តំណាងក្រុមប្រទេសផ្តល់ជំនួយសំខាន់ៗដល់សាលាក្តីខ្មែរក្រហម ដែលមានទីស្នាក់ការ នៅទីក្រុងញូវយ៉ក បាននិងកំពុងបំពេញទស្សនកិច្ចនៅអង្គជំនុំជម្រះវិសាមញ្ញក្នុងតុលាការកម្ពុជា(អ.វ.ត.ក) ពីថ្ងៃទី២៥ ដល់ថ្ងៃទី២៧ ខែមិថុនា ឆ្នាំ២០១៤។ នាឱកាសនេះ តំណាងក្រុមប្រទេសផ្តល់ជំនួយសំខាន់ៗនឹងធ្វើសន្និសីទសារព័ត៌មាននៅថ្ងៃសុក្រ ទី២៧ ខែមិថុនា ឆ្នាំ ២០១៤ នៅវេលាម៉ោង ១១:៤៥ នាទី នៅសណ្ឋាគារសាន់វ៉េ។ ប្រព័ន្ធផ្សព្វផ្សាយនានាត្រូវបាន
អញ្ជើញចូលរួមក្នុងសន្និសីទសារព័ត៌មាននេះ។
សមាសភាពនៃក្រុមប្រទេសផ្តល់ជំនួយសំខាន់ៗរួមមាន ប្រទេសជប៉ុន អូស្រ្តាលី សហរដ្ឋអាមេរិក ចក្រភពអង់គ្លេស ស៊ុយអែត បារាំង និងប្រទេសអាល្លឺម៉ង់ រួមជាមួយសហភាពអឺរ៉ុបជាអ្នកសង្កេតការណ៍។ ក្រុមប្រទេសផ្តល់ជំនួយសំខាន់ៗទាំងនេះបានធ្វើការតាមដានជាប្រចាំលើដំណើរការវិវឌ្ឍន៍របស់ អ.វ.ត.ក និងផ្តល់ការណែនាំលើកិច្ច
ការនានាក្រៅពីកិច្ចការតុលាការ។