សួស ធី
រហ្សនាម: KW-07
សំណុំរឿង: សំណុំរឿង ០០១
ប្រភេទ: សាក្សី
សាវតារ និងតួនាទី
លោក សួស ធី ជាកសិករ
1
ហើយបានចូលរួមធ្វើជាឈ្លបខ្មែរក្រហមក្នុងឆ្នាំ១៩៧១
2
។ បន្ទាប់ពីរងរបួសក្នុងឆ្នាំ១៩៧៣ គេបានចាត់តាំងគាត់ឲ្យធ្វើជាគ្រូពេទ្យ
3
និងបានចាប់ផ្តើមធ្វើការនៅគុក ប៉េ.ហ្ស៊ី (គុកមជ្ឈិម) នៅចុងឆ្នាំ១៩៧៥ តាមការស្នើសុំរស់ ហ៊ ដែលជាប្រធានវរៈសេនាធំក្នុងកងពលលេខ ៧០៣
4
។ នៅចុងឆ្នាំ១៩៧៥ ឬដើមឆ្នាំ១៩៧៦ គុក ប៉េ.ហ្ស៊ី បានផ្លាស់ទីតាំងមកទួលស្លែង
5
ហើយលោក សួស ធី ក៏ផ្លាស់មកដែរ
6
។
ឌុច ទទួលស្គាល់តួនាទីរបស់លោក សួស ធី នៅ ទួលស្លែង
7
ដោយបានរៀបរាប់ថាសក្ខីកម្មរបស់គាត់ពិតត្រឹមត្រូវ
8
។ អង្គជំនុំជម្រះសាលាដំបូងបានផ្អែកលើសក្ខីកម្មរបស់លោក សួស ធី ក្នុងការសន្និដ្ឋានអំពីរចនាសម្ព័ន្ធ ស-២១ និងប្រតិបត្តការរបស់វា អ្នកជាប់ឃុំឃាំងនៅទីនោះ និងការប្រព្រឹត្តលើអ្នកជាប់ឃុំ និងការសម្លាប់ពួកគេ។
គុក ប៉េ.ហ្ស៊ី
គុក ប៉េ.ហ្ស៊ី ជាគុករបស់កងពល ៧០៣
9
។ ដំបូងឡើយ ណាត គឺជាប្រធាន ហើយ ហ៊ុយ ជាអនុប្រធានរបស់គាត់
10
។ បន្ទាប់មក ឌុច បានឡើងជំនួស ណាត
11
។
លោក សួស ធី ទទួលខុសត្រូវរៀបចំបញ្ជីអ្នកជាប់ឃុំ ដែលយកមកដាក់នៅគុក ប៉េ.ហ្ស៊ី
12
។ គាត់កត់ត្រាឈ្មោះអ្នកជាប់ឃុំ ឈ្មោះឪពុកម្តាយពួកគេ និងទីកន្លែងដែលពួកគេចាប់មក
13
។ គាត់បានប៉ាន់ស្មានថា មានអ្នកជាប់ឃុំមិនដល់១០០ នាក់ទេ ភាគច្រើនជាកម្មកររោងចក្រ និង “ប្រជាជន ១៧ មេសា”
14
។ គាត់និយាយថា គាត់មិនបានដឹងពីមូលហេតុគេឃុំខ្លួនអ្នកជាប់ឃុំនៅគុក ប៉េ.ហ្ស៊ី ទេ
15
។ នៅពេលគុក ប៉េ.ហ្ស៊ី បិទ អ្នកជាប់ឃុំទាំងអស់ត្រូវបញ្ជូទៅ ស-២១
16
។
រចនាសម្ព័ន្ធនៃការបញ្ជានៅ ស-២១
ឌុច គឺជាប្រធាន ស-២១ គ្រប់យ៉ាងត្រូវធ្វើតាមរយៈគាត់
17
។ ឌុច នឹងផ្តល់ការណែនាំទៅកាន់អនុប្រធានរបស់គាត់ឈ្មោះ ហ៊ ដែលបញ្ជូនបន្តទៅលោក សួស ធី
18
។
នៅពេលដែលគុក ប៉េ.ហ្ស៊ី ផ្លាស់ទៅ ស-២១ លោក សួស ធី ក៏ផ្លាស់ទៅដែរ។ ពីដំបូង គេចាត់តាំងគាត់ឲ្យកាន់បញ្ជី សរសេរ និងកត់ត្រាប្រវត្តិរូបអ្នកជាប់ឃុំ និងរាយការណ៍ប្រចាំថ្ងៃអំពីចំនួនអ្នកទោសចូល និងចេញ
