អង្គបុរេជំនុំជម្រះ មានភារកិច្ចជំនុំជម្រះក្តីពាក់ព័ន្ធនឹងសំណើសុំ និងបណ្តឹងសាទុក្ខប្រឆាំងនឹងសេចក្តីសម្រេចណាមួយរបស់សហចៅក្រមស៊ើបអង្កេតក្នុងអំឡុងពេលដែលសំណុំរឿងកំពុងស្ថិតក្នុងដំណាក់កាលស៊ើបអង្កេត។ អង្គបុរេជំនុំជម្រះមានចៅក្រមជាតិបីរូប និងចៅក្រមអន្តរជាតិពីររូប ហើយរាល់ការសម្រេចចិត្តត្រូវតែមានការអនុម័តពីចៅក្រមបួនរូបយ៉ាងតិច។
បន្ទាប់ពីការធ្វើសេចក្តីសន្និដ្ឋានលើដំណើរការស៊ើបអង្កេតសំណុំរឿងមួយ ប្រសិនបើសំណុំរឿងត្រូវបានបញ្ជូនទៅជំនុំជម្រះ អង្គជំនុំជម្រះសាលាដំបូង នឹងបើកសវនាការជំនុំជម្រះក្តី។ អង្គជំនុំជម្រះសាលាដំបូងនឹងសម្រេចថាតើជនជាប់ចោទមានទោសឬមិនមានទោស ដោយផ្អែកទៅលើសក្ខីកម្មរបស់សាក្សី ភ័ស្តុតាង និងអំណះអំណាងរបស់ភាគីនីមួយៗនៅក្នុងតុលាការ។ អង្គជំនុំជម្រះសាលាដំបូងមានចៅក្រមជាតិបីរូប និងចៅក្រមអន្តរជាតិពីររូប ហើយការចេញសាលក្រមត្រូវតែមានការអនុម័តពីចៅក្រមយ៉ាងតិចបួនរូប។
អង្គជំនុំជម្រះតុលាការកំពូល នឹងជំនុំជម្រះក្តីលើបណ្តឹងសាទុក្ខប្រឆាំងនឹងសាលក្រមឬសេចក្តីសម្រេចចិត្តដែលចេញដោយអង្គជំនុំជម្រះសាលាដំបូង។ មានចៅក្រមជាតិបួនរូបនិងចៅក្រមអន្តរជាតិបីរូបនៅអង្គជំនុំជម្រះតុលាការកំពូល ហើយរាល់ការសម្រេចចិត្តនៅក្នុងអង្គជំនុំជម្រះតុលាការកំពូលត្រូវតែមានការអនុម័តពីចៅក្រមយ៉ាងតិចប្រាំរូប។
ផ្នែកតុលាការ
ឯ.ឧ ប្រធាន ប្រាក់ គឹមសាន កម្ពុជា
លោក ហួត វុទ្ធី កម្ពុជា
ឯ.ឧ. ន័យ ថុល កម្ពុជា
ចៅក្រម Steven J. Bwana (បម្រុង) Tanzania
លោក អូលីវីយេ ប៊ូវ៉ាលេ ចៅក្រមអន្តរជាតិ បារាំង
លោកចៅក្រម BAIK Kang Jin ជនជាតិកូរ៉ខាងត្បូង
Loading content ...
Loading content ...