នួន ត្រិច ឬទ្រិច
រហ្សនាម: 2-TCW-1060
សំណុំរឿង: សំណុំរឿង ០០២/០២
ប្រភេទ: សាក្សី
កងពលធំ ៣១០
ឈ្មោះ អឿន គឺជាមេបញ្ជាការកងពលធំ ៣១០ ចំណែកឯ វឿន គឺជាអនុរបស់ អឿន
3
។ លោក នួន ត្រិច កត់សម្គាល់ថា ប្រហែលជាពីរសប្តាហ៍ក្រោយគេចាប់ខ្លួនអឿន មានអង្គប្រជុំរយៈពេលបីថ្ងៃធ្វើឡើងនៅសាលារៀននៅខាងជើងវត្តភ្នំ ដឹកនាំដោយឈ្មោះ ញ៉ មេបញ្ជាការថ្មីនៃកងពលធំ ៣១០
4
។ លោក នួន ត្រិច ស្តាប់ខ្សែអាត់សំឡេងគេចាក់នៅក្នុងអង្គប្រជុំ ដែល អឿន សារភាពអំពីផែនការវាយប្រហារទីក្រុងភ្នំពេញ
5
។ ញ៉ ក៏ប្រកាសថា អឿន គឺជាជនក្បត់មកពីភូមិភាគកណ្តាល
6
។
អង្គជំនុំជម្រះសាលាដំបូងពឹងផ្អែកលើសក្ខីកម្មរបស់លោក នួន ត្រិច ដើម្បីធ្វើសេចក្តីសម្រេចថា៖ (១) ស្បូវ ហ៊ីម (ហៅ អឿន) គឺជាលេខាកងពលធំ ៣១០ ចំណែកឯ យឹម ឈឿន (ហៅ វឿន ឬ វឿង) គឺជាអនុរបស់ អឿន (២) អឿន មានផែនការផ្តួលរលំរបបកម្ពុជាប្រជាធិបតេយ្យ និង (៣) យឹម ញ៉ ជំនួស អឿន ជាលេខាកងពលធំ ៣១០ បន្ទាប់ពីគេបោសសម្អាត អឿន។
ការផ្លាស់ទៅកសាងខ្លួន
នៅពេលមួយបន្ទាប់ពីលោក នួន ត្រិច ចូលរួមអង្គប្រជុំដឹកនាំដោយ ញ៉ គេក៏ចាប់ខ្លួនគាត់បញ្ជូនទៅគុកនៅភ្នំពេញ រយៈពេលពីរបីថ្ងៃ។ គាត់អះអាងថា គុកនោះ គឺ ស-២១
10
។ គាត់មិនអាចរៀបរាប់អំពីស្ថានភាពខាងក្នុងគុកនោះទេ ពីព្រោះថា គាត់ជាប់ខ្នោះជាប់សោក្នុងបន្ទប់ដែលមានបង្អួចដែក
11
។ គេមិនបានថតរូបគាត់នៅក្នុងបរិវេណ ស-២១ ប៉ុន្តែថតរូបគាត់នៅមន្ទីរគុក
12
។ នៅពេលដែលផ្តល់សក្ខីកម្ម គាត់បង្ហាញថា ឈ្មោះ យៀត, ក្រាន និង ម៉ក់ យីហឿង (ហៅ នឹម) ស្ថិតនៅក្នុងកងវរសេនាតូច៣១៤ នៃកងពលធំ ៣១០ តាមរយៈបញ្ជីឈ្មោះអ្នកទោស ស-២១
13
។
ក្រោយមកទៀត លោក នួន ត្រិច ផ្លាស់ទៅកំពង់ឆ្នាំង ដើម្បីទទួលការអប់រំ [ឬហៅថា កសាងខ្លួន] នៅឆ្នាំ១៩៧៨
14
បន្ទាប់ពីគាត់ជាប់ចោទថាជាជនក្បត់ ហើយមានទំនាក់ទំនងជាមួយខ្សែខ្មាំង។ គាត់នៅជិត ព្រលានយន្តហោះកំពង់ឆ្នាំង
15
