ដោយអនុលោមតាមការជ្រើសតាំងរបស់លោកអគ្គលេខាធិការអង្គការសហប្រជាជាតិ បាន គីមូន និង ដោយមានការបោះឆ្នោតសម្រេចដោយឧត្តមក្រុមប្រឹក្សានៃអង្គចៅក្រម ព្រះមហាក្សត្រនៃព្រះរាជាណាចក្រកម្ពុជា ព្រះបាទ នរោត្តម សីហមុនី បានតែងតាំងលោក Justice Steven J. Bwana (មកពីប្រទេសតង់ហ្សានី) ជាចៅក្រមបម្រុងអន្តរជាតិថ្មីនៅអង្គបុរេជំនុំជម្រះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ជំនួសលោកស្រីចៅក្រម Kathinka Lahuis (មកពីប្រទេសហុល្លង់)។
លោក Justice Bwana ដែលបច្ចុប្បន្នក៏ជាចៅក្រមនៅតុលាការសាលាឧទ្ធរណ៍នៃប្រទេសតង់ហ្សានី មានបទពិសោធន៍ការងារចំនួនជាង៣៨ឆ្នាំ ក្នុងនាមជាចៅក្រម ជាមន្ត្រីអត្រានុកូលដ្ឋាន ជាអ្នកជំនាញច្បាប់ ក្នុងក្របខ័ណ្ឌជាតិនិងអន្តរជាតិ។ លោកមានសញ្ញាប័ត្របណ្ឌិតនិងអនុបណ្ឌិតច្បាប់មកពីសាកលវិទ្យាល័យ Lateran នៅទីក្រុង រ៉ូម និងសញ្ញាប័ត្រអនុបណ្ឌិតនិងបរិញ្ញាប័ត្រច្បាប់មកពីសាកលវិទ្យាល័យ Dar es Salaam។