សិស្សចំនួនជាង ៥០០ នាក់ ក្នុងវិទ្យាល័យច្បារអំពៅ រាជធានីភ្នំពេញ មកបំពេញទស្សនកិច្ចនៅ អ.វ.ត.ក

សិស្សានុសិស្សចំនួនជាង ៥០០ នាក់ មកពីវិទ្យាល័យច្បារអំពៅ ក្នុងរាជធានីភ្នំពេញ មកបំពេញទស្សនកិច្ចសិក្សា​ នៅអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នៅថ្ងៃទី៦ និងទី ៧ ខែមីនា ឆ្នាំ ២០១៨។ ទស្សនកិច្ចដែលរៀបចំឡើងដោយផ្នែកកិច្ចការសាធារណៈនេះ​ ធ្វើឡើងក្នុងគោលបំណងដើម្បីផ្ដល់ចំណេះដឹងដល់សិស្សានុសិស្សអំពីដំណើការរបស់សាលាក្ដីខ្មែរក្រហមក្នុងការជំនុំជម្រះក្តីលើអតីតមេដឹកនាំជាន់ខ្ពស់ និងអ្នកទទួលខុសត្រូវខ្ពស់ក្នុងឧក្រិដ្ឋកម្មធ្ងន់ធ្ងរបំផុតប្រព្រឹត្តនៅក្នុងអំឡុងពេលនៃរបបខ្មែរក្រហម ក៏ដូចជាការសិក្សាស្វែងយល់បន្ថែមអំពីប្រវត្តិសាស្ដ្រនៃរបបកម្ពុជាប្រជាធិបតេយ្យ។ ក្រៅពីបំពេញទស្សនកិច្ចនៅតុលាការខ្មែរក្រហម ក្នុង​​ថ្ងៃដដែលនេះ សិស្សានុសិស្ស​ទាំងអស់ ក៏បាន​ទៅទស្សនកិច្ចនៅរមន្ទីរឧក្រិដ្ឋកម្មប្រល័យពូជសាសន៍ទួលស្លែង និងវាលពិឃាតបឹងជើងឯកផងដែរ៕

ECCC

 

ECCC

 

ECCC

 

ECCC

 

ECCC