។ គេប្រាប់គាត់ថា កម្មករដែលគេ “កសាងខ្លួនបានហើយ” លែងត្រូវចាត់ទុកថាអ្នកទោសទៀតហើយ ហេតុនេះ គេនឹងឱ្យអាវុធ ហើយបញ្ជូនទៅវាយវៀតណាម
16
។ នៅពេលដែលគាត់ផ្លាស់ទៅព្រលានយន្តហោះកំពង់ឆ្នាំង គាត់មិនមានសិទ្ធិធ្វើជាគ្រូពេទ្យទេ ពីព្រោះថា គាត់ត្រូវគេចាត់ទុកថាជាអ្នកទោសមានភារកិច្ចវាយថ្ម និងជីកដី
17
។ មានអង្គប្រជុំមួយរៀបចំឡើងដោយប្រធានរបស់គាត់ ដោយព្រមានអំពីការដាក់ទណ្ឌកម្មបន្ថែមទៀត ប្រសិនបើមិនអាចលត់ដំខ្លួនបានទេ
18
។
អង្គជំនុំជម្រះសាលាដំបូងពឹងផ្អែកលើសក្ខីកម្មរបស់លោក នួន ត្រិច ដើម្បីធ្វើសេចក្តីសម្រេចថា៖ (១) គេយកទាហានទៅធ្វើការនៅការដ្ឋានព្រលានយន្តហោះកំពង់ឆ្នាំង ដើម្បីលត់ដំខ្លួន ពីព្រោះថា ពួកគេត្រូវចាត់ទុកថាមានទំនាក់ទំនងជាមួយខ្មាំង
19
(២) កម្មករដែលត្រូវចាត់ទុកថាបានកសាងរួចហើយ ត្រូវបញ្ជូនទៅធ្វើការងារផ្សេងទៀត ដូចជា ទៅប្រយុទ្ធជាមួយវៀតណាម
20
(៣) មិនមានការទម្លាក់ឋានៈជាផ្លូវការទេ ប៉ុន្តែ កងទ័ពដែលគេបញ្ជូនទៅការដ្ឋានព្រលានយន្តហោះកំពង់ឆ្នាំង ត្រូវចាត់ទុកថាជាកម្មករធម្មតា
21
និង (៤) កងទ័ពត្រូវបញ្ជូនទៅការដ្ឋានព្រលានយន្តហោះកំពង់ឆ្នាំង ដើម្បីទទួលការដាក់ទណ្ឌកម្ម
22
។ ប៉ុន្តែ អង្គជំនុំជម្រះសាលាដំបូង យល់ឃើញថា នួន ត្រិច មិនដែលធ្លាប់ជាប់ឃុំនៅ ស-២១ ទេ ពីព្រោះថា ភ័ស្តុតាងរបស់គាត់ មិនស៊ីចង្វាក់គ្នាជាមួយនឹងស្ថានភាព នៅ ស-២១ ទេ
23
។
ការងារនៅការដ្ឋានព្រលានយន្តហោះកំពង់ឆ្នាំង
លោក នួន ត្រិច ធ្វើការនៅការដ្ឋានព្រលានយន្តហោះកំពង់ឆ្នាំង នៅក្រោមប្រធានមកពីកងពល ៥០២ នៅភូមិភាគនិរតី
24
។ គាត់មានភារកិច្ចដុតបំផ្ទុះគ្រាប់នៅក្នុងភ្នំ ហើយដឹកជញ្ជូនថ្មទៅព្រលានយន្តហោះ ដែលមានចម្ងាយមិនដល់មួយគីឡូម៉ែត្រទេ
25
។ គាត់ឃើញដោយផ្ទាល់គេយកកម្មកររបួសមកពីកងវាយថ្មទៅមន្ទីរពេទ្យ
26
។ គាត់ក៏ពន្យល់ថា គេជីកផ្លូវរូងភ្នំជម្រៅប្រហែល ១០ ម៉ែត្រ ដើម្បីឱ្យយន្តហោះចម្បាំងចុះចត ក្នុងគោលបំណងដើម្បីវាយខ្មាំង
