ផ្នែកកិច្ចការសាធារណៈនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងសម្របសម្រួលរៀបចំសន្និសីទសារព័ត៌មានរបស់ភាគី ភ្លាមៗក្រោយអង្គជំនុំជម្រះតុលាការកំពូលនៃ អ.វ.ត.ក បិទបញ្ចប់សវនាការលើបណ្តឹងសាទុក្ខក្នុងសំណុំរឿង ០០២/០២ ប្រឆាំងនឹង ខៀវ សំផន អតីត ប្រធានគណៈប្រធានរដ្ឋនៃរបបកម្ពុជាប្រជាធិបតេយ្យនៅថ្ងៃទី១៩ ខែសីហា ឆ្នាំ២០២១ នៅក្នុងសាលសវនាការនៃ អ.វ.ត.ក។
ភាគីដែលនឹងចូលរួមសន្និសីទ សារព័ត៌មានរួមមាន៖
១-សហព្រះរាជអាជ្ញាជាតិនិងអន្តរជាតិ
២-សហមេធាវីការពារក្តី ខៀវ សំផន
៣-សហមេធាវីនាំមុខតំណាងដើមបណ្តឹងរដ្ឋប្បវេណី
អ្នកសារព័ត៌មានជាតិនិងអន្តរជាតិត្រូវបានអញ្ជើញចូលរួមសន្និសីទសារព័ត៌មានដោយផ្ទាល់នេះ និងអាចចូលរួមពីចម្ងាយតាមរយៈបហរព័ន្ធហ្សូម។
សន្និសីទសារព័ត៌មាននឹងត្រូវផ្សាយផ្ទាល់នៅលើស្ថានីយទូរទស្សន៍អប្សរានិងលើគេហទំព័ររបស់អង្គជំនុំជម្រះវិសាមញ្ញក្នុងតុលាការកម្ពុជាផងដែរ។
សូមអញ្ជើញចុះឈ្មោះចូលរួមតាមរយៈអ៊ីម៉ែល pas@eccc.gov.kh
សម្រាប់ព័ត៌មានបន្ថែម សូមទាក់ទង៖
លោក នេត្រ ភក្រ្តា
ប្រធានផ្នែកកិច្ចការសាធារណៈនិងជាអ្នកនាំពាក្យ
ទូរស័ព្ទចល័ត+៨៥៥(០)១២ ៤៨៨ ១៥៦
អ៊ីមែល៖ neth.pheaktra@eccc.gov.kh