មានបន្ទប់តាមដានសវនាការពីចម្ងាយចំនួនបួនបន្ទប់ ដែលស្ថិតនៅជាន់ផ្ទាល់ដីនៃសាលសវនាការ។ បន្ទប់នីមួយៗបំពាក់ទៅដោយប្រព័ន្ធសោតទស្សន៍ ដែលអនុញ្ញាតឲ្យជនជាប់ចោទអាចធ្វើទំនាក់ទំនងជាមួយអ្នកនៅក្នុងបន្ទប់សវនាការ។ ជនជាប់ចោទអាចស្នើសុំចូលរួមក្នុងដំណើរការនីតិវិធីពីក្នុងបន្ទប់តាមដានសវនាការពីចម្ងាយ ប្រសិនបើស្ថានភាពសុខភាពរបស់គាត់មិនអនុញ្ញាតឲ្យគាត់អង្គុយនៅក្នុងបន្ទប់សវនាការ។