ពិធីសូត្រមន្ដ នៅអគារធ្វើការនៃអង្គជំនុំជម្រះវិសាមញ្ញក្នុងតុលាការកម្ពុជា ។
Latest Activities
ការបើកកម្មវិធីហ្វឹកហ្វឺនដល់ក្រុមទីប្រឹក្សាប្រជាពលរដ្ឋមកពីវិទ្យាស្ថានខ្មែរដើម្បីលទ្ធិប្រជាធិបតេយ្យ (ប្រធានផ្នែកកិច្ចការសាធារណៈ) ។
ការតែងតាំងមន្ដ្រីជាន់ខ្ព ស់កម
ប្រធានផ្នែកកិច្ចការសាធារណៈថ្លែង សុន្ទរកថា អំពីអង្គជំនុំជម្រះ ទៅកាន់អ្នកការសែត ។
ក្រុមនិស្សិតចំនួន ១៩នាក់ មកពី College of Charleston (South Carolina) សហរដ្ឋអាមេរិក បានមកធ្វើទស្សនកិច្ចនៅ អ.វ.ត.ក។ ពួកគេបានចូលស្តាប់សវនាការសាធារណៈក្នុងសំណុំរឿង ០០២ និងស្តាប់បទឧទ្ទេសនាមដោយលោកស្រី យូកូ ម៉ៃដា មន្ត្រីកិច្ចការសាធារណៈ។
ក្រុមនិស្សិតនិងសាស្រ្តាច្បាប់ចំនួន ២៥នាក់ មកពីសាលា Touro College Law Center នៅញូវយ៉ក សហរដ្ឋអាមេរិក បានធ្វើទស្សនកិច្ចនៅ អ.វ.ត.ក។ ពួកគេបានស្តាប់បទឧទ្ទេសនាមរបស់លោក ឡាស អូលសិន មន្ត្រីទំនាក់ទំនងច្បាប់ និងលោក សូ ម៉ូស្សេនី សមាជិកក្រុមការពារក្តីលោក អៀង សារី។
មន្ត្រីមកពីគណៈកម្មការកិច្ចការបរទេសនៃព្រឹទ្ធសភាសហរដ្ឋអាមេរិកធ្វើទស្សនកិច្ចនៅ អ.វ.ត.ក ថ្ងៃទី១៤ ខែមិថុនា ឆ្នាំ២០១២ ព្រមទាំងជួបសំណេះសំណាលជាមួយឯកឧត្តម ក្រាញ់ តូនី ប្រធានរដ្ឋបាលស្តីទីនៃ អ.វ.ត.ក និងលោក ឃ្នុត រ៉ូសិនហក អនុប្រធានរដ្ឋបាល និងតាមដានសវនាការក្នុងសំណុំរឿង ០០២។
សិស្ស៥នាក់និងគ្រូម្នាក់មកពី Ivanhoe Grammer School នៅអូស្រ្តាលី ធ្វើទស្សនកិច្ចនៅ អ.វ.ត.ក ថ្ងៃទី២០ ខែមិថុនា ឆ្នាំ២០១២។ ពួកគេបានស្តាប់បទឧទ្ទេសនាមដោយលោកស្រី យូកូ ម៉ៃដា មន្ត្រីកិច្ចការសាធារណៈ។
ប្រជាពលរដ្ឋចំនួន ២០០នាក់ មកពីខេត្តព្រៃវែងបានធ្វើទស្សនកិច្ចនៅ អ.វ.ត.ក សារមន្ទីរឧក្រិដ្ឋកម្មប្រល័យពូជសាសន៍ទួលស្លែង និងបូជនីយដ្ឋានជើងឯក នៅក្នុងកម្មវិធីទស្សកិច្ចសិក្សារៀបចំដោយ អ.វ.ត.ក។
ផ្នែកកិច្ចការសាធារណះធ្វើបទបង្ហាញ និង ឆ្លើយសំណួរ ដែលសួរដោយនិសិត្សនៅវិទ្យាស្ថានទ័ពជើងគោក ក្នុងខេត្តកំពង់ស្ពឺ ថ្ងៃទី៩ ខែកក្កដា ឆ្នាំ២០១២។
សិស្សនិងគ្រូចំនួន ២៧នាក់ មកពីសាលា St. Ignatius' College នៅទីក្រុង Adelaide ប្រទេសអូស្រ្តាលី ធ្វើទស្សនកិច្ចនៅ អ.វ.ត.ក ព្រមទាំងបានស្តាប់បទឧទ្ទេសនាមនិងចូលរួមពិភាក្សាជាមួយសហព្រះរាជអាជ្ញារង វីល្លៀម ស្ម៊ីត។
