Latest Activities and Outreach

ឯកអគ្គរដ្ឋទូត​បារាំង​និង​ជប៉ុន​ធ្វើ​ទស្សនកិច្ច​នៅ អ.វ.ត.ក

ឯកអគ្គរាជទូតជប៉ុនប្រចាំព្រះរាជាណាចក្រកម្ពុជា ឯកឧត្តម គូម៉ាម៉ារូ យូជី និង​ឯកអគ្គរដ្ឋទូត​បារាំង ឯកឧត្តម សឺច ម៉ុសទូរ៉ា បាន​ធ្វើ​ទស្សនកិច្ច​នៅ អ.វ.ត.ក ថ្ងៃទី៩ ខែមេសា ឆ្នាំ២០១៣។

ប្រតិភូគណៈមេធាវីអាមេរិកធ្វើទស្សនកិច្ចនៅ អ.វ.ត.ក ថ្ងៃទី២២ ខែកុម្ភៈ ២០១៣

ប្រតិភូគណៈមេធាវីអាមេរិក ដឹកនាំ​ដោយ​​លោក​​អគ្គនាយក ជេម្ស ស៊ីលកេណាត បាន​​ធ្វើ​​ទស្សនកិច្ច​​នៅ អ.វ.ត.ក នៅថ្ងៃទី២២ ខែកុម្ភៈ ឆ្នាំ២០១៣ និង​បាន​​​ជួប​​​ប្រជុំ​​​ជាមួយ​​​ចៅក្រម​ ​មេធាវី និង​មន្ត្រីច្បាប់ ដើម្បី​​​ស្វែងយល់​​​អំពី​​​ឧបសគ្គនានា​​​ដែល​​​តុលាការ​​​ត្រូវ​​​ប្រឈមមុខ។ <br></p>

អតីតមេបញ្ជាការក្នុងកងកម្លាំង អ៊ុនតាក់ ធ្វើទស្សនកិច្ចនៅ អ.វ.ត.ក

លោកមេបញ្ជាការ ចន សេនដឺសុន នៃអូស្រ្តាលី អតីត​​​មេបញ្ជាការ​​មួយរូប​​នៃ​​កង​កម្លាំង​​រក្សា​​សន្តិភាព​​របស់​​អង្គការ​​សហប្រជាជាតិ​​ប្រចាំ​​នៅ​​កម្ពុជា (អ៊ុនតាក់) បានធ្វើ​​ទស្សនកិច្ច​​នៅ​​អង្គជំនុំជម្រះ​​វិសាមញ្ញ​​ក្នុង​​តុលាការ​​កម្ពុជា​​នៅថ្ងៃ​​ទី៥ ខែកុម្ភៈ ឆ្នាំ២០១៣ ដើម្បី​​ស្វែងយល់​​ជា​​បឋម​​អំពី​​កិច្ចការ​​របស់​​តុលាការ។

មន្ត្រីកម្មវិធី​អភិវឌ្ឍន៍​របស់​ស៊ុយអែដ​ស្វែងយល់​អំពី អ.វ.ត.ក

មន្ត្រីមកពី​ទីភ្នាក់ងារ​អភិវឌ្ឃន៍​អន្តរជាតិ​ស៊ុយអែដ (SIDA) បានចំណាយ​ពេល​ពេញ​មួយព្រឹក​នៅ អ.វ.ត.ក នៅ​ថ្ងៃអង្គារ៍ ទី៩ ខែតុលា ឆ្នាំ២០១២ ដើម្បី​ស្វែងយល់​អំពី​ការងារ​របស់ អ.វ.ត.ក។ គណៈប្រតិភូ​មាន​សមាជិក​១៧រូប និង​ដឹកនាំ​ដោយ​លោកស្រី Charlotte Petri-Gornitzka អគ្គនាយក​អង្គការ SIDA បាន​ចូល​ស្តាប់​សវនាការ​នៅ​ពេលព្រឹក ដើម្បី​ស្តាប់​សក្ខីកម្ម​របស់​អតីត​មេបញ្ជាការ​កងទ័ព​ខ្មែរក្រហម បន្ទាប់មក​ស្តាប់​បទឧទ្ទេសនាម​របស់​មន្ត្រី​តុលាការ។

