សិស្សានុសិស្សចំនួន ៣៧៤ នាក់ ក្នុងខេត្តព្រៃវែង មកបំពេញទស្សនកិច្ចនៅ អ.វ.ត.ក

សិស្សានុសិស្ស លោក​គ្រូ អ្នកគ្រូ សរុបចំនួន ៣៧៤ នាក់ ក្នុងស្រុក ស៊ីធកណ្ដាល ខេត្ត​ ព្រៃវែង មកបំពេញទស្សនកិច្ចសិក្សា​ នៅអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នៅថ្ងៃទី៦ ខែកុម្ភៈ ឆ្នាំ ២០១៨។ ទស្សនកិច្ចដែលរៀបចំឡើងដោយផ្នែកកិច្ចការសាធារណៈនេះ​ ធ្វើឡើងក្នុងគោលបំណងដើម្បីសិក្សាស្វែងយល់អំពីដំណើការរបស់សាលាក្ដីខ្មែរក្រហមក្នុងការជំនុំជម្រះក្តីលើអតីតមេដឹកនាំជាន់ខ្ពស់និងអ្នកទទួលខុសត្រូវខ្ពស់ក្នុងឧក្រិដ្ឋកម្មធ្ងន់ធ្ងរបំផុតប្រព្រឹត្តនៅក្នុងអំឡុងពេលនៃរបបខ្មែរក្រហម ក៏ដូចជាការសិក្សាស្វែងយល់បន្ថែមអំពីប្រវត្តិសាស្ដ្រនៃរបបកម្ពុជាប្រជាធិបតេយ្យ។ ក្រៅពីបំពេញទស្សនកិច្ចនៅតុលាការខ្មែរក្រហម ក្នុង​​ថ្ងៃដដែលនេះ លោកគ្រូអ្នកគ្រូទាំងអស់ ក៏បាន​ទៅទស្សនកិច្ចនៅរមន្ទីរឧក្រិដ្ឋកម្មប្រល័យពូជសាសន៍ទួលស្លែង និងវាលពិឃាតដបឹងជើងឯកផងដែរ៕

ECCC

 

ECCC ECCC

 

ECCC