លោក ជេរេមី ប្រោន សមាជិកសភា និងជារដ្ឋមន្ត្រីទទួលបន្ទុកការិយាល័យ Foreign and Commonwealth នៃចក្រភពអង់គ្លេស ធ្វើទស្សនកិច្ចនៅ អ.វ.ត.ក នៅថ្ងៃទី៣ ខែកក្កដា ឆ្នាំ២០១២។
មានប្រជាពលរដ្ឋជនជាតិចាមមូស្លីម មកពីខេត្តកំពង់ចាមចំនួន ៣៤០នាក់បានចូលរួមក្នុងដំណើរទស្សនកិច្ចដែលរៀបចំដោយ អ.វ.ត.ក ថ្ងៃទី២៦ ខែមិថុនា ឆ្នាំ២០១២។ លោក នេត្រ ភក្ត្រា មន្ត្រីផ្នែកទំនាក់ទំនងពត៌មាន បានធ្វើបទបង្ហាញខ្លះៗទាក់ទងនឹង អ.វ.ត.ក ជូនពួកគាត់។
បុគ្គលិកម្នាក់ និងអ្នកហ្វឹកហាត់ការងារពីរនាក់មកពីភ្នាក់ងារសហប្រតិបតិ្តការអន្តរជាតិជប៉ុន(JICA)បានធ្វើទស្សនកិច្ចនៅអង្គជំនុំជម្រះវិសាមញ្ញនៃតុលាការកម្ពុជានៅថ្ងៃទី ២២ ខែសីហា ឆ្នាំ២០១២។ ពួកគេបានចូលរួមស្តាប់សវនាការក្នុងសំណុំរឿង-០០២ ហើយមន្រ្តីទំនាក់ទំនងផ្នែកច្បាប់លោក Lars Olsen បានសង្ខេបពីដំណើរការនៃអង្គជំនុំជម្រះក្នុងសំណុំរឿង-០០២ជូនដល់ពួកគាត់ផងដែរ។
និស្សិតច្បាប់មួយក្រុមមកពីសាកលវិទ្យាល័យ ឡេដិន នៃប្រទេសហុល្លង់ បានធ្វើទស្សនកិច្ចនៅអង្គជំនុំជម្រះវិសាមញ្ញនៃតុលាការកម្ពុជា នៅថ្ងៃទី ១៥ សីហា ២០១២។ ពួកគេបានចូលរួមស្តាប់សវនាការនៃសំណុំរឿង - ០០២ ហើយបានជួបជាមួយនឹងចៅក្រមមួយចំនួននៃអង្គបុរេជំនុំជម្រះ និងអង្គជំនុំជម្រះនៃតុលាការកំពួលព្រមទាំងតំណាងខាងផ្នែកកិច្ចការសាធារណ និងអង្គភាពគាំពារការការពារក្តី។
និស្សិតចំនួន ២៥នាក់មកពីវិទ្យាស្ថាន Rotary Peace នៃសាកលវិទ្យាល័យ ជូឡាឡុងកនបានធ្វើទស្សនកិច្ចនៅថ្ងៃទី ១៤ សីហា ២០១២។ ពួកគេបានទទួលបទឧទ្ទេសនាមពីតំណាងខាងផ្នែកកិច្ចការសាធារណ ការិយាល័យសហព្រះរាជអាជ្ញា និងអង្គភាពគាំពារការការពារក្តី។
ក្រុមនិស្សិតចំនួន ៦០នាក់នៃកម្មវិធីអភិវឌ្ឍន៍ធនធានយុវជនបានធ្វើទស្សនកិច្ចនៅអ.វ.ត.ក ហើយបានចូលរួមស្តាប់សវនាការនៃសំណុំរឿង ០០២នៅថ្ងៃទី ១៦ សីហា ២០១២។ ពួកគេបានផ្តល់បទឧទ្ទេសនាមដោយលោក នេត ភក្រ្តាមុនពេលចួលរួមសវនាការ។