បន្ទាប់មក គណៈប្រតិភូ​ក៏បាន​ជួប​ជាមួយ​ឯកឧត្តម ក្រាញ់ តូនី ប្រធាន​ការិយាល័យ​រដ្ឋបាល​ស្តីទី និង​មន្ត្រីរដ្ឋបាល​ជាន់ខ្ពស់​ដទៃទៀត និង​បាន​ជួប​ជាមួយ​លោក​ចៅក្រម រ៉ូវ៉ាន់ ដោននីង នៃ​អង្គបុរេជំនុំជម្រះ ដើម្បី​ពិភាក្សា​អំពី​ជោគជ័យ​នានា​ដែល​តុលាការ​សម្រេច​បាន និង​អំពី​ឧបសគ្គ​ចំពោះមុខ​ដែល​តុលាការ​កំពុងតែ​ប្រឈម។ លោកស្រី Petri-Gornitzka បានមាន​ប្រសាសន៍​នៅពេល​បញ្ចប់​ដំណើរ​ទស្សនកិច្ច​ថា "ដំណើរ​ទស្សនកិច្ច​នេះ​មាន​សារសំខាន់​សម្រាប់​យើងខ្ញុំ ក្នុងការ​ស្វែងយល់​អំពី​ អ.វ.ត.ក"។

គណៈប្រតិភូអាល្លឺម៉ង់ ដឹកនាំ​ដោយ​លោក​រដ្ឋលេខាធិការ Hans-Jürgen Beerfeltz ធ្វើទស្សនកិច្ចនៅ អ.វ.ត.ក

គណៈប្រតិភូជាន់ខ្ពស់អាល្លឺម៉ង់ ដឹកនាំដោយលោក Hans-Jürgen Beerfeltz រដ្ឋលេខាធិការ​ក្រសួង​អភិវឌ្ឍន៍​និង​សហប្រតិបត្តិការ​សេដ្ឋកិច្ច បាន​ធ្វើ​ទស្សនកិច្ច​នៅ អ.វ.ត.ក ថ្ងៃច័ន្ទ ទី៨​ខែតុលា ឆ្នាំ២០១២។ បន្ទាប់ពី​បាន​ចំណាយពេល​តាមដាន​សវនាការ​លើ​សំណុំរឿង ០០២ គណៈប្រតិភូ​ដែល​មាន​សមាជិក​ ១៤រូប បាន​ជួបប្រជុំ​ជាមួយ​ថ្នាក់ដឹកនាំ​និង​មន្ត្រី​ជាន់ខ្ពស់​នៃ​ការិយាល័យ​រដ្ឋបាល​នៃ អ.វ.ត.ក ដើម្បី​ពិភាក្សា​អំពី​ឧបសគ្គ​ចំពោះមុខ​ដែល អ.វ.ត.ក កំពុងតែ​ប្រឈម​លើ​ការងារ​រដ្ឋបាល ការចូលរួម​របស់​ជនរងគ្រោះ ការងារ​ផ្សព្វផ្សាយ និង​ការ​រៃ​អង្គាស​ថវិកា។ លោក Beerfeltz សម្តែង​ការ​ពេញចិត្ត​ចំពោះ​សមិទ្ធិផល​ដែល អ.វ.ត.ក សម្រេចបាន និង​បង្ហាញ​ការ​ប្តេជ្ញាចិត្តរ​បស់​អាល្លឺម៉ង់ ក្នុងការ​បន្ត​ការ​គាំទ្រ​ដល់ អ.វ.ត.ក។

