នៅថ្ងៃ ពុធ ទី២ ខែ មីនា ឆ្នាំ ២០១៦ អង្គជំនុំជម្រះសាលាដំបូង នឹងចាប់ផ្តើមសវនាការលើភ័ស្តុតាងក្នុងប្រធានបទទីបួននៃសំណុំរឿង ០០២/០២ គឺ មន្ទីរសន្តិសុខ និង ការបោសសម្អាតផ្ទៃក្នុង។ យោងតាមដីកាដំណោះស្រាយដែលចោទប្រកាន់លើ នួន ជា និង ខៀវ សំផន បក្សកុម្មុយនិស្តកម្ពុជាបានបំផ្លាញរចនាសម្ព័ន្ធច្បាប់ និង តុលាការរបស់ប្រទេសកម្ពុជា ហើយដាក់ជំនួសវិញនូវប្រព័ន្ធមន្ទីរសន្តិសុខ និង ទីកន្លែងសម្លាប់មនុស្ស ដើម្បីឃុំខ្លួន កសាង ឬ សម្លាប់ជនដែលជាប់សង្ស័យថាជាខ្មាំង។ នៅត្រឹមឆ្នាំ ១៩៧៩ មន្ទីរសន្តិសុខប្រហែល ២០០ កន្លែង និង ទីកន្លែងសម្លាប់មនុស្សរាប់មិនអស់ត្រូវបានចោទថាបានបង្កើតឡើងនៅគ្រប់ភូមិភាគទូទាំងប្រទេសកម្ពុជា និង នៅតាមថ្នាក់ផ្សេងៗនៃរចនាសម្ព័ន្ធរដ្ឋបាល និង យោធារបស់បក្សកុម្មុយនិស្តកម្ពុជា។
ចាប់ពីថ្ងៃ ពុធ ទី ០២ ខែ មីនា ឆ្នាំ ២០១៦ តទៅ អង្គជំនុំជម្រះសាលាដំបូង នឹងធ្វើសវនាការដេញដោលលើភ័ស្តុតាងទាក់ទងនឹងមន្ទីរសន្តិសុខចំនួន ៣ កន្លែង គឺមន្ទីរសន្តិសុខអូរកន្សែងនៅខេត្តរតនៈគិរី មន្ទីរសន្តិសុខភ្នំក្រោល នៅខេត្តមណ្ឌលគិរី និង មន្ទីរសន្តិសុខ ស-២១ នៅភ្នំពេញ។ សវនាការនេះគឺជាសវនាការបន្ថែមលើមន្ទីរសន្តិសុខ ៣ កន្លែងផ្សេងទៀតដែលអង្គជំនុំជម្រះបានធ្វើសវនាការរួចហើយនៅក្នុងសំណុំរឿង ០០២/០២ គឺមន្ទីរសន្តិសុខក្រាំង- តាចាន់នៅខេត្តតាកែវ មន្ទីរសន្តិសុខវត្តអូរត្រកួននៅភូមិភាគកណ្តាល និង មន្ទីរសន្តិសុខភូមិទ្រានៅភូមិភាគបូព៌ា។
អង្គជំនុំជម្រះសាលាដំបូង បានស្តាប់សក្ខីកម្មសាក្សីចំនួន ៦៨ រូប ដើមបណ្តឹងរដ្ឋប្បវេណីចំនួន ៣៧ រូប និង អ្នកជំនាញចំនួន ០២ រូប សម្រាប់សវនាការចំនួន ១៥០ ថ្ងៃ។ បន្ទាប់ពីអង្គជំនុំជម្រះសាលាដំបូងបញ្ចប់សវនាការស្តីពីមន្ទីរសន្តិសុខ និង ការបោសសម្អាតផ្ទៃក្នុងរួចហើយ ប្រធានបទបន្ទាប់ (ប្រធានបទទីប្រាំ) នៃសវនាការគឺពាក់ព័ន្ធនឹងការចោទប្រកាន់អំពីការរៀបការដោយបង្ខំនៅក្រោមរបបខ្មែរក្រហម។ បន្ទាប់ពីប្រធានបទនេះ អង្គជំនុំជម្រះសាលាដំបូងនឹងធ្វើសវនាការលើភ័ស្តុតាងស្តីពីជម្លោះប្រដាប់អាវុធរវាងប្រទេសកម្ពុជាជាមួយនឹងប្រទេសវៀតណាម ហើយចុងក្រោយបំផុត នឹងងាកមកផ្តោតលើតួនាទីរបស់ នួន ជា និង ខៀវ សំផន។ អង្គជំនុំជម្រះរំពឹងថា សវនាការលើភ័ស្តុតាងនឹងបញ្ចប់នៅចុងឆ្នាំនេះ ហើយសាលក្រមនឹងប្រកាសនៅក្នុងឆ្នាំ ២០១៧។
