ប្រជាពលរដ្ឋចំនួន ៣០០ នាក់ មកពីស្រុកបរិបូរណ៍ ខេត្តកំពង់ឆ្នាំង បំពេញទស្សនកិច្ច នៅសាលាក្តីខ្មែរក្រហម នៅថ្ងៃទី ២៥ ខែកញ្ញា ឆ្នាំ២០១៨។
ទស្សនកិច្ចដែលរៀបចំដោយផ្នែកកិច្ចការសាធារណៈនេះ ធ្វើឡើងដើម្បីឲ្យពួកគាត់ ឈ្វេងយល់អំពីដំណើរការរបស់សាលាក្ដីខ្មែរក្រហមក្នុងការជំនុំជម្រះក្តីលើអតីតមេដឹកនាំជាន់ខ្ពស់ និងអ្នកទទួលខុសត្រូវខ្ពស់ក្នុងឧក្រិដ្ឋកម្មធ្ងន់ធ្ងរបំផុតប្រព្រឹត្តនៅក្នុងអំឡុងពេលនៃរបបខ្មែរក្រហម ក៏ដូចជាការសិក្សាឈ្វេងយល់បន្ថែមអំពីប្រវត្តិសាស្ដ្រនៃរបបកម្ពុជាប្រជាធិបតេយ្យ។ បន្ទាប់ពីបំពេញទស្សនកិច្ចនៅតុលាការខ្មែរក្រហម អ្នកទាំងអស់គ្នាក៏បន្ដទៅទស្សនកិច្ចនៅមន្ទីរឧក្រិដ្ឋកម្មប្រល័យពូជសាសន៍ទួលស្លែង និងវាលពិឃាតបឹងជើងឯកផងដែរ៕