19
។ នៅក្នុងតុលាការ លោក សួស ធី បានបញ្ជាក់ថា គាត់បានរៀបចំបញ្ជីឈ្មោះ និងប្រវត្តិរូបអ្នកជាប់ឃុំ
20
។ លោក សួស ធី កត់ត្រាស្ថានភាពរបស់អ្នកជាប់ឃុំ ដូចជា ថាតើពួកគេឈឺ រត់គេច ឬស្លាប់ និងធ្វើរបាយការណ៍ប្រចាំថ្ងៃ
21
។ រាល់ថ្ងៃនៅម៉ោង ៧ព្រឹក លោក សួស ធី បានផ្តល់បញ្ជីឈ្មោះអ្នកទោសចូល។ បន្ទាប់ពី ហ៊ បានចុះហត្ថលេខាលើបញ្ជីរួចហើយ លោក សួស ធី យកបញ្ជីនោះទៅឲ្យ ម៉េង ប្រធានអង្គភាពសួរចម្លើយ
22
។ ប៉េង ទទួលបន្ទុកបញ្ជីអ្នកជាប់ឃុំនៅ ស-២១
23
។
លោក សួស ធី បានពន្យល់ថា ស-២១ មានអង្គភាពបីសំខាន់ៗ៖ ស-២១ ក ដែលរួមមានអង្គភាពសួរចម្លើយ និងសេដ្ឋកិច្ច ថតរូប និងផ្នែកវាយអត្ថបទ
24
។ ស-២១ ខ ដែលរួមមានអង្គភាពអ្នកយាម (រួមទាំងអង្គភាពពិសេស) និងកម្មាភិបាលចុងភៅ
25
និង ស-២១ ឃ គឺអង្គភាពស្រែ ឬអង្គភាពកសាង ក្រោយមកគេហៅថា ស-២៤
26
។ លោក សួស ធី បានធ្វើការនៅ ស-២១ ខ
27
។ អង្គភាពពេទ្យដើមឡើយស្ថិតក្រោម ស-២១ ក ប៉ុន្តែបន្ទាប់ពីពេទ្យមុនត្រូវបានចាប់ខ្លួន ពេទ្យថ្មីត្រូវដាក់ឲ្យស្ថិតនៅក្រោម ស-២១ ខ
28
។ លោក សួស ធី បានសន្និដ្ឋានថា សេនាធិការគ្រប់គ្រងលើ ស-២១
29
។
បុគ្គលិកនៅ ស-២១ មានការភ័យខ្លាចថ្នាក់លើរបស់ពួកគេចាប់ខ្លួន និងសម្លាប់ខ្លាំងណាស់
30
។ សូម្បីតែ ហ៊ ក៏ខ្លាច ឌុច ដែរ
31
។ លោក សួស ធី បានអះអាងថា គាត់មិនចូលចិត្តការងាររបស់គាត់ទេ តែគិតថាគាត់ត្រូវតែបន្តធ្វើ បើមិនដូច្នេះទេ គាត់នឹងត្រូវចាប់ខ្លួន ដូចបុគ្គលិកផ្សេងទៀត
32
។ នៅក្នុងតុលាការ គាត់បានបង្ហាញការសោកស្តាយចំពោះអ្នកជាប់ឃុំដែលត្រូវបានសម្លាប់
33
។
អ្នកជាប់ឃុំ
អ្នកជាប់ឃុំត្រូវគេនាំទៅ ស-២១ មកពីគ្រប់ទីកន្លែងក្នុងប្រទេសកម្ពុជា
34
។ អង្គភាពពិសេសនាំយកអ្នកជាប់ឃុំដែលជាប់ខ្នោះដៃ និងចងបិទមុខមក ហើយលោក សួស ធី នឹងកត់ត្រាប្រវត្តិរូបសង្ខេប ដែលរួមមានឈ្មោះអ្នកជាប់ឃុំ តួនាទី និងទីកន្លែងដែលគេចាប់មក
35
។ អ្នកជាប់ឃុំនឹងត្រូវដោះសម្លៀកបំពាក់ និងអីវ៉ាន់របស់ខ្លួនចេញ ទុកតែខោខ្លីប៉ុណ្ណោះ
36