អង្គជំនុំជម្រះសាលាដំបូងនឹងចាប់ផ្តើមសវនាការលើភ័ស្តុតាងនៅក្នុងប្រធានបទទីបួននៃសំណុំរឿង ០០២/០២ គឺ មន្ទីរសន្តិសុខ និង ការបោសសម្អាតផ្ទៃក្នុង
Most read
- បុគ្គលិក អ.វ.ត.ក ចូលរួមបកប្រែសាលដីកាទាក់ទងសំណុំរឿងព្រះវិហារដល់ពលរដ្ឋខ្មែរ
នៅពេលដែលតុលាការយុត្តិធម៌អន្តរជាតិ (ICJ) ប្រកាសសេចក្តីសម្រេចរបស់ខ្លួនទាក់ទងនឹងសំណុំរឿងប្រាសាទព្រះវិហារនៅទីក្រុងឡាអេ កាលពីថ្ងៃច័ន្ទ ទី១២ ខែវិច្ឆិកា ឆ្នាំ ២០១៣ អ្នកបកប្រែភាសា ៤រូបមកពីអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ក៏បានបកប្រែ…
- វីដេអូឯកសារទាក់ទងនឹងសំណុំរឿង ០០២/០១
ឯកសារវីដេអូថ្មីរយៈពេល ២៥ នាទីបានផលិតឡើងដោយផ្នែកកិច្ចការសាធារណៈជាបណ្តុំនៃសម្រង់ផ្សេងៗចេញពីការជំនុំជម្រះក្តីលើសំណុំរឿង ០០២/០១ ប្រឆាំងនឹងជនជាប់ចោទ ខៀវ សំផន និងនួន ជា។
- សហព្រះរាជអាជ្ញាស្នើឲ្យផ្តន្ទាទោសដាក់ពន្ធនាគារមួយជីវិតចំពោះជនជាប់ចោទ ខៀវ សំផន និងនួន ជា
នៅពេលបញ្ចប់ការធ្វើសេចក្តីសន្និដ្ឋានបញ្ចប់របស់ខ្លួន ថ្ងៃទី២១ ខែតុលា ឆ្នាំ ២០១៣ សហព្រះរាជអជ្ញាជាតិ លោកជំទាវ ជា លាង បានស្នើសុំអង្គជំនុំជម្រះសាលាដំបូង ដាក់ទោសទណ្ឌចំពោះជនជាប់ចោទ ខៀវ សំផន និង នួន ជា ចំពោះការចោទប្រកាន់ពីឧក្រិដ្ឋកម្មប្រឆាំងនឹងមនុស្សជាតិ…
- សហព្រះរាជអាជ្ញាស្នើសុំឲ្យមានការដាក់ទណ្ឌកម្មលើក្រុមមេធាវីការពារក្តីជនជាប់ចោទ ខៀវ សំផន
នៅក្នុងអំឡុងពេលសវនាការនៅថ្ងៃទី១៨ ខែកក្កដា ឆ្នាំ ២០១៣ តំណាងសហព្រះរាជអាជ្ញាបានស្នើសុំអង្គជំនុំជម្រះសាលដំបូងដាក់ទណ្ឌកម្មលើក្រុមមេធាវីការពារក្តីឲ្យ ជនជាប់ចោទ ខៀវ សំផន ចំពោះការបង្ហាញដែលពួកគេបានធ្វើឡើងនៅក្នុងលិខិតជូនការីនិពន្ធចុះផ្សាយនៅក្នុងកាសែត ភ្នំពេញ…