មន្ត្រីមកពីទីភ្នាក់ងារអភិវឌ្ឃន៍អន្តរជាតិស៊ុយអែដ (SIDA) បានចំណាយពេលពេញមួយព្រឹកនៅ អ.វ.ត.ក នៅថ្ងៃអង្គារ៍ ទី៩ ខែតុលា ឆ្នាំ២០១២ ដើម្បីស្វែងយល់អំពីការងាររបស់ អ.វ.ត.ក។ គណៈប្រតិភូមានសមាជិក១៧រូប និងដឹកនាំដោយលោកស្រី Charlotte Petri-Gornitzka អគ្គនាយកអង្គការ SIDA បានចូលស្តាប់សវនាការនៅពេលព្រឹក ដើម្បីស្តាប់សក្ខីកម្មរបស់អតីតមេបញ្ជាការកងទ័ពខ្មែរក្រហម បន្ទាប់មកស្តាប់បទឧទ្ទេសនាមរបស់មន្ត្រីតុលាការ។
បន្ទាប់មក គណៈប្រតិភូក៏បានជួបជាមួយឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងមន្ត្រីរដ្ឋបាលជាន់ខ្ពស់ដទៃទៀត និងបានជួបជាមួយលោកចៅក្រម រ៉ូវ៉ាន់ ដោននីង នៃអង្គបុរេជំនុំជម្រះ ដើម្បីពិភាក្សាអំពីជោគជ័យនានាដែលតុលាការសម្រេចបាន និងអំពីឧបសគ្គចំពោះមុខដែលតុលាការកំពុងតែប្រឈម។ លោកស្រី Petri-Gornitzka បានមានប្រសាសន៍នៅពេលបញ្ចប់ដំណើរទស្សនកិច្ចថា "ដំណើរទស្សនកិច្ចនេះមានសារសំខាន់សម្រាប់យើងខ្ញុំ ក្នុងការស្វែងយល់អំពី អ.វ.ត.ក"។
គណៈប្រតិភូជាន់ខ្ពស់អាល្លឺម៉ង់ ដឹកនាំដោយលោក Hans-Jürgen Beerfeltz រដ្ឋលេខាធិការក្រសួងអភិវឌ្ឍន៍និងសហប្រតិបត្តិការសេដ្ឋកិច្ច បានធ្វើទស្សនកិច្ចនៅ អ.វ.ត.ក ថ្ងៃច័ន្ទ ទី៨ខែតុលា ឆ្នាំ២០១២។ បន្ទាប់ពីបានចំណាយពេលតាមដានសវនាការលើសំណុំរឿង ០០២ គណៈប្រតិភូដែលមានសមាជិក ១៤រូប បានជួបប្រជុំជាមួយថ្នាក់ដឹកនាំនិងមន្ត្រីជាន់ខ្ពស់នៃការិយាល័យរដ្ឋបាលនៃ អ.វ.ត.ក ដើម្បីពិភាក្សាអំពីឧបសគ្គចំពោះមុខដែល អ.វ.ត.ក កំពុងតែប្រឈមលើការងាររដ្ឋបាល ការចូលរួមរបស់ជនរងគ្រោះ ការងារផ្សព្វផ្សាយ និងការរៃអង្គាសថវិកា។ លោក Beerfeltz សម្តែងការពេញចិត្តចំពោះសមិទ្ធិផលដែល អ.វ.ត.ក សម្រេចបាន និងបង្ហាញការប្តេជ្ញាចិត្តរបស់អាល្លឺម៉ង់ ក្នុងការបន្តការគាំទ្រដល់ អ.វ.ត.ក។
លោកមេបញ្ជាការ ចន សេនដឺសុន នៃអូស្រ្តាលី អតីតមេបញ្ជាការមួយរូបនៃកងកម្លាំងរក្សាសន្តិភាពរបស់អង្គការសហប្រជាជាតិប្រចាំនៅកម្ពុជា (អ៊ុនតាក់) បានធ្វើទស្សនកិច្ចនៅអង្គជំនុំជម្រះវិសាមញ្ញក្នុងតុលាការកម្ពុជានៅថ្ងៃទី៥ ខែកុម្ភៈ ឆ្នាំ២០១៣ ដើម្បីស្វែងយល់ជាបឋមអំពីកិច្ចការរបស់តុលាការ។
ឯកអគ្គរាជទូតជប៉ុនប្រចាំព្រះរាជាណាចក្រកម្ពុជា ឯកឧត្តម គូម៉ាម៉ារូ យូជី និងឯកអគ្គរដ្ឋទូតបារាំង ឯកឧត្តម សឺច ម៉ុសទូរ៉ា បានធ្វើទស្សនកិច្ចនៅ អ.វ.ត.ក ថ្ងៃទី៩ ខែមេសា ឆ្នាំ២០១៣។