ទស្សនកិច្ចរបស់ JICA

បុគ្គលិក​ម្នាក់​ និង​អ្នក​ហ្វឹក​ហាត់​ការងារ​ពីរ​នាក់​មក​ពីភ្នាក់ងារ​សហប្រតិបតិ្តការ​អន្តរជាតិ​ជប៉ុន​(JICA)​បាន​ធ្វើ​ទស្សនកិច្ច​នៅ​អង្គជំនុំ​ជម្រះ​វិសាមញ្ញ​នៃតុលាការ​កម្ពុជានៅថ្ងៃទី​ ២២​ ខែ​សីហា​ ឆ្នាំ​២០១២។​ ពួក​គេបាន​ចូល​រួម​ស្តាប់​សវនាការ​ក្នុង​សំណុំរឿង​-០០២​ ហើយមន្រ្តី​ទំនាក់​ទំនង​ផ្នែក​ច្បាប់​លោក​ Lars​ Olsen បានសង្ខេបពីដំណើរការនៃអង្គជំនុំជម្រះក្នុងសំណុំរឿង-០០២ជូនដល់ពួកគាត់ផងដែរ។​​

ទស្សន​​​កិច្ច​​របស់​​និស្សិត​​មក​​ពី​​កម្មវិធី​​អភិវឌ្ឍន៍​​ធនធាន​​យុវជន​​នៅអ.វ.ត.ក

ក្រុមនិស្សិតចំនួន ៦០នាក់នៃកម្មវិធី​​អភិវឌ្ឍន៍​​ធនធាន​​យុវជន​​បានធ្វើទស្សនកិច្ចនៅអ.វ.ត.ក ហើយបានចូលរួមស្តាប់សវនាការនៃសំណុំរឿង ០០២នៅថ្ងៃទី ១៦​ សីហា ២០១២។ ពួកគេបានផ្តល់បទឧទ្ទេសនាមដោយលោក នេត ភក្រ្តាមុនពេលចួលរួមសវនាការ។

ទស្សនកិច្ចរបស់និស្សិតច្បាប់នៃសាកលវិទ្យាល័យ ឡេដិន

និស្សិតច្បាប់មួយក្រុមមកពីសាកលវិទ្យាល័យ ឡេដិន នៃប្រទេសហុល្លង់ បានធ្វើទស្សនកិច្ចនៅអង្គជំនុំជម្រះវិសាមញ្ញនៃតុលាការកម្ពុជា នៅថ្ងៃទី ១៥ សីហា​​​ ២០១២។ ពួកគេបានចូលរួមស្តាប់សវនាការនៃសំណុំរឿង - ០០២ ហើយបានជួបជាមួយនឹងចៅក្រមមួយចំនួននៃអង្គបុរេជំនុំជម្រះ និង​អង្គ​ជំនុំ​ជម្រះ​នៃ​តុលាការកំពួលព្រមទាំងតំណាងខាងផ្នែកកិច្ចការសាធារណ និងអង្គភាពគាំពារការការពារក្តី។

ទស្សនកិច្ចរបស់សមាជិក Rotary Peace នៅអ.វ.ត.ក

និស្សិតចំនួន ២៥នាក់មកពីវិទ្យាស្ថាន Rotary Peace នៃសាកលវិទ្យាល័យ ជូឡាឡុងកនបានធ្វើទស្សនកិច្ចនៅថ្ងៃទី ១៤ សីហា ២០១២។ ពួកគេ​បាន​ទទួលបទឧទ្ទេសនាមពីតំណាងខាងផ្នែកកិច្ចការសាធារណ ការិយាល័យសហព្រះរាជអាជ្ញា និងអង្គភាពគាំពារការការពារក្តី។

ដំណើរទស្សនកិច្ចគណៈប្រតិភូមកពីសភាសហរដ្ឋអាមេរិក

អ្នកតំណាង លោក ដេវីដ ដ្រាយយើ ប្រធាន​គណៈកម្មាធិការ​ច្បាប់ ដឹកនាំ​គណៈប្រតិភូ​មកពី​សភា​សហរដ្ឋអាមេរិក ដើម្បី​ធ្វើ​ដំណើរ​ទស្សនកិច្ច​នៅ អ.វ.ត.ក នៅ​ថ្ងៃទី៩ ខែសីហា ឆ្នាំ២០១២។ គណៈប្រតិភូ​តាមដាន​ដំណើរការ​សវនាការ​សំណុំរឿង០០២ និង​ បាន​ជួប​ជាមួយ​នឹង ប្រធានស្តីទី និង អនុប្រធាន នៃការិយាល័យរដ្ឋបាល និង សហព្រះរាជអាជ្ញា។

