រាជរដ្ឋាភិបាលកម្ពុជាបានបង្កើតក្រុមការងារ ទាសក ធៀរចេ សំរាប់សហប្រតិបត្ដិការជាមួយអ្នក ជំនាញការច្បាប់បរទេស និងរៀបចំជំនុំជម្រះក្ដីមេដឹកនាំខ្មែរក្រហម ដោយមានឯកឧត្ដមទេសរដ្ឋ មន្ដ្រី សុខ អាន ជាប្រធាន។ ក្រុមការងារបានចាប់ផ្ដើម ការងាររបស់ខ្លួនក្នុងការសរសេរសេចក្ដីព្រាងច្បាប់។ សេចក្ដីព្រាងច្បាប់ ទី១នេះ បានចេញនៅខែ សីហា ឆ្នាំ១៩៩៩ ហើយបានដាក់ ជូនប្រតិភូ អ.ស.ប ដឹកនាំដោយឯកឧត្ដម រ៉ាល់ហ្វ ហ្សាក់គ្លីន អនុប្រធានរបស់ឯកឧត្ដម ហាន់ កូរ៉ែល អគ្គលេខាធិការរង ទទួលបន្ទុកកិច្ចការ ច្បាប់របស់ អ.ស.ប។
សេចក្ដីព្រាងច្បាប់របស់កម្ពុជាបានទទួលការរួមវិភាគទានផ្នែកច្បាប់ និង បច្ចេកទេសពីអ្នកជំនាញ ការពីប្រទេសបារាំង ឥណ្ឌា រុស្សី អូស្ដ្រាលី និងសហរដ្ឋអាមេរិក បូកជាមួយនឹងការបំពេញ បន្ថែមពី អ.ស.ប ។
គណៈប្រតិភូទី១ របស់ អ.ស.ប ដែលដឹកនាំដោយលោក ហ្សាក់គ្លីន មកកម្ពុជាក្នុងខែ សីហា ១៩៩៩ បានសិក្សាសេចក្ដីព្រាងច្បាប់ កម្ពុជា និងបានបង្ហាញសេចក្ដីព្រាងច្បាប់របស់អ.ស.ប។ ពុំមានការព្រម ព្រៀងគ្នាទេ ដោយលោក ហ្សាក់ គ្លីន ចង់ឱ្យចៅក្រមបរទេស មានចំនួនច្រើនជាង រីឯកម្ពុជាចង់ឱ្យ ចៅក្រមកម្ពុជាមានចំនួនច្រើនជាង។