បន្ទាប់មកគេថតរូប និងយកទៅកាន់បន្ទប់ឃុំខ្លួន
37
។ លោក សួស ធី កត់ត្រាទីកន្លែងដែលដាក់អ្នកជាប់ឃុំ
38
។ រូបថតរបស់អ្នកជាប់ឃុំក្រោយមកត្រូវភ្ជាប់ទៅនឹងប្រវត្តិរូបរបស់ពួកគេ
39
។
ជាធម្មតា អ្នកជាប់ឃុំត្រូវបាននាំមកក្នុងចំនួនតិចតួច ប៉ុន្តែមកចុងឆ្នាំ១៩៧៨ ក្រុមមួយចំនួនត្រូវបាននាំយកមកជាទ្រង់ទ្រាយធំ
40
។ ក្រុមតូចៗនឹងត្រូវបាននាំមកដោយថ្មើរជើង ហើយក្រុមធំៗមកតាមរថយន្ត
41
។ គ្រួសារត្រូវបានចាប់ខ្លួនរួមគ្នា៖ ប្រពន្ធជាមួយប្តី និងកូនជាមួយឪពុកម្តាយរបស់ពួកគេ
42
។ កុមារមិនត្រូវបានថតរូប និងធ្វើប្រវត្តិរូបទេ ហើយពួកគេមិនត្រូវបានចុះឈ្មោះក្នុងបញ្ជីផ្លូវការទេ
43
។ មានជនស៊ីវិលវៀតណាមប្រហែល ១០០ នាក់ និងមិនមានទាហានវៀតណាមច្រើនទេត្រូវឃុំខ្លួន
44
ការសួរចម្លើយជនជាតិវៀតណាមគ្រប់គ្រងដោយ ម៉ម ណៃ ហៅ ចាន់
45
។
អ្នកទោសសំខាន់គេដាក់នៅក្នុងគុកពិសេស
46
។ ប្រសិនបើអ្នកទោសណាឈឺ ត្រូវរាយការណ៍ទៅ ឌុច
47
។ លោក សួសធី មិនពាក់ព័ន្ធនឹងការកម្ទេចអ្នកជាប់ឃុំទេ ប៉ុន្តែ ហ៊ ជូនដំណឹងគាត់ ដើម្បីឲ្យគាត់ដាក់ក្នុងរបាយការណ៍
48
។
មានបុគ្គលិក ស-២១ ប្រហែល ១០០ នាក់ ត្រូវបានចាប់ខ្លួនតាមបញ្ផារបស់ ឌុច។ ក្រោយមក ហ៊ ផ្តល់ឈ្មោះពួកគេឲ្យលោក សួស ធី
49
។ ពេលចាប់ខ្លួន ពួកគេទទួលបានការប្រព្រឹត្តដូចអ្នកជាប់ឃុំផ្សេងទៀតដែរ ហើយចុងក្រោយត្រូវសម្លាប់ចោល
50
។ បុគ្គលិកពេទ្យទាំងអស់ត្រូវចាប់ខ្លួន និងជំនួសដោយកម្មាភិបាលវ័យក្មេង
51
។
លក្ខខណ្ឌនៃការឃុំខ្លួន
អ្នកជាប់ឃុំភាគច្រើនមានកង្វះអាហារូបត្ថម្ភ និងឃុំខ្លួននៅក្នុងបន្ទប់ដែលមានខ្យល់ចេញចូលមិនល្អ
52
។ អ្នកខ្លះអត់អាហារ ឬត្រូវគេធ្វើទារុណកម្មស្ទើរតែស្លាប់
53
។ ប្រសិនបើអ្នកឃុំឃាំងស្លាប់ អង្គភាពពេទ្យនឹងរាយការណ៍ថាពួកគេឈឺ
54
។ ពេលអ្នកជាប់ឃុំស្លាប់លោក សួស ធី បានកែសម្រួលបញ្ជីអ្នកជាប់ឃុំ
55
។
មានបញ្ជីឈ្មោះអ្នកជាប់ឃុំដែលត្រូវកម្ទេច និងបូមយកឈាម
56
។ ឌុច ត្រូវអនុញ្ញាតលើការដកអ្នកជាប់ឃុំចេញពី ស-២១
57
ហើយកំណត់ថានរណាគួរត្រូវកម្ទេច
58
។ ឌុច ផ្តល់បញ្ជីមានចំណារ ឲ្យ ហ៊ ដែល ហ៊ បញ្ជូនបន្តទៅឲ្យលោក សួស ធី
