ប្រជាពលរដ្ឋមកពីស្រុកទ្រាំង ខេត្តតាកែវ ចំនួន ៣៥០ នាក់ និងនិស្សិតមកពីមហាវិទ្យាល័យនានាក្នុងរាជធានីភ្នំពេញចំនួន ៥០ នាក់បានមកធ្វើទស្សនកិច្ចសិក្សាអំពីអង្គជំនុំជម្រះ វិសាមញ្ញក្នុងតុលាការកម្ពុជា កាលពីថ្ងៃទី១៥ ខែសីហា ឆ្នាំ ២០១៣។ លោក នេត្រ ភក្ត្រា មន្ត្រីនាំពាក្យរបស់ អ.វ.ត.ក បានធ្វើបទបង្ហាញជូនដល់អ្នកចូលរួមទាក់ទងនឹងការវិវឌ្ឍថ្មីៗរបស់សាលាក្តីខ្មែរក្រហម និងមានការចោទសួរសំណួរ និងឆ្លើយ ព្រមទាំងទស្សនាការបញ្ចាំងខ្សែភាពយន្តឯកសារអំពីការជំនុំជម្រះក្តីផងដែរ។