រដ្ឋា​ភិ​បាល​ឥណ្ឌា​ផ្តល់​វិ​ភាគ​ទាន ​៥០​០​០​០​​ ​ដុល្លា​រអាមេរិក​ដល់ ​អ.វ​.​ត.​​ក

រដ្ឋាភិបាលឥណ្ឌាបានប្រកាសផ្តល់វិភាគទានជាទឹកប្រាក់ចំនួន ៥០ ០០០ ដុល្លារសហរដ្ឋអាមេរិកដល់ភាគីជាតិនៃអង្គជំនុំជម្រះវិសាមញ្ញក្នុងតុលាការកម្ពុជា(អ.វ.ត.ក)។ ជាមួយនឹងវិភាគទានថ្មីនេះ ជំនួយហិរញ្ញវត្ថុដែលផ្តល់ដោយប្រទេសឥណ្ឌា ដល់ អ.វ.ត.ក ចាប់តាំងពីតុលាការដំណើរការពីឆ្នាំ ២០០៦ មក មានចំនួនសរុប ១ ០៥០ ០០០ ដុល្លារអាមេរិក។ 

ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោក ឃ្នុត រូហ្សិនហក អនុប្រធានការិយាល័យរដ្ឋបាលនៃ អ.វ.ត.ក បានមានប្រសាសន៍ថា  ក្នុងនាម អ.វ.ត.ក យើងខ្ញុំសូមថ្លែងអំណរគុណរដ្ឋាភិបាលឥណ្ឌាចំពោះការបន្តការគាំទ្រនេះ។