27
។ លោក នួន ត្រិច ត្រូវភ្ញាក់នៅម៉ោង ៣ យប់ ហើយចូលរួមប្រជុំ និងធ្វើការចាប់ពីម៉ោងប្រហែល៤ ព្រឹក រហូតដល់ម៉ោង ១១ ថ្ងៃត្រង់ សម្រាកមួយម៉ោង រួចចូលធ្វើការវិញចាប់ពីម៉ោង ១២ ថ្ងៃត្រង់ ដល់ម៉ោង ៥ ល្ងាច ហើយចូលធ្វើការម្តងទៀតចាប់ពីម៉ោង ៦ ល្ងាច ដល់ម៉ោង ៨ យប់ ទៅ១០ យប់
28
។ គេមិនអនុញ្ញាតឱ្យកម្មករនិយាយរកគ្នាទេនៅពេលដែលកំពុងធ្វើការ
29
។
អង្គជំនុំជម្រះសាលាដំបូងពឹងផ្អែកលើសក្ខីកម្មរបស់ លោក នួន ត្រិច ដើម្បីធ្វើសេចក្តីសម្រេចថា៖ (១) កម្មករនៅការដ្ឋានព្រលានយន្តហោះ មានកងទ័ពមកពីកងពលធំ ៣១០
30
(២) ថ្នាក់លើមកពីភូមិភាគនិរតីនៅការដ្ឋាននេះ គឺជាកម្មាភិបាលមកពីកងពលធំ ៥០២
31
(៣) មានកន្លែងវាយថ្មធំមួយកន្លែងដើម្បីយកថ្ម កសាងព្រលានយន្តហោះ
32
ហើយកម្មករនៅកងវាយថ្ម ជួនកាលរងរបួសដោយសារគ្រឿងផ្ទុះ និងមិនមានវិធានការការពារសុវត្ថិភាពគ្រប់គ្រាន់ទេ
33
(៤) មានផ្លូវរូងភ្នំមួយនៅជិតព្រលានដើម្បីលាក់យន្តហោះ
34
(៥) ព្រលានយន្តហោះកំពង់ឆ្នាំងត្រូវកសាងឡើងជាផ្នែកសំខាន់មួយនៃយុទ្ធសាស្ត្រយោធារបស់កម្ពុជាប្រជាធិបតេយ្យ
35
(៦) កម្មករខ្លះទទួលការងារដែលគេបែងចែកនៅក្នុងអង្គប្រជុំពេលព្រឹកមុនពេលចាប់ផ្តើមការងារ ហើយកងខ្លះមានការអនុញ្ញាតឱ្យសម្រាករយៈពេលខ្លី
36
និង (៧) គេមិនអនុញ្ញាតឱ្យកម្មករនិយាយរកគ្នាដោយសេរីទេ
37
។
ស្ថានភាពរស់នៅទូទៅ និងការបាត់ខ្លួន
កម្មករដេកលើកម្រាលផ្ទាល់ដីនៅក្នុងកងរបស់ខ្លួន
38
ហើយទទួលបានអាហារពីរពេលក្នុងមួយថ្ងៃ
39
គឺបាយមួយចាន លាយចេក
40
។ បរិមាណបាយតិចជាងចេក
41
។ កម្មករនៅការដ្ឋានព្រលានយន្តហោះមិនមានសុខភាពល្អទេ ហើយ លោក នួន ត្រិច ពន្យល់ថា ដោយសារការដ្ឋានព្រលានយន្តហោះគឺជាកន្លែងលត់ដំ គ្រប់គ្នាសុទ្ធតែស្គមខ្លាំង
42
។
មន្ទីរពេទ្យកំពង់ឆ្នាំង គឺជាមន្ទីរពេទ្យយោធា គ្រប់គ្រងដោយកងពល ៥០២ ហើយមានគោលដៅព្យាបាលតែកម្មករមកពីការដ្ឋានព្រលានយន្តហោះទេ
43
