សិស្សានុសិស្សជិត ៤០០ នាក់ មកពីអង្គការ PSE និងនិស្សិតរបស់អង្គការ YRDP ក្នុងទីក្រុងភ្នំពេញ បំពេញទស្សនកិច្ចសិក្សា នៅអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នៅថ្ងៃទី២១ ខែសីហា ឆ្នាំ ២០១៨។
ក្នុងដំណើរទស្សនកិច្ចនេះ នៅពេលព្រឹក សិស្សានុសិស្សទាំងអស់បានស្ដាប់ការធ្វើបទបង្ហាញនៅក្នុងសាលសវនាការពីលោក នេត្រ ភក្ដ្រា ជាប្រធានផ្នែកកិច្ចការសាធារណៈ និងជាអ្នកនាំពាក្យរបស់ អ.វ.ត.ក អំពីដំណើការរបស់តុលាការ នៅក្នុងសាលសាធារណៈរបស់ អ.វ.ត.ក។ ចំណែកនៅពេលរសៀល សិស្សានុសិស្សទាំងអស់បានបន្ដទៅទស្សនកិច្ចនៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង និងមជ្ឈមណ្ឌលប្រល័យពូជសាសន៍ជើងឯកផងដែរ។
ទស្សនកិច្ចដែលរៀបចំឡើងដោយផ្នែកកិច្ចការសាធារណៈនេះ ធ្វើឡើងក្នុងគោលបំណង សិក្សាស្វែងយល់អំពីដំណើការរបស់សាលាក្ដីខ្មែរក្រហមក្នុងការជំនុំជម្រះក្តីលើអតីតមេដឹកនាំជាន់ខ្ពស់និងអ្នកទទួលខុសត្រូវខ្ពស់ក្នុងឧក្រិដ្ឋកម្មធ្ងន់ធ្ងរបំផុតប្រព្រឹត្តនៅក្នុងអំឡុងពេលនៃរបបខ្មែរក្រហម ក៏ដូចជាការសិក្សាស្វែងយល់បន្ថែមអំពីប្រវត្តិសាស្ដ្រនៃរបបកម្ពុជាប្រជាធិបតេយ្យ៕
