សិស្សានុសិស្ស ៥១១ នាក់ មកពីស្រុកមេមត់ ខេត្តត្បូងឃ្មុំ ធ្វើទស្សនកិច្ចនៅ អ.វ.ត.ក

សិស្សានុសិស្ស និងលោកគ្រូអ្នកគ្រូចំនួន ៥១១ នាក់ មកពីស្រុកមេមត់ ខេត្តត្បូងឃ្មុំ មកធ្វើទស្សនកិច្ចសិក្សានៅអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នៅថ្ងៃទី ២៨ ខែឧសភា ឆ្នាំ២០១៩។

ទស្សនកិច្ចដែលរៀបចំដោយផ្នែកកិច្ចការសាធារណៈនេះ​ ធ្វើឡើងក្នុងគោលបំណងផ្ដល់ចំណេះដឹងដល់ សិស្សានុសិស្សទាំងអស់ អំពីដំណើរការរបស់សាលាក្ដីខ្មែរក្រហមក្នុងការជំនុំជម្រះក្តីលើអតីតមេដឹកនាំជាន់ខ្ពស់ និងអ្នកទទួលខុសត្រូវខ្ពស់ក្នុងឧក្រិដ្ឋកម្មធ្ងន់ធ្ងរបំផុតប្រព្រឹត្តនៅក្នុងអំឡុងពេលនៃរបបខ្មែរក្រហម ក៏ដូចជាការសិក្សាស្វែងយល់បន្ថែមអំពីប្រវត្តិសាស្ដ្រនៃរបបកម្ពុជាប្រជាធិបតេយ្យ។ ក្រៅពីបំពេញទស្សនកិច្ចនៅតុលាការខ្មែរក្រហម សិស្សានុសិស្សទាំងអស់ ក៏បាន​ទៅទស្សនកិច្ចនៅមន្ទីរឧក្រិដ្ឋកម្មប្រល័យពូជសាសន៍ទួលស្លែង និងសារមន្ទីរឧក្រិដ្ឋកម្មប្រល័យពូជសាសន៍ទួលស្លែងផងដែរ៕

eccc

eccc

eccc

eccc

eccc

eccc

Most read