅពីនេះគេឃើញគាត់នៅខាងក្រៅអាគារសួរចម្លើយ
45
។
លោក គក ស្រស់ ឃើញអ្នកជាប់ឃុំ “ប្រឡាក់ឈាម” និងបានឮអ្នកជាប់ឃុំស្រែកពេលសួរចម្លើយ
46
។ គាត់អះអាងថា អ្នកទោសសំខាន់ៗមួយចំនួន ត្រូវសម្លាប់នៅខាងក្រៅរបង ស-២១
47
ហើយគាត់ធំក្លិនស្អុយដូចសត្វងាប់ ឬ សាកសពមនុស្ស
48
។ ទោះបីជាដំបូងឡើយ លោក គក ស្រស់ និយាយថា គាត់មិនដែលឮរឿងអ្នកជាប់ឃុំធ្វើអត្តឃាតក៏ដោយ
49
បន្ទាប់ពីបង្ហាញចម្លើយពីមុនរបស់គាត់ គាត់បញ្ជាក់ថា គេប្រាប់គាត់ថាមានអ្នកជាប់ឃុំម្នាក់ធ្វើអត្តឃាត
50
។
លោក គក ស្រស់ អះអាងថា ឌុច “មានអំណាចរាប់ទាំងការបញ្ជាឲ្យសម្លាប់មនុស្ស” និងថា “គ្មានពីណាក្រៅពីគាត់” អាចបញ្ជាឲ្យសម្លាប់អ្នកជាប់ឃុំដែលនៅសល់នៅ ស-២១ ទេ
51
។ លោក គក ស្រស់ បញ្ជាក់ថា “មិនមានអ្នកជាប់ឃុំណាម្នាក់ត្រូវបានដោះលែងឲ្យរស់រានមានជីវិតនោះទេ”
52
។
លោក គក ស្រស់ ត្រូវបានសួរតទល់នឹងចម្លើយ ដែលគាត់ផ្តល់ឲ្យលោក ដេវីឌ ឆេនដ៍ល័រ ថាគាត់បានយកឯកសារចេញពី ស-២១ ឬបានបោះឯកសារ ស-២១ ចោល ប៉ុន្តែគាត់បដិសេធថារឿងនេះមិនពិតទេ
53
។
វីដេអូ
