អង្គជំនុំជម្រះវិសាមញ្ញក្នុងតុលាការកម្ពុជាបង្កើតកម្មវិធីវិទ្យុប្រចាំសប្តាហ៍មួយដែលមានឈ្មោះថា "ការជំនុំជម្រះក្តីមេដឹកនាំខ្មែរក្រហម" ដែលចាប់ផ្តើមផ្សាយពីថ្ងៃព្រហស្បតិ៍ ទី២៤ ខែវិច្ឆិកា ឆ្នាំ២០១១ នេះតទៅ។ កម្មវិធីនេះនឹងផ្សាយបន្តផ្ទាល់នៅរៀងរាល់ល្ងាចថ្ងៃព្រហស្បតិ៍ ពីម៉ោង ៥:១៥ ដល់ម៉ោង ៦:១៥ នៅស្ថានីយ៍វិទ្យុជាតិ AM 918 KHZ និង FM 105.75 MHZ។
កម្មវិធីវិទ្យុនេះផ្តល់ឧិកាសឲ្យសាធារណជនបានបញ្ចេញមតិជាមួយមន្ត្រីផ្នែកកិច្ចការសាធារណៈនៃ អ.វ.ត.ក និងមន្ត្រីផ្សេងៗទៀត និងយល់បន្ថែមទៀតអំពីសំណុំរឿង ០០២ ប្រឆាំងនឹងអតីតមេដឹកនាំខ្មែរក្រហមបីរូប គឺ នួន ជា អៀង សារី និង ខៀវ សំផន ដែលត្រូវចោទប្រកាន់ពីបទ ឧក្រិដ្ឋកម្មប្រឆាំងនឹងមនុស្សជាតិ ឧក្រិដ្ឋកម្មប្រល័យពូជសាសន៍ និងការរំលោភបំពានយ៉ាងធ្ងន់ធ្ងរលើអនុសញ្ញាទីក្រុងហ្សឺណែវ ឆ្នាំ១៩៤៩។
នៅក្នុងសប្តាហ៍នីមួយៗ កម្មវិធីយើងនឹងផ្សាយជូននូវវិវឌ្ឍន៍នៃសវនាការក្នុងអំឡុងសប្តាហ៍នោះ ។ ប្រិយមិត្តអ្នកស្តាប់អាចទូរស័ព្ទមកកម្មវិធីយើងខ្ញុំដើម្បីសួរសំណួរ ឬបញ្ចេញមតិយោបល់ជុំវិញប្រធានបទ។ ប្រិយមិត្តអាចទូរស័ព្ទមកលេខមួយណាក៏បានក្នុងចំណោមលេខទូរស័ព្ទខាងក្រោម៖
០៩២ ៩២៩ ២៨០;
០៩២ ៩២៩ ២៨១;
០៩៧ ៨២៨ ២៩១៨; និង
០៩៧ ៨២៨ ២៩១៩ ។
ព័ត៌មានបន្ថែមអំពីកម្មវិធីវិទ្យុនេះ សូមទាក់ទងលោក ហ៊ុយ វណ្ណៈ មន្ត្រីកិច្ចការសាធារណៈ តាមរយៈសារអេឡិកត្រូនិក pas@eccc.gov.kh។