។ ប៉ុន្តែ ប្រសិនបើកម្មករក្តៅខ្លួន ហើយនៅតែអាចធ្វើការបាន គេឱ្យទៅធ្វើការ
44
។ លោក នួន ត្រិច ចាំផងដែរថា មានការដកមនុស្សចេញនៅពេលថ្ងៃ ក្រោយមក គេប្រាប់កម្មករថា អ្នកទាំងនោះត្រូវចាត់តាំងទៅកន្លែងផ្សេង
45
។
អង្គជំនុំជម្រះសាលាដំបូងពឹងផ្អែកលើសក្ខីកម្មរបស់លោក នួន ត្រិច ដើម្បីធ្វើសេចក្តីសម្រេចថា៖ (១) គេឱ្យកម្មករដេកលើកម្រាលផ្ទាល់ដីនៅក្នុងកងរបស់ខ្លួន
46
(២) កម្មករមានអាហារពីរពេលក្នុងមួយថ្ងៃ
47
(៣) កម្មករស្គមខ្លាំង
48
(៤) អ្នកជំងឺធ្ងន់ត្រូវបញ្ជូនទៅមន្ទីរពេទ្យកំពង់ឆ្នាំង ប៉ុន្តែ កម្មករឈឺដែលអាចដើរបាន ត្រូវទៅធ្វើការ
49
និង (៥) កម្មករជាច្រើននាក់ បានបាត់ខ្លួន ហើយ កម្មកររួមការងារ មិនដែលឃើញអ្នកទាំងនោះ បានមកវិញទេ
50
។
វីដេអូ
| កាលបរិច្ឆេទ | កំណត់ហេតុជាលាយលក្ខណ៍អក្សរនៃកិច្ចដំណើរការនីតិវិធីជំនុំជម្រះ | លេខប្រតិចារិក |
|---|---|---|
| ថ្ងៃទី០៥ ខែធ្នូ ឆ្នាំ២០១៦ | E1/506 | E1/506.1 |
| ថ្ងៃទី០៦ ខែធ្នូ ឆ្នាំ២០១៦ | E1/507 | E1/507.1 |
| ថ្ងៃទី០៧ ខែធ្នូ ឆ្នាំ២០១៦ | E1/508 | E1/508.1 |
| ចំណងជើងឯកសារជាភាសាខ្មែរ | ចំណងជើងឯកសារជាភាសាអង់គ្លេស | ចំណងជើងឯកសារជាភាសាបារាំង | លេខឯកសារ D | លេខឯកសារ E3 |
|---|---|---|---|---|
| បទសម្ភាសន៍របស់មជ្ឈមណ្ឌល ឯកសារកម្ពុជាជាមួយ ទេស អុល ហៅ ភ័ក្ត ឬ ទេស ទ្រិច | DC-Cam Interview with Tes Ol aka Pheak or Tes Trich | Entretien au DC-Cam avec Tes Ol allias Pheak ou Tes Trich | D19.198 | E3/7537 |
| កំណត់ហេតុនៃការស្តាប់ចម្លើយសាក្សី ទេស ត្រិច | Written Record of Interview of TES Trech | Procès-verbal de l’audition de TES Trech | D231/24 | E3/7877 |
| ប្រតិចារឹកនៃកិច្ចសម្ភាសន៍របស់ ទេស ត្រិច | Transcript of Interview of TES Trech | Transcription de l’audition de TES Trech | D231/24R | E3/7877.1 |