ស៊ុយអែតផ្តល់ជំនួយហិរញ្ញវត្ថុចំនួន ២៨លានក្រូណាដើម្បីគាំទ្រលើដំណើរការ អ.វ.ត.ក.ពីឆ្នាំ ២០១៦ ដល់ឆ្នាំ ២០១៩

រដ្ឋាភិបាលស៊ុយអែត បានផ្តល់ជំនួយហិរញ្ញវត្ថុថ្មីចំនួន ២៨ លានក្រូណា ដើម្បីគាំទ្រភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សម្រាប់ដំណើរការ និងបែងចែករយៈពេលបួនពីឆ្នាំ២០១៦ ដល់ឆ្នាំ ២០១៩។
 
ស៊ុយអែតជាម្ចាស់ជំនួយដ៏សំខាន់របស់អ.វ.ត.កនិងជាសមាជិកមួយនៃក្រុមប្រទេសផ្តល់ជំនួយសំខាន់ៗ។ ជាមួយនឹងវិភាគទានថ្មីនេះ ជំនួយហិរញ្ញវត្ថុដែលផ្តល់ដោយប្រទេសស៊ុយអែត ដល់ អ.វ.ត.ក មានចំនួនសរុប
ចំនួន ៩,៩៧ លានដុល្លារអាមេរិក (យោងតាមតម្លៃអាត្រាប្តូរប្រាក់ពីក្រូណាស៊ុយអែតមកដុល្លារអាមេរិក)។
 ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោកឃ្នុត រូហ្សិនហក អនុប្រធានការិយាល័យ រដ្ឋបាលនៃ អ.វ.ត.ក បានមានប្រសាសន៍ថា៖ «ក្នុងនាម អ.វ.ត.ក យើងខ្ញុំសូមថ្លែងអំណរគុណចំពោះការបន្តការ គាំទ្ររបស់រដ្ឋាភិបាលស៊ុយអែត។ យើងខ្ញុំ សូមស្វាគមន៍ចំពោះការផ្តល់ជំនួយហិរញ្ញវត្ថុសម្រាប់រយៈពេលច្រើន
ឆ្នាំនេះ ដែលអាចជួយសម្រួលយើងខ្ញុំក្នុងការរៀបចំគម្រោងថវិកា»។