ទស្សនកិច្ចសិក្សានៅ អ.វ.ត.ក

ប្រជាពលរដ្ឋ ៣០០នាក់ មកពី​​ខេត្តស្វាយរៀង​​ធ្វើ​ទស្សនកិច្ច​​នៅ អ.វ.ត.ក ថ្ងៃទី១១ ខែកក្កដា ឆ្នាំ២០១២ ជា​​​ផ្នែកមួយ​​នៃ​​កម្មវិធី​​ទស្សនកិច្ច​​សិក្សា​​រៀបចំ​​ដោយ អ.វ.ត.ក។

ពិធីចែកសៀវភៅសាលដីកាស្ថាពរនៃសំណុំរឿង០០១

តំណាង​ក្រសួង ស្ថាប័ន ព្រមទាំង​សិស្ស​និសិត្ស និង​ កងកម្លាំង​ប្រដាប់អាវុធ បាន​ជួបជុំ​គ្នា​នៅ អ.វ.ត.ក ក្នុង​ពិធី​ចែក​សៀវភៅ​សាលដីកា​ស្ថាពរ​នៃ​សំណុំ​រឿង ០០១ នៅ​ថ្ងៃទី១១ ខែកក្កដា ឆ្នាំ២០១២។ ពិធី​នេះ​ត្រូវបាន​ប្រារព្ធ​ឡើង​ក្រោម​អធិបតីភាព​ឯកឧត្តម ក្រាញ់ តូនី ប្រធាន​ការិយាល័យ​រដ្ឋបាល​ស្តីទី​នៃ​ អ.វ.ត.ក។

ការផ្តល់បទបង្ហាញនៅវិទ្យាស្ថានទ័ពជើងគោកក្នុងខេត្តកំពង់ស្ពឺ

ផ្នែក​កិច្ចការ​សាធារណះ​ធ្វើ​បទបង្ហាញ និង ឆ្លើយ​សំណួរ ដែល​សួរ​ដោយ​និសិត្ស​នៅ​វិទ្យាស្ថានទ័ពជើងគោក ក្នុង​ខេត្តកំពង់ស្ពឺ ថ្ងៃទី៩ ខែកក្កដា ឆ្នាំ២០១២។

សកម្មភាពផ្សព្វផ្សាយនៅវិទ្យាល័យអន្លង់វែង

អ្នកតំណាង​ផ្នែកកិច្ចការ​សាធារណៈ និង អង្គភាព​គាំពារ​ការការពារក្តី ធ្វើ​បទឧទ្ទេសនាម​ដល់​សិស្សានុសិស្ស​នៅ​វិទ្យាល័យអន្លង់វែង។

វេទិកាសាធារណៈនៅស្រុកអន្លង់វែង

អ.វ.ត.ក បាន​​រៀបចំ​​វេទិកា​​សាធារណៈ កាល​​ពីថ្ងៃទី៥ ខែកក្កដា ឆ្នាំ២០១២ ក្នុង​​ស្រុកអន្លង់វែង ដែល​​ជា​​ទី​តាំង​​ដែល​​អតីត​​ខ្មែរក្រហម​​ធ្លាប់​​កាន់កាប់​​យ៉ាង​​រឹងមាំ។ អ្នក​តំណាង​​ផ្នែកកិច្ចការ​​សាធារណៈ អ្នកតំណាង​​ការិយាល័យ​​សហព្រះរាជអាជ្ញា អ្នកតំណាង​​អង្គភាព​​គាំពារ​ការ​ការពារក្តី និង អ្នកតំណាង​​អង្គភាព​​គាំពារ​​ជនរងគ្រោះ បាន​​ចូលរួម​​ក្នុង​​វេទិកា​​នេះ ដែល​​វេទិកា​​នេះ​​បាន​​ប្រារព្ធ​​ឡើង​​នៅ​​ផ្ទះ​​អតីត​​មេដឹកនាំ​​ខ្មែរក្រហម តាម៉ុក។

