នៅថ្ងៃទី០១ ខែ មីនា ឆ្នាំ ២០១៨ នេះ សហចៅក្រមស៊ើបអង្កេត បានចេញដីកាបញ្ជូនសំណុំរឿងទៅពិនិត្យ យោងតាមវិធានផ្ទៃក្នុង ៦៦(៤) ដោយស្នើឱ្យសហព្រះរាជអាជ្ញាដាក់ដីកាសន្និដ្ឋានស្ថាពរនៅក្នុងសំណុំរឿង ០០៤។
សហព្រះរាជអាជ្ញា មានរយៈពេល ៣ ខែ ដើម្បីដាក់ដីកាសន្និដ្ឋានស្ថាពរ ជាភាសាអង់គ្លេសសិន បន្ទាប់មកត្រូវដាក់សំណៅបកប្រែជាភាសាខ្មែរឱ្យបានឆាប់បំផុតតាមដែលអាចធ្វើទៅបាន។ នៅពេលដែលសំណៅបកប្រែទាំងស្រុងជាភាសាខ្មែរបានដាក់រួចភ្លាម មេធាវីការពារក្តីនឹងទទួលបានពេលវេលាគ្រប់គ្រាន់ដើម្បីឆ្លើយតបទៅនឹងដីកាសន្និដ្ឋានស្ថាពររបស់សហព្រះរាជអាជ្ញា មុនពេលដែលការិយាល័យសហចៅក្រមស៊ើបអង្កេតចេញដីកាដំណោះស្រាយ៕