សិស្សានុសិស្ស៩៥នាក់ មកពីវិទ្យាល័យបឹងត្របែក រាជធានីភ្នំពេញ នៅថ្ងៃទី១៨ ខែកក្កដា ឆ្នាំ២០២៤ បានអញ្ជើញមកបំពេញទស្សនកិច្ចសិក្សានៅក្នុងមជ្ឈមណ្ឌលធនធា អ.វ.ត.ក. ដើម្បីសិក្សាស្វែងយល់អំពីសមិទ្ធផលនៃការជំនុំជម្រះក្ដីរបស់សាលាក្ដីខ្មែរក្រហម។ នៅក្នុងឱកាសនោះ មន្ដ្រីរបស់ អ.វ.ត.ក. បានទទួលស្វាគមន៍ និងធ្វើបទបង្ហាញដល់សិស្សានុសិស្សទាំងអស់អំពី ដំណើរការ និងសមិទ្ធផលដែលទទួលបានពីការជំនុំជម្រះក្ដី ការអនុវត្តមុខងារសេសសល់របស់ អ.វ.ត.ក. នាពេលបច្ចុប្បន្ន សារៈសំខាន់នៃការចូលរួមរបស់ជនរងគ្រោះក្នុងដំណើរការជំនុំជម្រះក្ដី ការព្យាបាលរបួសផ្លូវចិត្ត ការគ្រប់គ្រង និងរៀបចំមជ្ឈមណ្ឌលធនធាន និងបណ្ណសាររបស់ អ.វ.ត.ក.៕