វេទិកាសាធារណៈនៅស្រុកអន្លង់វែង

អ.វ.ត.ក បាន​​រៀបចំ​​វេទិកា​​សាធារណៈ កាល​​ពីថ្ងៃទី៥ ខែកក្កដា ឆ្នាំ២០១២ ក្នុង​​ស្រុកអន្លង់វែង ដែល​​ជា​​ទី​តាំង​​ដែល​​អតីត​​ខ្មែរក្រហម​​ធ្លាប់​​កាន់កាប់​​យ៉ាង​​រឹងមាំ។ អ្នក​តំណាង​​ផ្នែកកិច្ចការ​​សាធារណៈ អ្នកតំណាង​​ការិយាល័យ​​សហព្រះរាជអាជ្ញា អ្នកតំណាង​​អង្គភាព​​គាំពារ​ការ​ការពារក្តី និង អ្នកតំណាង​​អង្គភាព​​គាំពារ​​ជនរងគ្រោះ បាន​​ចូលរួម​​ក្នុង​​វេទិកា​​នេះ ដែល​​វេទិកា​​នេះ​​បាន​​ប្រារព្ធ​​ឡើង​​នៅ​​ផ្ទះ​​អតីត​​មេដឹកនាំ​​ខ្មែរក្រហម តាម៉ុក។

ទស្សនកិច្ច​ប្រតិភូ​រដ្ឋមន្ត្រី​ការបរទេស​នៃ​ចក្រភព​អង់គ្លេស នៅ អ.វ.ត.ក

លោក ជេរេមី ប្រោន សមាជិកសភា និងជា​រដ្ឋមន្ត្រី​​​ទទួល​​​បន្ទុក​​​ការិយាល័យ Foreign and Commonwealth នៃ​​ចក្រភព​​អង់គ្លេស ធ្វើ​​ទស្សនកិច្ច​​នៅ អ.វ.ត.ក នៅថ្ងៃទី៣ ខែកក្កដា ឆ្នាំ២០១២។

ទស្សនកិច្ច​សិក្សា​របស់​សិស្សសាលា St. Ignatius' College នៅទីក្រុង Adelaide ​អូស្រ្តាលី

សិស្សនិងគ្រូចំនួន ២៧នាក់ មកពីសាលា St. Ignatius' College នៅទីក្រុង Adelaide ប្រទេស​អូស្រ្តាលី ធ្វើ​ទស្សនកិច្ច​នៅ អ.វ.ត.ក ព្រមទាំង​បាន​ស្តាប់​​បទឧទ្ទេសនាម​​និង​​ចូលរួម​​ពិភាក្សា​​ជាមួយ​​សហព្រះរាជអាជ្ញា​រង វីល្លៀម ស្ម៊ីត។

ដំណើរទស្សនកិច្ចរៀបចំដោយ អ.វ.ត.ក​ ថ្ងៃទី២៨ ខែមិថុនា ឆ្នាំ២០១២

ប្រជាពលរដ្ឋ​ចំនួន ៣៥០នាក់​រស់នៅ​ក្នុង​ស្រុកពួក ខេត្តសៀមរាប ចូលរួម​ក្នុង​ដំណើរ​ទស្សនកិច្ច​ដែល​រៀបចំ​ដោយ អ.វ.ត.ក ថ្ងៃទី២៨ ខែមិថុនា ឆ្នាំ២០១២។

ជនជាតិចាម​មូស្លីម​ក្នុង​ដំណើរ​ទស្សនកិច្ចសិក្សា​

មាន​ប្រជាពលរដ្ឋ​ជនជាតិ​ចាមមូស្លីម មកពី​ខេត្តកំពង់ចាម​ចំនួន ៣៤០នាក់​បាន​ចូលរួម​ក្នុង​ដំណើរទស្សនកិច្ច​ដែល​​រៀបចំដោយ អ.វ.ត.ក ថ្ងៃទី២៦ ខែមិថុនា ឆ្នាំ២០១២។ លោក នេត្រ ភក្ត្រា មន្ត្រី​ផ្នែក​ទំនាក់ទំនង​ពត៌មាន បាន​ធ្វើ​បទបង្ហាញ​ខ្លះៗ​ទាក់ទង​នឹង អ.វ.ត.ក ជូន​ពួកគាត់។

