លោកគ្រូអ្នកគ្រូ និងសិស្សានុសិស្ស ចំនួនជិត ៦០០នាក់ មកបំពេញទស្សនកិច្ចនៅ អ.វ.ត.ក

លោក​គ្រូអ្នកគ្រូ​កំពុងបង្រៀនតាមសាលានានា​ក្នុងស្រុក​មេសាង ខេត្ដព្រៃ​វែង ប្រហែល៣០០​នាក់ និងសិស្សានុសិស្សមកពីវិទ្យាល័យ​វត្តភ្នំ ក្នុងក្រុងភ្នំពេញ​ប្រមាណ ៣០០ នាក់ ទៀត​ មកបំពេញទស្សនកិច្ចសិក្សា​ នៅអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ក្នុងថ្ងៃទី២៤ ខែមេសា ឆ្នាំ ២០១៨។

ទស្សនកិច្ចដែលរៀបចំឡើងដោយផ្នែកកិច្ចការសាធារណៈនេះ​ ធ្វើឡើងក្នុងគោលបំណងដើម្បីសិក្សាស្វែងយល់អំពីដំណើការរបស់សាលាក្ដីខ្មែរក្រហមក្នុងការជំនុំជម្រះក្តីលើអតីតមេដឹកនាំជាន់ខ្ពស់និងអ្នកទទួលខុសត្រូវខ្ពស់ក្នុងឧក្រិដ្ឋកម្មធ្ងន់ធ្ងរបំផុតប្រព្រឹត្តនៅក្នុងអំឡុងពេលនៃរបបខ្មែរក្រហម ក៏ដូចជាការសិក្សាស្វែងយល់បន្ថែមអំពីប្រវត្តិសាស្ដ្រនៃរបបកម្ពុជាប្រជាធិបតេយ្យ។ ក្រៅពីបំពេញទស្សនកិច្ចនៅតុលាការខ្មែរក្រហម ក្នុង​​ថ្ងៃដដែលនេះ លោកគ្រូអ្នកគ្រូនិង​សិស្សានុសិស្ស​ទាំងអស់ ក៏បាន​ទៅទស្សនកិច្ចនៅសារៈមន្ទីរឧក្រិដ្ឋកម្មប្រល័យពូជសាសន៍ទួលស្លែង និងវាលពិឃាតបឹងជើងឯកផងដែរ៕

ECCC

 

ECCC

 

ECCC