ដោយសារតែនៅក្នុងសបា្តហ៍នេះ សវនាការអង្គជំនុំជម្រះសាលាដំបូងនឹងផ្តោតលើការបង្ហាញឯកសារភស្តុតាង ភាគីនានាតែងតែលើកឡើងពីលេខយោងឯកសារភស្តុតាង ឬលេខទំព័រដើម្បីបញ្ជាក់អត្តសញ្ញាណឯកសារដែលបានលើកមកពិភាក្សា។
ERN គឺជាពាក្យកាត់នៃពាក្យ Evidence Reference Number (លេខយោងឯកសារភស្តុតាង) ទំព័រនីមួយៗ នៃឯកសារនៅក្នុងសំណុំរឿងមានលេខយោងឯកសារតែមួយគត់។ លេខយោងឯកសារ ERN គឺ កំណត់លេខចំនួន ៨ ខ្ទង់ នៅខាងលើផ្នែកខាងឆ្វេងនៃទណព័រឯកសារនីមួយៗ ដែលត្រូវបាន
ប្រើប្រាស់ឡើងដើម្បីបញ្ជាក់ទំព័រតែមួយគត់នៃឯកសារសំណុំរឿង (សូមពិនិត្យរូបភាពភ្ជាប់មក ជាមួយ)។ លេខយោងឯកសារភស្តុតាង ERN ត្រូវបានបន្តកំណត់ទៅលើរាល់ទំព័រឯកសារថ្មី ដែលត្រូវបានដាក់ចូលទៅក្នុងសំណុំរឿងជាមួយនឹងការបន្ថែមតួលេខ ១។ ដូចដែលលោកអ្នក អាចមើលឧទាហរណ៍ខាងក្រោម នេះគឺមានន័យថានៅពេលដែលទំព័រទី១នៃឯកសារត្រូវបាន កំណត់លេខ ERN 00921916 ទំព័រទី២ នឹងមាន ERN 00921917 ហើយទំព័រទី៣ នឹងមាន លេខ ERN 00921918។
លេខយោងឯកសារភស្តុតាង ERN នេះមិនមានលក្ខណៈដូចគ្នារវាងភាសាខ្មែរ ភាសាអង់គ្លេស និងភាសាបារាំងទេ។ សម្រាប់ឯកសារខាងក្រោមនេះ លេខយោងឯកសារទី១ សម្រាប់ភាសខ្មែរ គឺ 00922758 (សម្រាប់លេខយោងឯកសារជាភាសាអង់គ្លេសគឺ 00921916)។ មូលហេតុនៃភាព គម្លាតគ្នានេះ គឺដោយសារតែឯកសារទាំងអស់មិនមានគ្រប់ភាសាទាំងបីទេ ហើយចំនួននៃទំព័រ សម្រាប់ឯកសារទាំងអស់មិនមានចំនួនស្មើគ្នាទេសម្រាប់ទាំងបីភាសា។ នៅពេលដែលលើក
ឡើងលេខយោងឯកសារ ភាគីនឹងលើកឡើងពីភាសាដែលពួកគាត់យោងដែរ។ លេខយោង ឯកសារ អនុញ្ញាតឲ្យភាគីទាំងអស់អាចរកអត្តសញ្ញាណទៅលើទំព័រនីមួយៗនៅក្នុងឯកសារមួយ ពេលដែលពួកគាត់ស្វែងរកនៅតាមប្រព័ន្ធអេឡិចត្រូនិកក្នុងចំណោមឯកសាររាប់រយពាន់ទំព័រ នៅក្នុងសំណុំរឿង។