ទស្សកិច្ចសិក្សានៅ អ.វ.ត.ក

ប្រជា​ពលរដ្ឋ​ចំនួន ២០០នាក់ មកពី​ខេត្តព្រៃវែង​បាន​ធ្វើ​ទស្សនកិច្ច​នៅ អ.វ.ត.ក សារមន្ទីរ​ឧក្រិដ្ឋកម្ម​ប្រល័យ​ពូជសាសន៍​ទួលស្លែង និង​បូជនីយដ្ឋាន​ជើងឯក នៅ​ក្នុង​កម្មវិធី​ទស្សកិច្ច​សិក្សា​រៀបចំ​ដោយ អ.វ.ត.ក។

សិក្ខាសាលា- ការយល់ដឹងអំពីស្ត្រីក្នុង​សម័យ​យុត្តិធម៌​អន្តរកាល

អង្គភាពគាំពារ​​ជនរងគ្រោះ​​បាន​រៀបចំ​​សិក្ខាសាលា​​មួយ​​ស្តីអំពី​​ការយល់ដឹង​​អំពី​ស្ត្រី​​នៅ​ក្នុង​​សម័យ​​យុត្តិធម៌​​អន្តរកាល។

និស្សិត​អូស្រ្តាលី​ធ្វើ​ទស្សនកិច្ច​នៅ អ.វ.ត.ក

សិស្ស៥នាក់និងគ្រូម្នាក់មកពី Ivanhoe Grammer School នៅអូស្រ្តាលី ធ្វើ​ទស្សនកិច្ច​នៅ អ.វ.ត.ក ថ្ងៃទី២០ ខែមិថុនា ឆ្នាំ២០១២។ ពួកគេ​បាន​ស្តាប់​បទឧទ្ទេសនាម​ដោយ​លោកស្រី យូកូ ម៉ៃដា​ មន្ត្រី​កិច្ចការ​សាធារណៈ។

មន្ត្រី​ព្រឹទ្ធសភា​អាមេរិក​ធ្វើ​ទស្សនកិច្ច​នៅ អ.វ.ត.ក

មន្ត្រីមកពី​គណៈ​កម្មការ​កិច្ចការ​បរទេស​នៃ​ព្រឹទ្ធសភា​សហរដ្ឋ​អាមេរិក​ធ្វើ​ទស្សនកិច្ច​នៅ អ.វ.ត.ក ថ្ងៃទី១៤ ខែមិថុនា ឆ្នាំ២០១២ ព្រមទាំង​​​ជួប​សំណេះ​សំណាល​​ជាមួយ​​ឯកឧត្តម ក្រាញ់ តូនី ប្រធាន​រដ្ឋបាល​ស្តីទី​នៃ អ.វ.ត.ក និងលោក ឃ្នុត រ៉ូសិនហក អនុប្រធាន​រដ្ឋបាល និង​តាមដាន​សវនាការ​ក្នុង​សំណុំរឿង ០០២។

ទស្សនកិច្ច​របស់​ក្រុមនិស្សិត​​អាមេរិក

ក្រុមនិស្សិត​ចំនួន ១៩នាក់ មកពី College of Charleston (South Carolina) សហរដ្ឋអាមេរិក បាន​មក​ធ្វើ​ទស្សនកិច្ច​នៅ អ.វ.ត.ក។ ពួកគេ​បាន​ចូល​ស្តាប់​សវនាការ​សាធារណៈ​ក្នុង​សំណុំរឿង ០០២ និង​ស្តាប់​បទឧទ្ទេសនាម​ដោយលោកស្រី យូកូ ម៉ៃដា មន្ត្រីកិច្ចការសាធារណៈ។

Pagination