គណៈប្រតិភូជាន់ខ្ពស់អាល្លឺម៉ង់ ដឹកនាំដោយលោក Hans-Jürgen Beerfeltz រដ្ឋលេខាធិការក្រសួងអភិវឌ្ឍន៍និងសហប្រតិបត្តិការសេដ្ឋកិច្ច បានធ្វើទស្សនកិច្ចនៅ អ.វ.ត.ក ថ្ងៃច័ន្ទ ទី៨ខែតុលា ឆ្នាំ២០១២។ បន្ទាប់ពីបានចំណាយពេលតាមដានសវនាការលើសំណុំរឿង ០០២ គណៈប្រតិភូដែលមានសមាជិក ១៤រូប បានជួបប្រជុំជាមួយថ្នាក់ដឹកនាំនិងមន្ត្រីជាន់ខ្ពស់នៃការិយាល័យរដ្ឋបាលនៃ អ.វ.ត.ក ដើម្បីពិភាក្សាអំពីឧបសគ្គចំពោះមុខដែល អ.វ.ត.ក កំពុងតែប្រឈមលើការងាររដ្ឋបាល ការចូលរួមរបស់ជនរងគ្រោះ ការងារផ្សព្វផ្សាយ និងការរៃអង្គាសថវិកា។ រូបខាងឆ្វេងគឺឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទីនៃ អ.វ.ត.ក។