59
។ បន្ទាប់មក លោក សួស ធី កត់ត្រាលេខបន្ទប់អ្នកជាប់ឃុំ ហើយ ហ៊ ចាត់ឲ្យសន្តិសុខយកអ្នកជាប់ឃុំចេញពីបន្ទប់ឃុំខ្លួនរបស់ពួកគេ
60
។ លោក សួស ធី បញ្ជាក់អត្តសញ្ញាណអ្នកជាប់ឃុំនៅខាងមុខច្រកទ្វា
61
។ បន្ទាប់មកគេយកអ្នកជាប់ឃុំទាំងនោះចេញទៅសម្លាប់ ជាញឹកញាប់ដឹកតាមរថយន្ត
62
ជាធម្មតានៅម៉ោងប្រហែល ៤ ល្ងាច
63
។ កុមារត្រូវបំបែកពីឪពុកម្តាយរបស់ពួកគេ ហើយត្រូវសម្លាប់ចោលផងដែរ
64
។
ក្រោយពីសម្លាប់ហើយ លោក សួស ធី ត្រូវបញ្ជាក់បញ្ជីអ្នកជាប់ឃុំដែលនៅសល់
65
ហើយធ្វើបញ្ជីអ្នកជាប់ឃុំដែលត្រូវកម្ទេច
66
។ លោក សួស ធី មិនចាំថាមានអ្នកជាប់ឃុំណាត្រូវបានដោះលែងទេ ទោះយ៉ាងណាមានម្នាក់បានរត់រួច
67
។ គាត់មិនចាំថាមានអ្នកជាប់ឃុំណានៅ ស-២១ យូរជាងពីរខែនោះទេ
68
។ នៅចុងឆ្នាំ១៩៧៨ ឬដើមឆ្នាំ១៩៧៩ អ្នកជាប់ឃុំទាំងអស់ ត្រូវយកចេញទៅសម្លាប់ លើកលែងតែអ្នកដែលគេអនុញ្ញាតឲ្យធ្វើការ និងអ្នកដែលនៅក្នុងគុកពិសេសប៉ុណ្ណោះ
69
។
អង្គភាពពេទ្យនឹងស្នើសុំការអនុញ្ញាតពី ហ៊ បូមយកឈាមពីអ្នកជាប់ឃុំ ហើយ ហ៊ នឹងស្នើសុំការអនុញ្ញាតពី ឌុច
70
។ ប្រសិនបើទទួលបានការអនុញ្ញាត លោក សួស ធី នឹងប្រាប់អ្នកយាមពីកន្លែងឃុំខ្លួនអ្នកជាប់ឃុំដែលត្រូវបូមយកឈាមនោះ
71
។ លោក សួស ធី បានប៉ាន់ស្មានថា អ្នកជាប់ឃុំប្រហែល ២០ នាក់ ត្រូវបានបូមយកឈាម
72
ទោះបីជាយ៉ាងណា អង្គជំនុំជម្រះបានរកឃើញថា មានលើសពី ១០០ នាក់ ត្រូវបានបូមយកឈាម
73
។ នៅពេលដែលអ្នកជាប់ឃុំបានបូមយកឈាមរួចហើយ គេបានរាយការណ៍ទៅ ហ៊ ដែលត្រូវបញ្ចូលឈ្មោះអ្នកជាប់ឃុំនោះទៅក្នុងបញ្ជីកម្ទេច
74
។
ការចាកចេញពី ស-២១
លោក សួស ធី និងបុគ្គលិកផ្សេងទៀត និងអ្នកជាប់ឃុំដែលធ្វើការនៅ ស-២១ បានរត់ភៀសខ្លួននៅថ្ងៃទី៧ ខែមករា ឆ្នាំ១៩៧៩
75
។ លោក សួស ធី អះអាងថា ពួកគេភ្ញាក់ផ្អើលយ៉ាងខ្លាំងនៅពេលដែលកងទ័ពវៀតណាមមកដល់ ហើយមិនមានផែនការកម្ទេចឯកសារចោលទេ
76
។ អង្គជំនុំជម្រះបានកត់សម្គាល់លើភ័ស្តុតាងរបស់គាត់ ក្នុងការសន្និដ្ឋានថា ឯកសារអាចបាត់បង់នៅពេលខ្មែរក្រហមបោះបង់មន្ទីរ ស-២១
77
។
វីដេអូ
