សិស្សានុសិស្សចំនួន ៤៣២ នាក់មកពីខេត្តកំពង់ចាម បំពេញទស្សនកិច្ចនៅ អ.វ.ត.ក

សិស្សានុសិស្ស​ចំនួន ៤៣២ នាក់ ក្នុងវិទ្យាល័យនានា​ក្នុង​ស្រុក​បាធាយ ក្នុងខេត្តកំពង់ចាម នៅថ្ងៃទី៥ ខែមិថុនា​​ ​ ឆ្នាំ ២០១៨ បាន​មក​បំពេញ​ទស្សនកិច្ចសិក្សានៅ​​អង្គជំនុំ​ជម្រះ​វិសា​មញ្ញក្នុង​តុលាការ​កម្ពុជា​។ ទស្សនកិច្ចដែល​រៀបចំ​​ឡើងដោយផ្នែកកិច្ចការសាធារណៈ​ នេះ​ ធ្វើឡើងក្នុងគោលបំណងដើម្បីសិក្សា​ស្វែង​យល់​អំពីដំណើការ​របស់​សាលាក្ដីខ្មែរ​ក្រហមក្នុងការជំនុំជម្រះក្តីលើអតី​ត​មេដឹក​នាំ​ជាន់​ខ្ពស់​ និងអ្នកទទួលខុសត្រូវខ្ពស់ក្នុងឧក្រិដ្ឋកម្មធ្ងន់ធ្ងរបំផុតប្រព្រឹត្តនៅក្នុងអំឡុងពេលនៃរបប​ខ្មែរ​ក្រហម​ ក៏ដូច​ជា​ការ​សិក្សាស្វែងយល់បន្ថែមអំពី​​ប្រ​វត្តិ​សាស្ដ្រ​​នៃរបប​កម្ពុជា​ប្រ​ជាធិប​តេយ្យ។ បន្ទាប់​ពី​បំពេញ​ទស្សន​កិច្ច​នៅតុលាការ​ខ្មែរ​ក្រហម សិស្សទាំងអស់ ក៏បន្ដ​ទៅ​ទស្សនកិច្ចនៅ​មន្ទីរឧក្រិដ្ឋកម្មប្រល័យពូជសាសន៍ទួលស្លែង និងវាល​ពិឃាតបឹង​ជើងឯកផង​ដែរ​៕

Most read