សិស្សានុសិស្សចំនួន ៤៦១ នាក់ មកពីវិទ្យាល័យសម្ដេចតេជោ ហ៊ុន សែន សួង ក្នុងក្រុងសួង នៃខេត្តត្បូងឃ្មុំ ធ្វើទស្សនកិច្ចសិក្សានៅសាលាក្តីខ្មែរក្រហម នៅថ្ងៃទី ០៤ ខែកក្កដា ឆ្នាំ២០១៩។
ទស្សនកិច្ចដែលរៀបចំដោយផ្នែកកិច្ចការសាធារណៈនេះ ធ្វើឡើងក្នុងគោលបំណងផ្ដល់ចំណេះដឹងដល់ សិស្សានុសិស្សទាំងអស់ អំពីដំណើរការរបស់សាលាក្ដីខ្មែរក្រហមក្នុងការជំនុំជម្រះក្តីលើអតីតមេដឹកនាំជាន់ខ្ពស់ និងអ្នកទទួលខុសត្រូវខ្ពស់ក្នុងឧក្រិដ្ឋកម្មធ្ងន់ធ្ងរបំផុតប្រព្រឹត្តនៅក្នុងអំឡុងពេលនៃរបបខ្មែរក្រហម ក៏ដូចជាការសិក្សាស្វែងយល់បន្ថែមអំពីប្រវត្តិសាស្ដ្រនៃរបបកម្ពុជាប្រជាធិបតេយ្យ។ ក្រៅពីបំពេញទស្សនកិច្ចនៅតុលាការខ្មែរក្រហម នៅពេលរសៀលសិស្សានុសិស្សទាំងអស់ ក៏បានទៅទស្សនកិច្ចនៅមន្ទីរឧក្រិដ្ឋកម្មប្រល័យពូជសាសន៍ទួលស្លែង និងសារមន្ទីរឧក្រិដ្ឋកម្មប្រល័យពូជសាសន៍ទួលស្លែងផងដែរ៕
