សន្និសីទថ្នាក់ខ្ពស់ស្តីពីកេរដំណែលនៃអង្គជំនុំជម្រះវិសាមញ្ញក្នុងតុលាការកម្ពុជា ធ្វើឡើងនៅថ្ងៃទី ១៣-១៤ ខែកញ្ញា ឆ្នាំ២០១២ នៅសណ្ឋាគារឡឺរ៉ូយ៉ាល់ ក្រោមការរៀបចំរួមគ្នារវាងអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) និង គណៈកម្មការប្រព្រឹត្តកម្មនៃអង្គការសមាគម-ការពារសិទ្ធិមនុស្សកម្ពុជា (CHRAC)។ គោលបំណងនៃសន្និសីទនេះគឺ ដើម្បីលើកកម្ពស់ការពិភាក្សាអំពីកេរដំណែលនៃ អ.វ.ត.ក និងដើម្បីផ្តល់ វេទិកាមួយដែលភាគីនីមួយៗនៅក្នុងដំណើរការនេះ ព្រមទាំងសាធារណជនទូទៅ អាចពិចារណាអំពីកេរដំណែលនៃ អ.វ.ត.ក ក្នុងបរិបទជាតិ បរិបទតំបន់ និងបរិបទពិភពលោក។
